FOYDALANUVCHI SHARTNOMASI

Toshkent sh.

16.05.2025

Mundarija:

1. UMUMIY QOIDALAR

2. ATAMALAR VA TA’RIFLAR

3. SHARTNOMA PREDMETI

4. BIRBIR PLATFORMASIDA RO’YXATDAN O’TKAZISH

5. BIRBIR PLATFORMASIDA AKKAUNTDAN FOYDALANISH HUQUQI

6. BIRBIR SERVISI

7. BIRBIR PLATFORMASIDA «XAVFSIZ BITIM»

8. SHARTNOMANI TUZISH TARTIBI

9. SHARTNOMANI BEKOR QILISH TARTIBI

10. KOMPANIYA XIZMATLARI QIYMATI VA HISOB-KITOBLAR TARTIBI

11. PUL MABLAG’LARINI QAYTARISH TARTIBI

12. XIZMATLAR KO’RSATISH SHARTLARI VA TARTIBI

13. KO’RSATILGAN XIZMATLARNI QABUL QILISH TARTIBI

14. MAXFIY AXBOROT

15. KOMPANIYA BILDIRISH XATI VA JAVOBGARLIKNI RAD QILISH

16. MIJOZNI ISHONTIRISH VA KAFOLATLASH

17. TARAFLAR HUQUQLARI VA MAJBURIYATLARI

18. TARAFLAR JAVOBGARLIGI

19. HUQUQLARDAN VOZ KECHISH

20. YENGIB BO’LMAS KUCH VAZIYATLARI (FORS-MAJOR)

21. NIZOLARNI HAL QILISH TARTIBI

22. SHARTNOMANING AMAL QILISH MUDDATI

23. YAKUNIY QOIDALAR

24. KOMPANIYA REKVIZITLARI

1-sonli ILOVA

IZOHLAR

Mazkur hujjat O’zbekiston Respublikasi Fuqarolik kodeksining (bundan buyon matnda – “O’zR FK”) 369-moddasiga asosan «DOSKA» Mas’uliyati cheklangan jamiyatining (bundan buyon matnda – “Kompaniya”), Ustav asosida faoliyat yuritadigan, BirBir mobil ilovasi va Internet tarmog’ida www.birbir.uz manzili bo’yicha joylashgan sayt, shuningdek Telegram messendjerida mini-ilova (bundan buyon matnda – “BirBir platformasi” (1)) egasi hisoblangan direktor Andrey Pavlovich Tereshin nomidan har qanday yuridik salohiyatli jismoniy shaxs nomiga yo’llangan rasmiy taklifi (Ommaviy oferta) hisoblanadi.

Quyida keltirilgan harakatlar amalga oshirilgan holatda, bunday yuridik salohiyatli jismoniy shaxs Foydalanuvchi shartnomasi Aktseptini (shartlari qabul qilinishini) amalga oshiradi, bu xizmatlar ko’rsatish uchun Shartnoma (bundan buyon matnda – “Shartnoma”) tuzilishi bilan bir xil kuchga ega, demak u “Mijoz”ga aylanadi, bundan buyon matnda “Mijoz” va “Kompaniya” birgalikda “Shartnoma Taraflari” deb yuritiladi.

1. UMUMIY QOIDALAR

1.1. Yuqorida qayd etilganlar asosida Kompaniya Foydalanuvchi shartnomasi matnini diqqat bilan o’qib chiqishni va unda qayd etilgan barcha hujjatlar bilan tanishib chiqishni so’raydi.

1.2. Yuridik salohiyatli jismoniy shaxs Foydalanuvchi shartnomasida belgilangan harakatlar amalga oshirilgungacha BirBir platformasiga Kiruvchi hisoblanadi va Kompaniya, Foydalanuvchi shartnomasida belgilangan shaxslardan tashqari, bunday shaxs oldida hech qanday majburiyatlarga ega bo’lmaydi.

1.3. Agar BirBir platformasiga Kiruvchi Foydalanuvchi shartnomasining biron-bir bandiga rozilik bildirmasa, Kompaniya bunday jismoniy shaxsni Kompaniya Aktseptini, shuningdek Kompaniya xizmatlaridan foydalanishni, xuddi shuningdek BirBir platformasidan foydalanishni rad qilishga chaqiradi.

