«Sovrinlar ovi» rag’batlantiruvchi aktsiyasini va qimmatbaho sovg’alar o’ynalishini o’tkazish qoidalari

«Sovrinlar ovi» rag’batlantiruvchi aktsiyasini va qimmatbaho sovg’alar o’ynalishini o’tkazish qoidalari

05.09.2025

Toshkent sh.    

1. Umumiy qoidalar

1.1. Mazkur «Sovrinlar ovi» rag’batlantiruvchi aktsiyasini o’tkazish qoidalari (bundan buyon matnda – “Qoidalar”) yuridik salohiyatli jismoniy shaxslarning (bundan buyon matnda – “Ishtirokchi”, “Ishtirokchilar”) “Internet” axborot-telekommunikatsiya tarmog’ida BirBir platformasi Foydalanuvchilari, ushbu platformaga Kiruvchilar sonini oshirish maqsadida o’tkaziladigan «Sovrinlar ovi» rag’batlantiruvchi aktsiyasida (bundan buyon matnda – “Aktsiya”) ishtirok qilish tartibini belgilaydi (1).

1.2. «DOSKA» MChJ (bundan buyon matnda – “Kompaniya”), Ustav asosida faoliyat yurituvchi, BirBir platformasi egasi, Instagram – @birbir.uz, shuningdek Telegram – https://t.me/birbir_uz ijtimoiy tarmog’ida Kompaniyaning rasmiy akkaunti (bundan buyon matnda – “BirBir akkaunti”) administratori sifatida o’z nomidan faoliyat yurituvchi direktor Andrey Pavlovich Tereshin nomidan Aktsiya tashkilotchisi hisoblanadi.

1.3. Mazkur Qoidalar O’zbekiston Respublikasi Fuqarolik kodeksining (bundan buyon matnda – “O’zR FK”) 367, 369-moddalariga asosan Ommaviy oferta hisoblanadi. Ishtirokchi tomonidan Aktsiyada ishtirok qilishga yo’naltirilgan harakatlarning amalga oshirilishi mazkur Qoidalar aktseptlanishi deb e’tirof qilinadi.

1.4. Aktsiyada ishtirok qilish bepul asosda amalga oshiriladi, bevosita Ishtirokchi tomonidan Aktsiyaning har qanday moliyalashtirilishini nazarda tutmaydi.

2. Aktsiyada ishtirok qilish shartlari

2.1. Aktsiyada ishtirok qilish uchun Ishtirokchi quyidagilarni amalga oshirishi kerak:

• Kompaniya Mijozi bo’lganidan so’ng Foydalanuvchi shartnomasi bilan tanishib chiqish va uni aktseptlash (https://birbir.uz/ru/legal/user-agreement);
• mazkur Qoidalarga rioya qilish.

2.2. Aktsiya Ishtirokchisi bo’lishga qaror qilgan BirBir platformasi Mijozi quyidagilarni amalga oshirishi kerak:

• BirBir platformasidagi o’z akkauntida quyidagi harakatlarni amalga oshirish orqali o’z ishtirokini tasdiqlash:

1) «Profil» bo’limiga o’tish;

2) Aktsiya davrida qo’shimcha tashkil etilgan «Sovrinlar ovi» ilovasini ochish;

3) “Sovrinli o’yinda ishtirok qilish” tugmasini bosish;

4) Aktsiya sahifasida hech bo’lmasa bir vazifani bajarish (bundan buyon matnda – «Aktsiya interfeysi»).

• Aktsiya o’tkazilishi davrida hafta vazifalarini bajarish, ushbu vazifalar to’g’risida axborot Aktsiya interfeysida aks ettiriladi, aynan esa (cheklanmagan holda):

1) har kuni BirBir platformasidagi akkauntga kirish, Aktsiya interfeysiga o’tish va «BirBir, tug’ilgan kuning bilan!» tugmasini bosish;

2) BirBir platformasida Aktsiya interfeysida belgilangan davriylikda muayyan toifaga tegishli E’lonni joylashtirish;

3) BirBir platformasidagi akkauntda “Tanlangan” bo’limiga Aktsiya interfeysida belgilangan davriylikda muayyan toifaga tegishli E’lonni kiritish.

