Rag'atlantiruvchi aksiya o'tkazish qoidalari va qimmatbaho sovg'alar qur'asi Zinama-Zina

09.07.2026
Toshkent shahri

1. Umumiy qoidalar

1.1. Mazkur «Zinama-zina» rag‘batlantiruvchi aksiyasini o‘tkazish qoidalari (keyingi o‘rinlarda — "Qoidalar") internet axborot-kommunikatsiya tarmog‘ida o‘tkaziladigan «Zinama-zina» rag‘batlantiruvchi aksiyasida (keyingi o‘rinlarda — "Aksiya") ishtirok etuvchi muomalaga layoqatli jismoniy shaxslarning (keyingi o‘rinlarda — "Ishtirokchi", "Ishtirokchilar") ishtirok etish tartibini belgilaydi. Aksiya BirBir Platformasi tashrif buyuruvchilari va foydalanuvchilari sonini oshirish maqsadida tashkil etiladi.

1.2. Aksiya tashkilotchisi — BirBir Platformasi egasi hisoblangan «DOSKA» MCHJ (keyingi o‘rinlarda — "Kompaniya"), direktor Andrey Pavlovich Tereshin nomidan, Ustav asosida faoliyat yuritadi hamda Kompaniyaning Instagram ijtimoiy tarmog‘idagi @birbir.uz va Telegram'dagi https://t.me/birbir_uz rasmiy akkauntlari (keyingi o‘rinlarda — "BirBir akkaunti") administratori sifatida ish olib boradi.

1.3. Mazkur Qoidalar O‘zbekiston Respublikasi Fuqarolik kodeksining 367 va 369-moddalariga muvofiq ommaviy oferta hisoblanadi. Ishtirokchi tomonidan Aksiyada ishtirok etishga qaratilgan harakatlarning amalga oshirilishi ushbu Qoidalarning aksepti deb hisoblanadi.

1.4. Aksiyada ishtirok etish bepul amalga oshiriladi va Ishtirokchidan Aksiyani moliyalashtirishni talab qilmaydi.

2. Aksiyada ishtirok etish shartlari

2.1. Aksiyada ishtirok etish uchun Ishtirokchi quyidagilarni bajarishi kerak:

• Foydalanuvchi kelishuvini (https://birbir.uz/ru/legal/user-agreement) o‘qib chiqish va qabul qilish hamda Kompaniya mijoziga aylanish;
• yuqorida ko‘rsatilgan hujjatlar shartlariga rioya qilish.

2.2. Aksiya ishtirokchisiga aylanishni istagan BirBir Platformasi mijozi quyidagi harakatlarni bajarishi lozim:

BirBir Platformasidagi o‘z akkauntida:

1. "Profil" bo‘limiga o‘tish;
2. Aksiya davri uchun yaratilgan "Zinama-zina" yorlig‘ini ochish;
3. "O‘yinda ishtirok etish" tugmasini bosish;
4. Aksiya sahifasidagi kamida bitta vazifani bajarish (keyingi o‘rinlarda — "Aksiya interfeysi").

Aksiya davomida Aksiya interfeysida e'lon qilinadigan haftalik vazifalarni bajarish, jumladan:

• BirBir Platformasidagi akkauntga kirish, Aksiya interfeysiga o‘tish va "O‘yinda ishtirok etish" tugmasini bosish;
• BirBir Platformasida istalgan yoki belgilangan toifaga oid e'lonlarni Aksiya interfeysida ko‘rsatilgan miqdor va davriylikda joylashtirish;
• Do‘stni havola orqali BirBir'da ro‘yxatdan o‘tishga taklif qilish va har bir taklif qilingan foydalanuvchi uchun ball olish;
• Midea botiga kafolat talonini https://t.me/promotion_midea_bot manzili orqali yuborish (keyingi o‘rinlarda — Midea boti) va konditsioner xaridi uchun avtomobil yutug‘i o‘yinida ishtirok etish maqsadida 12 ball olish.

2.3. Har bir bajarilgan vazifa uchun Ishtirokchiga quyidagi miqdorda ball beriladi:

• BirBir Platformasidagi akkauntga kirish, Aksiya interfeysiga o‘tish va "1 ball olish" tugmasini bosish — 1 ball;
• BirBir Platformasida Aksiya interfeysida ko‘rsatilgan davriylikda e'lon joylashtirish — 2 ball;
• BirBir Platformasiga do‘stni taklif qilish — 6 ball;
• Midea x Welkin konditsionerini BirBir Platformasi orqali onlayn yoki Toshkent shahri, Sag‘bon 24-tor ko‘chasi, 81-uy manzilidagi do‘kondan oflayn xarid qilish — 6 ball;
• Midea botiga kafolat talonini yuborish — 6 ball.

2.4. Ishtirokchi tomonidan 3 (uch) hafta davomida to‘plangan barcha ballar jamlanadi. Ballar soni sovrinli o‘yinda ishtirok etish imkoniyatlari soniga teng bo‘ladi. Demak, ballar qancha ko‘p bo‘lsa, g‘alaba qozonish ehtimoli ham shuncha yuqori bo‘ladi. To‘plangan barcha ballarni Ishtirokchi BirBir Platformasidagi o‘z akkauntida ko‘rishi mumkin.

2.5. Kompaniya istalgan vazifa uchun beriladigan ballar sonini kamaytirish yoki oshirish huquqiga ega. Dolzarb ma'lumotlar Aksiya interfeysida e'lon qilinadi.