1.4. Foydalanuvchi shartnomasini qabul qilgan (aktseptlagan) shaxs bu orqali O’zbekiston Respublikasining amaldagi qonun hujjatlariga (bundan buyon matnda – “O’zR qonun hujjatlari”) asosan Shartnoma tuzish barcha vakolatlariga ega ekanligini va to’liq mustaqil (yakka tartibda) javobgar bo’lishini tasdiqlaydi.

1.5. Foydalanuvchi shartnomasi Kompaniya tomonidan istalgan vaqtda, Mijoz biron-bir maxsus xabardor qilinmagan holda o’zgartirilishi mumkin. Foydalanuvchi shartnomasining yangi tahriri, agar Kompaniya tomonidan bevosita boshqa qoida belgilanmagan bo’lsa, Internet tarmog’ida https://birbir.uz/ru/legal manzili bo’yicha Kompaniya saytida joylashtirilgan paytdan e’tiboran kuchga kiradi. Foydalanuvchi shartnomasining amaldagi tahriri bilan muntazam ravishda tanishib chiqish Mijoz vazifasi hisoblanadi. Foydalanuvchi shartnomasining amaldagi tahririni Internet tarmog’ida https://birbir.uz/ru/legal manzili bo’yicha olish mumkin. Mijoz tomonidan BirBir platformasida BirBir Servisidan foydalanib harakatlar amalga oshirilganida, agar Mijoz boshqacha fikr bildirsa ham, Kompaniya Mijoz Foydalanuvchi shartnomasi bilan tanishib chiqqanligiga va unga roziligiga asoslanadi.

1.6. Taraflar Shartnoma shartlarini (Foydalanuvchi shartnomasining 8-bo’limi) bajarishda O’zR amaldagi qonun hujjatlariga, shuningdek Foydalanuvchi shartnomasiga (unga barcha ilovalar va qo’shimchalar bilan birga) amal qiladilar.

1.7. Foydalanuvchi shartnomasi, O’zR FK 369, 370-moddalarga asosan Ommaviy oferta hisoblanadi va quyidagi qonun hujjatlariga asosan quyida qayd etilgan shartlarni tasdiqlash taklif qilinadi:

O’zR FK 370-moddasi 4-qismi;
O’zbekiston Respublikasining 2022 yil 29 sentyabrdagi “Elektron tijorat to’g’risida”gi O’zRQ-792-sonli Qonuni 9-12-moddalari;
O’zbekiston Respublikasining 2004 yil 29 apreldagi “Elektron hujjat aylanishi to’g’risida”gi 611-II-sonli Qonuni 4-7-moddalari;
O’zbekiston Respublikasining 2003 yil 11 dekabrdagi “Axborotlashtirish to’g’risida”gi 560-II-sonli Qonuni 16-moddasi;
O’zbekiston Respublikasining 2017 yil 11 sentyabrdagi “Jismoniy va yuridik shaxslar murojaatlari to’g’risida”gi O’zRQ-445-son Qonuni 3- moddasi (yangi tahriri).

2. ATAMALAR VA TA’RIFLAR

2.1. Foydalanuvchi shartnomasida Internet tarmog’ida https://birbir.uz/ru/legal manzili bo’yicha joylashtirilgan BirBir platformasi Qoidalarida ta’riflangan atamalardan foydalanilishi mumkin.

2.2. BirBir platformasi Qoidalarida ta’riflangan atamalardan tashqari, quyida qayd etilgan atamalar quyidagicha ma’nolarga ega bo’ladi:

Xizmat (Xizmatlar)	Kompaniya tomonidan Mijoz manziliga amalga oshiriladigan harakatlar ro’yxati.
Mijoz	Foydalanuvchi shartnomasida belgilangan, Foydalanuvchi shartnomasining 8-bo’limida belgilangan tartibda Shartnoma shartlariga so’zsiz va muqarrar rozilik (aktsept) berilishiga yo’naltirilgan harakatlarni amalga oshirgan va tegishli ravishda, Shartnoma doirasida Shartnoma Tarafiga aylangan identifikatsiyalangan mijoz, yuridik salohiyatli jismoniy shaxs (O’zbekiston Respublikasi rezidenti). Identifikatsiyalangan mijoz – BirBir platformasi Qoidalaridan istalgan biri aktseptlanishini amalga oshirgan, MyID tizimi orqali identifikatsiyalangan yuridik salohiyatli jismoniy shaxs (O’zbekiston Respublikasi rezidenti).
Kompaniya	BirBir platformasi egasi hisoblangan va Xizmatlar to’lovi nazarda tutilgan holatda Mijoz tomonidan tanlangan Xizmatlar to’lovi sifatida Mijozdan pul mablag’larini olgan «DOSKA» MChJ.
Foydalanuvchi shartnomasini aktseptlash (Ommaviy ofertani aktseptlash)	Mijoz tomonidan Xizmatlar tanlovi va uning to’lovi, agar bu nazarda tutilgan bo’lsa, BirBir platformasidagi to’lov servisi orqali amalga oshirilishi.
BirBir platformasi	Internet tarmog’idagi www.birbir.uz manzili bo’yicha sayt, Android va iOS asosida ishlab chiqilgan mobil ilova, Kompaniyaga tegishli Telegram messendjerdagi mini-ilova, shuningdek Kompaniya tomonidan realizatsiya qilinishi mumkin bo’lgan boshqa dasturiy mahsulotlar.
BirBir platformasi Qoidalari	Internet tarmog’idagi https://birbir.uz/ru/legal manzili bo’yicha saytda BirBir platformasida va mobil ilovada, shuningdek boshqa Interfeyslarda joylashtirilgan va shu jumladan, mazkur Foydalanuvchi shartnomasini o’z ichiga oladi.
E’lon	Mijoz tomonidan BirBir Servisidan foydalanib BirBir platformasida joylashtirilgan axborot.
Tovar	Ham iste’molda, ham yangi bo’lishi mumkin bo’lgan, ularning egasi – Mijoz BirBir platformasida realizatsiya qilish taqiqlanmagan tegishli E’lonni joylashtirish orqali yuridik taqdirini belgilaydigan, shuningdek O’zbekiston Respublikasi hududida oboroti cheklanmagan xalq iste’mol tovarlari.
Abonent raqami (mobil telefon raqami)	BirBir platformasida ro’yxatdan o’tkazishda Mijoz tomonidan belgilangan, jismoniy shaxsga tegishli bo’lgan va O’zbekiston Respublikasi hududida ro’yxatdan o’tkazilgan mobil aloqa operatori tomonidan taqdim qilingan telefon raqami.
Mijozni identifikatsiyalash	Mijoz tomonidan ro’yxatdan o’tkazishda va/yoki MyID tizimida qo’shimcha identifikatsiyalashda belgilangan Mijoz ma’lumotlarini solishtirish orqali Mijoz shaxsini aniqlash va tasdiqlash jarayoni.
BirBir haqi	Mijoz tomonidan BirBir platformasida tanlangan Xizmatlarni olish imkoniyati Mijozga taqdim qilinganligi uchun Mijozdan olinadigan pul summasi.
MyID tizimi	Masofaviy xizmatlardan qonuniy foydalanish huquqini taqdim qilish maqsadida shaxsning yagona biometrik ko’rsatkichlari bo’yicha jismoniy shaxslarning haqiqiy identifikatsiyalanishi va autentifikatsiyalanishini ta’minlaydigan biometrik identifikatsiyalash tizimi. MyID «UZINFOCOM davlat axborot tizimlarini tashkil qilish va qo’llab-quvvatlash bo’yicha yagona integrator» MChJga mulkka egalik huquqida tegishli bo’lgan hamda Android va iOS operatsion tizimlari boshqaruvida ishlaydigan va Internet tarmog’idan foydalanish imkoniyatiga ega bo’lgan frontal kamerali mobil qurilmalar (smartfon, planshet yoki boshqa qurilma) uchun mo’ljallangan axborot tizimi hisoblanadi.
Bank kartasi	O’zbekiston Respublikasi banki tomonidan chiqarilgan to’lov kartasi bo’lib, bunday Bank kartasi egasiga O’zbekiston Respublikasi qonun hujjatlariga asosan bank hisobvarag’ini yoki boshqa bunday axborot hisobvarag’ini boshqarish hamda bank yoxud boshqa kredit yoki to’lov tashkiloti va Mijoz o’rtasida tuzilgan tegishli shartnoma doirasida bank va boshqa ruxsat berilgan to’lov operatsiyalarini amalga oshirish imkonini beradi, Multicard tizimiga va/yoki kelgusida ulangan har qanday to’lov tashkilotiga (tizimlariga) biriktirilgan to’lov kartasi.
Internet-to’lovlar tizimi, MULTICARD tizimi	To’lovlarni amalga oshirishda Bank, to’lov tizimi operatori, Kompaniya, Mijozlar o’rtasida axborot-texnologik o’zaro hamkorlikni ta’minlaydigan «MULTICARD PAYMENT» AJ dasturiy majmuasi.
To’lov	Mijozning topshirig’iga binoan MULTICARD tizimi tomonidan amalga oshiriladigan Mijozning Bank kartasidan pul mablag’larini chegirib olish operatsiyasi.
To’lov sahifasi	MULTICARD tizimida yoki BirBir platformasida realizatsiya qilingan va To’lovni amalga oshirish maqsadida Mijozning bank kartasi rekvizitlarini joriy qilish uchun mo’ljallangan veb-sahifa yoki mobil ilova interfeysi.
Bank	«MULTICARD PAYMENT» AJ bilan shartnoma tuzgan, To’lovlar bo’yicha hisob-kitob operatsiyalarini amalga oshiradigan kredit tashkiloti.
Shaxsiy ma’lumotlar	Mijoz, BirBir platformasiga Kiruvchining quyidagilarni o’z ichiga oladigan shaxsiy ma’lumotlari: familiyasi, ismi va otasining ismi (agar, O’zbekiston Respublikasi qonun hujjatlarida boshqa qoida belgilanmagan bo’lsa), fuqaroligi, tug’ilgan sanasi, shaxsini tasdiqlovchi hujjat rekvizitlari, turar-joy (ro’yxatdan o’tkazilgan) yoki turish joyi manzili, Abonentlik telefon raqami, jismoniy shaxsning shaxsiy identifikatsiyalash raqami, shuningdek jismoniy shaxsni “Mijoz” maqomiga o’tkazish uchun uning shaxsini bevosita va/yoki bilvosita aniqlash (identifikatsiyalash) imkonini beradigan boshqa axborot.