2.3. Aktsiya Ishtirokchisi har bir bajarilgan vazifa uchun ballar oladi, aynan esa:

1) BirBir platformasidagi akkauntga kirilganligi, Aktsiya interfeysiga o’tilganligi va «BirBir, tug’ilgan kuning bilan!» tugmasi bosilganligi uchun – 1 (bir) ball;

2) BirBir platformasida Aktsiya interfeysida belgilangan davriylikda muayyan toifaga tegishli E’lon joylashtirilganligi uchun – muayyan vazifada belgilangan ballar miqdori (3 (uch) balldan 6 (olti) ballgacha;

3) BirBir platformasidagi akkauntda “Tanlangan” bo’limiga Aktsiya interfeysida belgilangan davriylikda muayyan toifaga tegishli E’lon qo’shilganligi uchun – sutkada eng ko’pi bilan 1 (bir) ball;

4) Aktsiya interfeysida boshqa vazifa bajarilganligi uchun – bunday vazifada qayd etilgan ballar miqdori.

2.4. Ishtirokchi tomonidan hafta davomida olingan barcha ballar umumlashtiriladi. Ballar miqdori Sovrinli o’yinda ishtirok etish imkoniyatlari miqdoriga teng, demak g’olib bo’lish imkoni ham ballar miqdori o’sishiga mutanosib ravishda oshib boradi. Ishtirokchi barcha to’plangan ballarni BirBir platformasidagi o’z akkauntida ko’rishi mumkin.

2.5. Kompaniya u yoxud bu vazifa qiymatini (ball bilan ifodalanishini) kamayish tomonga ham, ko’payish tomonga ham o’zgartirishga haqli. Aktual axborot Aktsiya interfeysida taqdim qilinadi.

2.6. Kompaniya «BirBir, tug’ilgan kuning bilan!» tugmasi yoki ma’no va ahamiyati bo’yicha o’xshash boshqa tugma sutkada 1 (bir) marta faol (klikabel) ekanligini ma’lum qiladi. Shunday qilib, har bir Ishtirokchi Aktsiya interfeysiga faqat sutkada 1 (bir) marta kirish va tugmani bosish imkoniyatiga ega bo’ladi. Ishtirokchida qayd etilgan tugmadan navbatdagi foydalanish imkoniyati soat 00:01da, ya’ni navbatdagi sutkaning birinchi daqiqasida paydo bo’ladi.

3. Sovrinli o’yinni o’tkazish va unda ishtirok qilish shartlari

3.1. Kompaniya Aktsiya Ishtirokchisi tomonidan mazkur Qoidalarga rioya qilingan holatda Aktsiyaning har bir Ishtirokchisi avtomatik ravishda Kompaniyadan, shu jumladan homiylardan (ular mavjud bo’lgan holatda) qimmatbaho sovg’alar o’yini ishtirokchisiga aylanishini ma’lum qiladi.

3.2. Sovrinli o’yin Kompaniya tanlovi bo’yicha quyidagi usullardan biri yordamida o’tkaziladi:

1) BirBir akkauntida bevosita efirda. Sovrinli o’yin o’tkazilish vaqti BirBir akkauntida sovrinli o’yin boshlangungacha 24 (yigirma to’rt) soatdan kechikmay ma’lum qilinadi;

2) Sovrinli o’yin o’tkazilish jarayoni bevosita namoyish etilmagan holda, biroq Sovrinli o’yin o’tkazilganidan so’ng 24 (yigirma to’rt) soat mobaynida BirBir akkauntida Sovrinli o’yin yozuvi joylashtirilgan holda.

Sovrinli o’yinni o’tkazish usuli (bevosita efirda onlayn yoki yozuvi joylashtirilgan holda offlayn) BirBir akkauntida Sovrinli o’yin boshlangungacha eng kamida 5 (besh) soat oldin ma’lum qilinadi.

3.3. Sovrinli o’yinni tashkillashtirish uchun Kompaniya tomonidan mazkur Qoidalar talablariga javob beradigan har bir Aktsiya Ishtirokchisiga har qanday sonlar kombinatsiyasida identifikatsiyalash raqami (bundan buyon matnda – “ID”) beriladi. ID raqami ishtirokchilar soniga teng emas va Aktsiya ishtirokchilarining tartib raqami hisoblanmaydi, faqat Aktsiya Ishtirokchilarining shaxsiy ma’lumotlarini tegishlicha saqlash maqsadida beriladi.