Akkaunt (Mijoz profili)	BirBir platformasida Mijozni ro’yxatdan o’tkazishda tashkil qilinadigan, Mijozga E’lonni joylashtirish va BirBir platformasida tegishli To’lovlarni amalga oshirish uchun Farmoyishlar berish, shuningdek BirBir Servisidan foydalanish imkoniyatini yaratadigan hisobga olish qaydnomasi.
Professional Akkaunt	BirBir platformasida Mijozni tadbirkorlik sub’ekti sifatida (2) ro’yxatdan o’tkazishda tashkil qilinadigan, Mijozga E’lonni joylashtirish va BirBir platformasida tegishli To’lovlarni amalga oshirish uchun Farmoyishlar berish, shuningdek BirBir Servisidan foydalanish imkoniyatini yaratadigan hisobga olish qaydnomasi.
Farmoyish	Mijozning BirBir platformasi orqali Bank nomiga BirBir platformasi funktsionali doirasida realizatsiya qilingan tegishli To’lovlarni amalga oshirish uchun asos hisoblangan elektron topshirig’i.
Qurilma	Mijoz tomonidan BirBir platformasida o’z Akkauntiga kirish uchun foydalaniladigan har qanday mobil qurilma, shaxsiy kompyuter yoki boshqa portativ va/yoki statsionar qurilma.
Kompensatsiya uchun ariza	Foydalanuvchi shartnomasining 11-bo’limida qayd etilgan holatlar yuz berganida Kompaniya tomonidan Mijozga pul kompensatsiyasi to’lovi uchun Mijozning tegishli ravishda rasmiylashtirilgan topshirig’i.
BirBir kompensatsiyasi	Foydalanuvchi shartnomasida belgilangan vaqt oralig’i davrida Kompaniyaning o’z mablag’laridan to’lanadigan va yetkazib berilgan va/yoki yetkazib berilmagan Tovar natijasida Mijoz uchun salbiy oqibatlarni kamaytirish, shuningdek kamchiliklari bo’lgan Tovar olinishi tufayli Mijoz uchun salbiy oqibatlarni kamaytirish maqsadida amalga oshiriladigan pul summasi.
Ta’minot servisi	Dasturiy ta’minotga va tegishli litsenziyalarga ega har qanday yuridik shaxs, BirBir platformasi Mijozi ushbu yuridik shaxs yordamida E’londa belgilangan Tovar yetkazib berilishini rasmiylashtirishi mumkin, bunda bunday yuridik shaxsning dasturiy ta’minoti BirBir platformasi bilan integratsiyalangan bo’lishi shart.
BirBir servisi	BirBir platformasida taklif qilinadigan, Mijozga BirBir platformasi funktsionalidan foydalanish huquqini olish imkonini beradigan texnologik qarorlar va/yoki boshqa axborot-texnik, tashkiliy-huquqiy va/yoki boshqa vositalar va/yoki yuridik ahamiyatli harakatlar, shuningdek raqamli, axborot-texnik, vositachilik, to’lov va boshqa turdagi xizmatlar majmui.
Reklama E’lon (E’lonni rivojlantirish)	Mijozga Foydalanuvchi shartnomasida belgilangan tartibda va shartlarda E’lonni rivojlantirish bo’yicha xizmatlar olish imkonini beradigan BirBir platformasining texnologik qarori.
BirBir platformasiga Kiruvchi	O’z Qurilmasiga Mobil ilovasini o’rnatgan yoxud O’zR qonun hujjatlarida taqiqlanmagan har qanday maqsad bilan Internet tarmog’ida www.birbir.uz Kompaniya saytiga kirgan, biroq bunday o’rnatish va/yoki saytga kirish paytida Ro’yxatdan o’tkazish va Akkauntni tashkil qilish istagi bo’lmagan, lekin BirBir platformasi imkoniyatlari va funktsionali bilan tanishib chiqish va/yoki Mijoz tomonidan taklif qilinayotgan tovarlar/xizmatlarni xarid qilish istagida bo’lgan har qanday jismoniy shaxs.
Mijoz vakili (3)	Odatda, O’zbekiston Respublikasi qonun hujjatlarida nazarda tutilgan tartibda rasmiylashtirilgan vakolatnoma asosida faoliyat yuritadigan va odatda, yuridik shaxs manfaatlarini himoya qiladigan Mijoz.
Qo’llab-quvvatlash xizmati	Mijozlarga faqat BirBir platformasidan foydalanish bilan bog’liq masalalar bo’yicha yordam ko’rsatish uchun tashkil qilingan BirBir platformasi Servisi. Ushbu Servisdan https://t.me/BirBir_Support manzili bo’yicha Telegram messendjerida yoki BirBir platformasidagi «Qo’llab-quvvatlash» bo’limida foydalanish mumkin.
BirBir Interfeysi (Interfeys)	BirBir platformasining Mijozga ko’rinadigan vizual qismi, shu jumladan: - veb-interfeys; - mobil veb-interfeys; - mobil ilova; - Telegram messendjerida mini-ilova; shuningdek BirBir platformasida realizatsiya qilinishi mumkin bo’lgan va ular yordamida shaxs BirBir Servisidan foydalanishi mumkin bo’lgan boshqa interfeyslar.
Interesant	BirBir platformasida joylashtirilgan E’lon bilan tanishib chiqqan va Mijoz tomonidan taklif qilingan Tovarni xarid qilish yoki xizmatdan foydalanish maqsadini bildirgan jismoniy yoki yuridik shaxs.
Frod (inglizcha fraud so’zidan)	Jismoniy shaxsning belgilangan qoidalar buzilgan holda, tegishli to’lovsiz BirBir Servisidan foydalanishga olib keladigan, shu jumladan Kompaniyaning ham, Mijozlarning ham pul mablag’larini qo’lga kiritishga qaratilgan qasddan amalga oshirilgan harakati va harakatsizligi.
Kontent	BirBir platformasida joylashtirilgan ham to’liq, ham qisman olingan axborot. Kompaniya reklama maqsadlarida, bunday reklamada Mijozlar Shaxsiy ma’lumotlari qayd etilmagan holda to’liq Kontentdan ham, uning qismidan ham foydalanishga haqli.