3.4. Sovrinli o’yinda quyidagi Ishtirokchilar ishtirok qiladilar:

• Aktsiya interfeysida joylashtirilgan vazifalarning hech bo’lmasa 1 (bittasi) shartlarini bajargan va ushbu vazifa bajarilganligi uchun hech bo’lmasa 1 (bir) ball olgan;
• oldin mazkur Aktsiya yoki Kompaniya tomonidan o’tkaziladigan har qanday boshqa Aktsiya doirasida Sovrinli o’yinda g’olib bo’lmagan;
• ID berilgan Ishtirokchilar. (Ishtirokchiga ID berilganligi to’g’risida Kompaniya Ishtirokchiga har qanday foydalanish mumkin bo’lgan usul yordamida, biroq har qanday holatda BirBir platformasidagi akkauntda xabardor qilgan holda ma’lum qiladi. Aktsiya Ishtirokchisi Aktsiya o’tkazilish davrida mustaqil ravishda, muntazam tartibda BirBir platformasida o’z akkauntidagi chat shaxsiy xabarlarini tekshirish, shuningdek unga kelgan xabarnomalarni kuzatib borish majburiyatini oladi. Kompaniya ID berilganligi to’g’risida Ishtirokchi xabardor qilinishi va Ishtirokchi tomonidan BirBir platformasida o’z akkauntidagi chat shaxsiy xabarlari va/yoki unga yuborilgan xabarnomalar tekshirilmaganligi uchun javobgar bo’lmaydi.).

3.5. Aktsiya barcha shartlarini bajargan, biroq, bunda, oldin mazkur Aktsiya yoki Kompaniya tomonidan o’tkaziladigan har qanday boshqa Aktsiya doirasida Sovrinli o’yin g’olibi bo’lgan Ishtirokchi joriy Sovrinli o’yinda avtomatik ravishda ishtirok qilmaydi, biroq, bunda, o’z xohish-istagiga qarab, Ballar to’plashni davom ettiradi.

3.6. Agar Aktsiya Ishtirokchisi mazkur Qoidalarda belgilangan boshqa cheklovlarga daxldor bo’lmasa, bunday Ishtirokchida Sovrinli o’yinda g’olib bo’lgan holatda Kompaniyadan qimmatbaho sovg’a olish imkoniyati bo’ladi.

3.7. Sovrinli o’yin, odatda, har haftada o’tkaziladi. Sovrinli o’yinda tarkibi va miqdori Kompaniya tomonidan muayyan Sovrinli o’yin uchun belgilanadigan quyidagi qimmatbaho sovg’alar o’ynaladi:

• Samsung Galaxy A56 (8/256 gb) mobil telefoni, har qanday rangda, 8 (sakkiz) dona miqdorda;
• Kompaniya firma belgisiga ega mahsulotlar: 10 (o’n) dona futbolka va 10 (o’n) dona shopper, ular tavsiflari Kompaniya tomonidan belgilanadi.

Kompaniya BirBir platformasida tegishli axborotni e’lon qilish orqali Ishtirokchilarni ommaviy xabardor qilgan holda qimmatbaho sovg’alar sonini oshirishga haqli.

Qimmatbaho sovg’alar qaytarilishi, almashtirilishi mumkin emas, shuningdek ularning pul ekvivalentiga yoki boshqa tovarlar/xizmatlarga almashtirilishi mumkin emas.

3.8. Aktsiya Ishtirokchilari ma’lumotlari “Shaxsiy ma’lumotlar” ta’rifiga tegishli ekanligi, Sovrinli o’yin esa har qanday turdagi til biriktirish va/yoki manfaatlar to’qnashuvini istisno qilish maqsadida BirBir akkauntida bevosita efirda o’tkazilishi mumkinligi tufayli Sovrinli o’yin o’tkazilishida g’olibning ID e’lon qilinadi, sovrinli o’yin ishtirokchilari ro’yxati esa (2) sovrinli o’yin paytida tegishli sovrinli o’yin barcha Ishtirokchilari ID shaklida tuziladi va ommaviy namoyish etiladi.