2.3. Foydalanuvchi shartnomasida, agar bevosita Foydalanuvchi shartnomasi matnida boshqa qoida belgilanmagan bo’lsa:

Bosh harf bilan boshlanadigan yoki to’liq katta harflar bilan yozilgan (imlo qoidalariga asosan bosh harflar bilan yozilgan holatlar bundan mustasno), shuningdek «()» qavslar bilan ajratib belgilangan barcha so’zlar, so’z birikmalari, shuningdek jumlalar va/yoki ifodalar, agar matnda boshqa qoida belgilanmagan bo’lsa, Foydalanuvchi shartnomasining joriy bo’limida yoki uning boshqa bo’limlarida va Ilovalarida qayd etilgan atamalar va ta’riflar sifatida baholanadi.
Birlik sondagi so’zlar xuddi shu so’zlarning ko’plik sonidagi ma’nolarini ham o’z ichiga oladi, shaxslar qayd etilganida jismoniy va yuridik shaxslar nazarda tutiladi.
Quyidagilarga havolalar:

- «kun» yoki «kunlar», agar Foydalanuvchi shartnomasi matnida boshqa qoida belgilanmagan bo’lsa, kalendar kunlarini anglatadi;

- «O’zR», matndagi ma’noga qarab, tegishli kelishikda O’zbekiston Respublikasini anglatadi.