3.9. Sovrinli o’yinni o’tkazish tartibi.

Kompaniya o’z vakiliga quyidagi vakolatlarni beradi (3):

• BirBir akkauntida (Kompaniya tanlovi bo’yicha Instagram va/yoki Telegram ijtimoiy tarmog’ida, biroq har qanday holatda ham Ishtirokchilar xabardor qilingan holda) qimmatbaho sovg’alar o’ynalishini o’tkazish;
• sovrinli o’yin g’olibiga Ishtirokchi tomonidan BirBir platformasida ro’yxatdan o’tkazilishda qayd etilgan telefon raqamlari bo’yicha qo’ng’iroqni amalga oshirish;
• uyali aloqa operatori tomonidan belgilangan vaqt davomida sovrinli o’yinning birinchi g’olibidan (4) telefon qo’ng’irog’iga javob bo’lmagan holatda, sovrinli o’yinning ikkinchi g’olibiga (5) telefon qo’ng’irog’ini amalga oshirish.

3.10. Sovrinli o’yin randomayzerdan foydalanilgan (6) yoki lototrondan foydalanilgan (7) holda o’tkazilishi yoxud bevosita Kompaniya tomonidan BirBir akkauntida yoki boshlovchi tomonidan sovrinli o’yin o’tkazilish vaqtida ma’lum qilingan (o’qib eshittirilgan) har qanday boshqa taqiqlanmagan usulda, biroq har qanday holatda ham tasodifiy raqamlar mexanikasi (generatori)dan foydalanilgan (8) holda o’tkazilishi mumkin.

3.11. Kompaniya sovrinli o’yin o’tkaziladigan kunda eng kamida 3 (uch) nafar Ishtirokchidan telefon qo’ng’irog’iga javob bo’lmagan holatda, sovrinli o’yinni o’tkazilmagan deb e’tirof qilish huquqini o’zida qoldiradi.

3.12. Kompaniya har bir Ishtirokchining haqiqiy yoshidan xabardor bo’lolmasligi sababli har qanday yuridik salohiyatsiz jismoniy shaxs Aktsiya Ishtirokchisi bo’lishi mumkinligi tufayli 14 (o’n to’rt) yoshga to’lgan, biroq 18 (o’n sakkiz) yoshga to’lmagan Ishtirokchi sovrinli o’yin g’olibi bo’lgan holatda qimmatbaho sovg’a bunday g’olibning qonuniy vakiliga topshiriladi.

3.13. Agar Kompaniya xodimi va/yoki Kompaniyaning affillangan shaxsi xodimi, yoxud Kompaniyaga, yoxud Kompaniyaning yakuniy benefitsiariga bevosita yoki bilvosita aloqador bo’lgan boshqa shaxs Aktsiya Ishtirokchisiga aylansa, bunday shaxs sovrinli o’yinda ishtirok qilayotgan Aktsiya ishtirokchilari tarkibidan avtomatik ravishda chiqarib yuboriladi.

3.14. Sovrinli o’yinning sovrin fondini BirBir platformasi Mijozlarini rag’batlantirish (sonini oshirish) uchun Kompaniya tomonidan qonuniy asosda xarid qilingan qimmatbaho sovg’alar tashkil etadi, shuningdek Kompaniya homiylaridan boshqa ashyolarni ham o’z ichiga olishi mumkin. Aktsiya reklama xususiyatiga ega.

3.15. Sovrinli o’yin O’zbekiston Respublikasining 2022 yil 07 iyundagi “Reklama to’g’risida”gi O’zRQ-776-sonli Qonuni 21-moddasiga asosan rag’batlantiruvchi aktsiya hisoblanadi va hech qanday vaziyatlarda lotereya, qimor o’yini sifatida yoki qayd etilgan Qonunning 21-moddasida belgilanganidan boshqacha ravishda talqin qilinishi mumkin emas.

3.16. Qimmatbaho sovg’ani topshirish, agar sovrinli o’yin o’tkazilish paytida boshqa qoida e’lon qilinmagan bo’lsa yoki BirBir akkauntida ma’lum qilinmagan bo’lsa, Toshkent shahrida Kompaniya joylashgan manzil bo’yicha amalga oshiriladi (9).