Navigatsiya qulayligi uchun Foydalanuvchi shartnomasi matni bo’limlarga, bandlarga, kichik bandlarga, ushbu bandlar / kichik bandlar ichidagi paragraflarga bo’linadi.
Shartnoma kuchga kirgan kundan e’tiboran Taraflar uchun Shartnoma va/yoki uning o’rnini bosuvchi boshqa hujjatning har qanday oldingi tahriri, shuningdek barcha oldingi muzokaralar va yozishmalar, agar ular Shartnoma bilan hal qilingan masalalarga doir bo’lsa, yuridik kuchini yo’qotadi.

3. SHARTNOMA PREDMETI

3.1. Mazkur Shartnoma O’zR Fuqarolik kodeksining 360-moddasida belgilangan tushunchaga qo’shilish Shartnomasi hisoblanadi va Mijozning Shartnoma shartlariga qo’shilishi orqali tuziladi.

3.2. Foydalanuvchi shartnomasining 8-bo’limida nazarda tutilgan tartibda mazkur Foydalanuvchi shartnomasi matni aktseptlangan (to’liq qabul qilingan) paytdan e’tiboran Shartnoma Mijoz uchun kuchga kiradi, Kompaniya esa Mijozga axborot-texnik xizmatlar ko’rsatishni boshlaydi.

3.3. Shartnomaga asosan:

1) Kompaniya maxsus bo’lmagan, boshqa shaxsga berilmaydigan litsenziya shartlarida Mijoz tomonidan Shartnoma shartlariga asosan BirBir Servisidan foydalanish imkoniyatiga ega bo’lish uchun Mijozga BirBir platformasi va BirBir Servisidan foydalanish huquqini taqdim qiladi.

2) MULTICARD tizimi Mijozga Kompaniya Xizmatlari to’lovini amalga oshirish imkoniyatini taqdim qiladi.

3) MyID tizimi Mijozni identifikatsiyalash va “Xavfsiz bitim” mezonlariga rioya qilish imkoniyatini beradi.

4) Ta’minot servisi Mijozga Tovarni Mijoz joylashgan manzilgacha yetkazib berish bo’yicha xizmat ko’rsatadi.

5) Kompaniya Mijozga axborot-texnik xizmatlar ko’rsatadi va hech qanday vaziyatlarda O’zR amaldagi qonun hujjatlarida belgilangan tushunchada ham, har qanday boshqa tushunchada ham marketpleys hisoblanmaydi.

3.4. BirBir platformasida jismoniy shaxslar o’rtasida bitimlarni rasmiylashtirishda Kompaniya bitim ishtirokchisi, tashkilotchisi, xaridor, sotuvchi, ish beruvchi, bunday bitimlarni tuzishda ishtirok qiladigan jismoniy shaxslardan istalgan biri vakili, naf oluvchi yoki boshqa manfaatdor shaxs hisoblanmaydi.

3.5. Har qanday yuridik salohiyatli jismoniy shaxs E’lonlarni joylashtirish qoidalari va Foydalanuvchi shartnomasi, shuningdek Shartnomada nomlari keltirilgan boshqa hujjatlar shartlariga rioya qilgan holda, Foydalanuvchi shartnomasi shartlariga qo’shilishga haqli.

3.6. Shartnoma O’zR Fuqarolik kodeksi 354-moddasining tegishli qismiga asosan qo’shma Shartnoma hisoblanadi va quyidagi Shartnomalar turlari qismlarini o’z ichiga oladi:

Intellektual mulk (dasturiy ta’minot – Ilova) ob’ektidan foydalanish huquqini taqdim qilish to’g’risida Shartnoma – litsenziya Shartnomasi;
Xizmatlar ko’rsatish uchun Shartnoma.