3.17. Kompaniya sovrinli o’yin o’tkazilish paytining video va/yoki audio yozuvini amalga oshirishga va kelgusida bunday yozuvni BirBir akkauntida va/yoki BirBir platformasida ham butunligicha, ham qisman namoyish etishga haqli. Bunday yozuv rag’batlantiruvchi aktsiya arxivini saqlash, shuningdek reklama maqsadlarida ham butunligicha, ham qisman namoyish etish uchun amalga oshiriladi.

3.18. Sovrinli o’yin har haftada quyidagi tartibda o’tkaziladi:

• Aktsiya o’tkazilish davrida har yakshanba kuni Kompaniya tomonidan o’tgan hafta yakunlari o’tkaziladi va har bir Ishtirokchiga hafta mobaynidagi umumiy ball chiqariladi;
• sovrinli o’yin o’tgan hisobot haftasi yakunlari bo’yicha sovrinli o’yin tugaganidan so’ng 5 (besh) kalendar kuni mobaynida o’tkaziladi.

Hafta O’zbekiston Respublikasi hududida belgilangan kalendar bo’yicha dam olish va/yoki bayram kunlari istisno qilinmagan holda dushanbadan yakshanbagacha barcha kunlardan iborat.

3.19. Sovrinli o’yinda Ishtirokchilar o’tgan hisobot haftasi mobaynida o’zlari to’plagan ballar miqdori bilan ishtirok qiladilar. Ballar hisobot haftasi mobaynida umumlashtiriladi va oy mobaynida yoki qayd etilgan muddatdan tashqari boshqa davr mobaynida umumlashtirilmaydi. Shunday qilib, Aktsiyaning yangi haftasi boshlanishi bilan Ishtirokchida ballar miqdori va vazifalarni bajarish rivojlanishi nolga teng bo’ladi (har dushanba kuni soat 00:00da o’tgan hafta uchun ballar nolga aylanadi va ballarni hisoblash qaytadan boshlanadi) va bunday Ishtirokchi navbatdagi sovrinli o’yinda ishtirok etish uchun vazifalar bajarilishini qaytadan boshlashi va ular uchun ballar olishi kerak. Bunda, Kompaniya butun Aktsiya davri mobaynida har bir Ishtirokchi bo’yicha umumlashtirilgan ballar hisobini yuritishga haqli.

3.20. Ishtirokchi bajarilgan vazifa uchun berilgan ball to’g’risida BirBir platformasidagi Akkaunt interfeysida xabardor qilinadi. Ballar to’lov vositasi hisoblanmaydi, ayirboshlash va qaytarish yoki biron-bir boshqa narsaga almashtirish mumkin emas.

3.21. Kompaniya sovrinli o’yin g’olibiga qimmatbaho sovg’a topshirilish paytining video va/yoki audio yozuvini amalga oshirishga va kelgusida bunday yozuvni BirBir akkauntida va/yoki BirBir platformasida reklama maqsadlarida ham butunligicha, ham qisman namoyish etishga haqli.

4. Cheklanishlar va javobgarlik

4.1. E’londa quyidagilarni joylashtirish mumkin emas:

• tijorat olibsotarlik maqsadida yangi tovarlar;
• qonun hujjatlarida oboroti taqiqlangan yoki cheklangan tovarlar (qurol, dori preparatlari, alkogol va b.);
• begona ashyolar ular egasining roziligisiz;
• uchinchi shaxslarning mualliflik va boshqa huquqlarini buzadigan kontent.

4.2. Kompaniya oldi-sotdi bitimlarida ishtirok qilmaydi, E’lonlar to’g’riligini tekshirmaydi hamda Ishtirokchilar va (Interesantlar) (10) o’rtasidagi kelishuvlar oqibatlari uchun javobgar bo’lmaydi.

4.3. Kompaniya mazkur Qoidalarni buzadigan E’lonni Ishtirokchi xabardor qilinmagan holda olib tashlashga haqli.

4.4. Ishtirokchi E’lonning O’zbekiston Respublikasi qonun hujjatlari, shu jumladan iste’molchilar huquqlarini himoya qilish, shaxsiy ma’lumotlar, reklama va h.k. to’g’risidagi qonun hujjatlari talablariga muvofiqligi uchun mustaqil ravishda javobgar bo’ladi. Kompaniya fikricha, mazkur Qoidalar va/yoki Foydalanuvchi shartnomasi shartlari buzilishini bir necha marta amalga oshirgan Ishtirokchi akkauntini blokirovka qilish huquqini Kompaniya o’zida qoldiradi.

4.5. Kompaniya Aktsiyaning har qanday Ishtirokchisi oldida quyidagilar uchun javobgar bo’lmaydi va boshqa hech qanday javobgar bo’lishi mumkin emas:

• BirBir platformasining har qanday foydalanuvchisidan SPAM (11) va/yoki yuqori ham ijobiy, ham negativ (salbiy) fikr-mulohazalar;
• BirBir platformasida va/yoki uning tashqarisida Ishtirokchilar akkauntlariga DoS-hujumlar (12);
• har qanday Ishtirokchining ehtimoliy ta’qib qilinishi;
• uchinchi shaxslarning Aktsiya Ishtirokchisi bilan munosabatlaridagi va/yoki unga nisbatan boshqa harakatlari.

4.6. Kompaniya, agar E’lon, Kompaniya fikricha, ma’no yuklamasini o’z ichiga olmasa, iste’molchini chalg’itsa va/yoki faqat sovrinli o’yinda ishtirok qilish uchun ball olish maqsadida tuzilgan bo’lsa, biroq u yoxud bu tovarni realizatsiya qilish, u yoxud bu xizmat ko’rsatish / ish bajarish asl maqsadi hisoblanmasa yoki bunday E’londa aniq oshirib yuborilgan narx (solishtiriladigan vaziyatlarda to’lovni amalga oshirish mumkin bo’lmagan narx) qayd etilgan bo’lsa yoxud bevosita E’lon matni har bir e’lon qilinganida ahamiyatsiz tuzatishlar / o’zgartishlar / qo’shimchalar kiritilgan holda takrorlansa, ushbu E’lonni olib tashlashga haqli.

5. Shaxsiy ma’lumotlarni ishlash uchun rozilik

5.1. Ishtirokchi Aktsiyada ishtirok qilish orqali Kompaniya tomonidan o’z shaxsiy ma’lumotlarining quyidagi maqsadlarda ishlanishiga rozilik bildiradi:

• Aktsiyada ishtirok qilishni ta’minlash;
• BirBir platformasida E’lonlarni joylashtirish;
• BirBir platformasi Mijozlarini va Aktsiya ishtirokchilarini Aktsiya o’tkazilish jarayoni to’g’risida xabardor qilish;
• Aktsiya Ishtirokchilari bilan qayta aloqa bog’lash;
• mazkur Qoidalar talablariga rioya qilinishini ta’minlash.

5.2. Mazkur Qoidalar doirasida shaxsiy ma’lumotlar deyilganida Ishtirokchini bevosita yoki bilvosita identifikatsiyalash imkonini beradigan har qanday axborot, shu jumladan: ism-sharifi (taxallusi), telefon raqami, messendjerdagi login, elektron pochta manzili, fotosurat va boshqa taqdim qilingan ma’lumotlar tushuniladi.

5.3. Shaxsiy ma’lumotlarni ishlash har qanday harakatlarni amalga oshirish, shu jumladan shaxsiy ma’lumotlarni to’plash, tizimlashtirish, saqlash, foydalanish, tarqatish (shu jumladan, uzatish), egasiz qilib qo’yish, blokirovka qilish va yo’q qilish orqali amalga oshiriladi.

5.4. Qayd etilgan rozilik mazkur Qoidalar aktseptlangan paytdan e’tiboran Ishtirokchi tomonidan Kompaniyaga elektron pochta manziliga yozma shaklda bildirish xatini yuborish orqali ushbu rozilik qaytarib olinadigan paytgacha amal qiladi.

5.5. Shaxsiy ma’lumotlarni ishlash uchun rozilik qaytarib olingan holatda, Ishtirokchi Aktsiyada ishtirok qilish huquqini yo’qotadi, uning E’loni esa olib tashlanishi mumkin.

6. Boshqa shartlar

6.1. Aktsiya O’zbekiston Respublikasi hududida o’tkaziladi. Kompaniya, shahar / viloyatga qarab, Aktsiya interfeysida Ishtirokchini xabardor qilgan holda, u yoxud bu vazifani bajarish narxini ham, vazifa ta’rifini ham o’zgartirish huquqini o’zida qoldiradi.