4. BIRBIR PLATFORMASIDA RO’YXATDAN O’TKAZISH

4.1. BirBir platformasi Mijozi bo’lishni istagan jismoniy shaxs o’z Mobil ilovasi Qurilmasi o’rnatilganidan va/yoki Internet tarmog’ida www.birbir.uz manzili bo’yicha saytga kirganidan so’ng Foydalanuvchi shartnomasi shartlarini qabul qilgan va yo’riqnomalarga, shuningdek BirBir platformasi Qoidalariga rioya etgan holda, quyidagi tartibda BirBir platformasida ro’yxatdan o’tkazish tartib-taomilidan o’tadi:

1) “Kirish” tugmasini bosadi va “Kirish yoki profilni tashkil qilish” qalqib chiquvchi darchani to’ldirish orqali BirBir platformasida ro’yxatdan o’tkazish jarayonini ishga tushiradi.

2) BirBir platformasida ro’yxatdan o’tkazish uchun yuridik salohiyatli jismoniy shaxs Abonentlik raqamini kiritadi, kerakli Shaxsiy ma’lumotlarini qayd etadi va “Kod olish” tugmasini bosadi, shundan so’ng paydo bo’lgan “SMSdan kodni kiriting” qalqib chiquvchi darchaga Qurilma uchun olgan kodni kiritadi. Kelgusida BirBir platformasiga kirishda xuddi shunday harakatlarni amalga oshirish kerak.

3) BirBir platformasida ro’yxatdan o’tkazilganidan so’ng bunday jismoniy shaxs Mijoz maqomiga ega bo’ladi va BirBir platformasi funktsionalidan foydalanib, unda o’z E’lonini joylashtirishga haqli bo’ladi. E’lonini joylashtirish uchun Mijoz BirBir platformasiga kirishni amalga oshiradi, so’ngra “Qo’yish” tugmasini bosadi, shundan so’ng Interfeysning qalqib chiquvchi darchalaridagi axborotga rioya qilgan holda o’z E’lonini joylashtiradi.

4) BirBir platformasida ro’yxatdan o’tkazish tartib-taomilidan o’tishda BirBir platformasiga Kiruvchi to’g’ri axborotni qayd etishga intiladi.

5) BirBir platformasida bir vaqtda bir Abonentlik raqamiga ro’yxatdan o’tkazilgan bir Akkaunt bo’lishi mumkin. BirBir platformasiga Kiruvchi BirBir platformasida ro’yxatdan o’tkazishda oldin Akkaunt ochilgan va ro’yxatdan o’tkazish paytida blokirovka qilingan Abonentlik raqamini qayd etishga haqli emas.

4.2. Mijoz BirBir platformasida faqat 1 (bir) notijorat Akkauntga (4) va Mijoz vakili tomonidan tijorat maqsadlari uchun ro’yxatdan o’tkazilgan eng ko’pi bilan yana bir Akkauntga (5) ega bo’lishga haqli.

4.3. Mijoz Akkauntga kirish uchun o’z hisobga olish ma’lumotlari maxfiyligi saqlanishi uchun javobgar bo’ladi.

4.4. Mijozga Akkauntdan foydalanish huquqi, agar BirBir platformasi Qoidalarida boshqa qoida nazarda tutilmagan bo’lsa, avtomatik ravishda taqdim qilinadi.

5. BIRBIR PLATFORMASIDA AKKAUNTDAN FOYDALANISH HUQUQI

5.1. Akkauntdan foydalanish huquqini olish uchun Foydalanuvchi shartnomasining 4-bo’limi 4.1-bandida belgilangan harakatlarni amalga oshirish kerak.

5.2. Agar Mijoz uning Shaxsiy ma’lumotlari uchinchi shaxslarga oshkor bo’lgan deb hisoblasa va/yoki asoslangan taxminlarga ega bo’lsa, u bu haqda darhol Kompaniyani xabardor qilishi shart.

5.3. Mijoz Akkauntga kirish uchun foydalanadigan o’z ma’lumotlarini uchinchi shaxslarga berishga, boshqacha ravishda ma’lum qilishga, o’tkazishga haqli emas (6). Mijoz Kompaniya vijdonlilik tamoyiliga asoslanishiga rozilik bildiradi va Mijozlar Shaxsiy ma’lumotlaridan foydalanib bajarilgan har qanday harakatlar bevosita Mijoz tomonidan amalga oshirilgan deb hisoblaydi.

5.4. Jismoniy shaxs BirBir platformasidan xavf-xatarlarni to’liq anglagan holda bitimlar tuzish maqsadida foydalanadi va Kompaniya tomonidan bevosita yoki bilvosita ishtiroksiz yoki nazoratsiz joylashtirilgan E’lonlarning to’liqligi, ishonchliligi, to’g’riligini va qo’llaniladigan qonun hujjatlariga muvofiqligini mustaqil ravishda baholaydi.