6.2. Kompaniya Aktsiya Ishtirokchilariga Aktsiyada ishtirok qilishning o’zi Interesantlarning xaridorlik qobiliyatini oshirishga va Aktsiya Ishtirokchilari tomonidan joylashtirilgan E’lon bo’yicha tovarlar / ishlar / xizmatlar Aktsiya o’tkazilish davrida ham, Aktsiyadan keyin ham realizatsiya qilinishiga hech qanday kafolatlar bermaydi.

6.3. Aktsiya faqat reklama xususiyatiga ega va BirBir tovar belgisi, shuningdek BirBir platformasidan xabardor bo’lish darajasini oshirishga yo’naltirilgan. Aktsiya tashkilotchisi: «Doska» MChJ, manzili: O’zbekiston Respublikasi, Toshkent shahri, Yunusobod tumani, “Minor” MFY, Ts6, 70; aloqa bog’lash uchun telefon raqamlari: +998 88 089 55 35.

6.4. Aktsiya quyidagi davrda: 2025 yil 08 sentyabrdan 2025 yil 28 sentyabrgacha yoki qimmatbaho sovg’alar miqdori tugagangacha o’tkaziladi. Oxirgi sovrinli o’yin Aktsiya o’tkazilishi tugagan sanadan e’tiboran 1 (bir) hafta mobaynida o’tkaziladi, bunda Sovrinli o’yinni o’tkazish aniq sanasi ushbu sovrinli o’yin o’tkaziladigan paytgacha 24 (yigirma to’rt) soat oldin ma’lum qilinadi.

6.5. Kompaniya BirBir akkauntida va/yoki BirBir platformasida ham butunligicha, ham qisman Aktsiya o’tkazilish jarayoni to’g’risidagi axborotni joylashtirish (takrorlash) huquqini o’zida qoldiradi.

6.6. Qimmatbaho sovg’aning pul mablag’lariga almashinuvi amalga oshirilmaydi. Qimmatbaho sovg’a Sovrinli o’yin g’olibiga natural shaklda topshiriladi.

6.7. Mijoz Aktsiya Ishtirokchisiga aylangan, biroq:

• Aktsiya interfeysida olgan bironta ham vazifani bajarmagan holatda – bunday Mijoz qimmatbaho sovg’alar Sovrinli o’yini ishtirokchisi bo’lmaydi;
• uning fikricha, Aktsiya interfeysida vazifani bajargan bo’lsa ham (masalan, E’lon joylashtirgan, biroq bevosita E’lon BirBir Qoidalarini buzgan holatda) – bunday vazifa (masalan, E’lon joylashtirish) bajarilmagan hisoblanadi, demak Ishtirokchiga buning uchun tegishli ball hisoblab yozilmagan, agar oldin ball hisoblab yozilgan bo’lsa, ushbu ball umumiy ballar sonidan chegirib olinadi.

6.8. Aktsiya Ishtirokchisi Aktsiya interfeysida vazifani bajarish davomida har qanday E’lon moderatsiya tartib-taomilidan o’tishini, demak darhol joylashtirilmasligini va/yoki oqibatda olib tashlanishi mumkinligini anglaydi. E’lon olib tashlangan holatda, bunday E’lon uchun hisoblab yozilgan ballar bekor qilinadi (hafta mobaynida hisoblab yozilgan umumiy ballar sonidan chegirib olinadi).

6.9. Aktsiya Ishtirokchisi Aktsiya interfeysida BirBir platformasidagi o’z akkauntiga har safar kirishda o’z vazifalari bajarilishi rivojlanishini kuzatib borishi mumkin.

7. Yakuniy qoidalar

7.1. Mazkur Qoidalar BirBir platformasida e’lon qilingan paytdan e’tiboran kuchga kiradi va Aktsiya tugagan paytgacha yoxud Kompaniya tomonidan ular qaytarib olingungacha yoki o’zgartirilgungacha amal qiladi.

7.2. Kompaniya BirBir platformasida va/yoki BirBir akkauntida aktual tahrirni joylashtirish orqali mazkur Qoidalarga bir tomonlama tartibda o’zgartishlar kiritishga haqli.

7.3. Ishtirokchilar mazkur Qoidalarga kiritilgan o’zgartishlarni mustaqil ravishda kuzatib borish va ularga rioya qilish majburiyatini oladilar.

7.4. Mazkur Qoidalar bilan hal qilinmagan barcha holatlarga O’zbekiston Respublikasining amaldagi qonun hujjatlari normalari qo’llaniladi.

7.5. Qimmatbaho sovg’alar olgan jismoniy shaxslar daromadlari uchun yuzaga keladigan daromad solig’i, Sovrinli o’yin g’olibi tomonidan kerakli hujjatlar va ma’lumotlar (jismoniy shaxsning shaxsiy identifikatsiyalash raqami) taqdim qilingan holatda, Kompaniya hisobidan to’lanadi. Sovrinli o’yin g’olibi qimmatbaho sovg’alarni olish paytida kerakli hujjatlar va/yoki ma’lumotlar taqdim qilinishini rad etgan holatda, agar bunday paytda bevosita Kompaniya tomonidan boshqa qaror qabul qilinmasa, Kompaniya Sovrinli o’yinni o’tkazilmagan deb e’tirof qilishga haqli.

7.6. Kompaniya Aktsiya davrida Ishtirokchi tomonidan olingan barcha ballarni umumlashtirishga va kelgusida bunday Ishtirokchini BirBir servislaridan foydalanishda ushbu ballar qo’llanishi yuzasidan uning uchun ijobiy natijalar to’g’risida xabardor qilishga haqli.

 

(1) BirBir mobil ilovasi va Internet tarmog’ida www.birbir.uz manzili bo’yicha joylashtirilgan sayt.

(2) Shuni e’tiborga olish kerakki, Aktsiyaning ba’zi Ishtirokchilari sovrinli o’yin ishtirokchisiga aylanmasligi mumkin. Mazkur Qoidalarni diqqat bilan o’qib chiqish kerak.

(3) Sovrinli o’yin o’tkazilishi paytida boshlovchi rolini ijro etuvchi shaxs.

(4) Sovrinli o’yin g’olibi deb e’tirof qilingan Aktsiya Ishtirokchisi.

(5) Sovrinli o’yinning “birinchi g’olibi” telefon qo’ng’irog’iga javob bermaganligi tufayli sovrinli o’yin takroriy o’tkazilganidan so’ng g’olib bo’lgan Aktsiya Ishtirokchisi.

(6)   Qurilma yordamida faqat tasodifiylik asosida oqilona ravishda oldindan taxmin qilinishi mumkin bo’lgan raqamlar yoki belgilar ketma-ketligi yuzaga keltiriladigan jarayon. Tasodifiy raqamlar generatorlari jismoniy muhit biron-bir belgisining joriy ma’nosiga qarab tasodifiy raqamlarni yuzaga keltiradigan, joriy bilimlar darajasida modellash deyarli mumkin bo’lmagan “tasodifiy raqamlar apparat generatorlari”ga va tasodifiy ko’rinadigan, biroq, agar soxta-tasodifiy raqamlar generatori ishlashi uchun asos hisoblangan model ma’lum bo’lsa, aslida aniqlangan va qayta yuzaga keltirish mumkin bo’lgan raqamlarni yuzaga keltiradigan soxta-tasodifiy raqamlar generatorlariga bo’linadi.

(7) Lototron – qabul qilish lotogiga raqamlangan sharlar va/yoki kartochkalarni uzatadigan aralashtirish tizimli avtomatik qurilma.

(8) Sovrinli o’yinni o’tkazadigan shaxs tomonidan tanlanadigan raqam oldindan noma’lum bo’ladigan “taqdir taqozosi” formatida tasodifiy tanlov.

(9) Sovrinli o’yin o’tkaziladigan kun.

(10) E’londan tovarlar/ishlar/xizmatlarni xarid qilish istagini bildirgan shaxslar.

(11) Bildirish xatlarini oluvchining roziligisiz ommaviy tarqatish, shuningdek veb-resurslarda xavfli zararli havolalarni joylashtirish.

(12) (inglizcha Denial of Service – “xizmat ko’rsatishni rad qilish”) – hisoblash tizimini ishdan chiqarish maqsadida ushbu tizimga xakerlik hujumi.