5.5. Akkauntdan foydalanish huquqi cheklanishi.

Kompaniya Mijozga sabablarini tushuntirmagan holda BirBir platformasiga kirish va undan foydalanishni to’xtatib qo’yishga yoki blokirovka qilishga haqli, agar:

1) Mijoz:

noqonuniy ravishda o’zini boshqa jismoniy shaxs o’rnida taqdim qilsa va Kompaniya, boshqa shaxslarni chalg’itsa;
BirBir platformasi Mijozlar Shaxsiy ma’lumotlari to’planishi, saqlanishi, tarqatilishini ular roziligisiz amalga oshirsa;
quyidagilarga olib kelgan yoki olib kelishi mumkin bo’lgan harakatlarni sodir etsa:

- Kompaniyaning amaliy obro’siga zarar;

- BirBir platformasi dasturiy ta’minotiga zarar.

BirBir platformasi Qoidalari va/yoki O’zR amaldagi qonun hujjatlarini boshqacha ravishda buzgan holatda.

2) Frod aniqlansa;

3) Kompaniyaga vakolatli davlat organlari va/yoki BirBir platformasining boshqa Mijozlari, shuningdek uchinchi shaxslardan Mijozning BirBir platformasi Qoidalariga zid harakatlari / harakatsizligi to’g’risida tegishli qonuniy murojaatlar (talablar) tushgan bo’lsa va/yoki Kompaniyaga ma’lum bo’lsa;

4) Mijoz o’z Akkauntiga kirish to’xtatib qo’yilganligi to’g’risida bildirish xatini olsa.

6. BIRBIR SERVISI

6.1. Kompaniya sabablarini tushuntirmagan holda, BirBir platformasidan foydalanish hududiga yoki boshqa xususiyatlarga, shu jumladan:

BirBir Servisining alohida funktsiyalari mavjudligi / mavjud emasligi;
har qanday boshqa Kontent;
ro’yxatdan o’tkazilgan bir nafar jismoniy shaxs tomonidan yuborilishi yoki olinishi mumin bo’lgan xabarnomalar maksimal soni;
belgilangan vaqt davri mobaynida BirBir Servisiga va/yoki Qo’llab-quvvatlash xizmatiga murojaatlar maksimal soni;
E’lonlarni saqlash maksimal muddati;
E’longa yuklanadigan fotosuratlar maxsus ko’rsatkichlariga qarab, barcha Mijozlarga ham, biron-bir va/yoki bir necha Mijozlarga ham BirBir Servisidan foydalanish huquqlarini cheklash huquqini o’zida qoldiradi.

6.2. Kompaniya BirBir Servislariga avtomatik ravishda murojaat qilishni taqiqlab qo’yishi, shuningdek avtomatik ravishda ishlab chiqilgan har qanday axborot qabul qilinishini to’xtatishi mumkin.

6.3. Kompaniya Mijozga quyidagilarni yuborishga haqli (7):

ro’yxatdan o’tkazishda qayd etilgan Abonentlik raqamiga axborot xabarnomalar, shuningdek push-xabarnomalar (8);
quyida qayd etilgan vaziyatlarning hech bo’lmaganida bittasi mavjud bo’lgan holatda, reklama xususiyatli xabarnomalar:

1) O’zR qonun hujjatlari talablariga asosan usulda rozilik olish;

2) jismoniy shaxsning BirBir Servisiga nisbatan reklama xususiyatli xabarnomalar olishni rad qilish holatlari mavjud emasligi (ro’yxatdan o’tkazishda yoxud keyinroq BirBir platformasining tegishli funktsionalidan foydalanilgan holda).

6.4. Mijoz o’z ommaviy harakatlari, shu jumladan yangi E’lonlarni joylashtirish, boshqa Mijozlar E’lonlariga nisbatan amalga oshirilgan harakatlar, shuningdek BirBir platformasida amalga oshirilgan boshqa faollik to’g’risida BirBir platformasining boshqa Mijozlari xabardor qilinishi uchun Kompaniyaga rozilik bildiradi.

6.5. BirBir Servisi sifatini oshirish maqsadida Kompaniya va/yoki uning tomonidan so’rovnoma o’tkazilishi uchun jalb qilinadigan shaxslar BirBir platformasiga navbatdagi kirishda axborot xabarnomasini yuborish orqali yoki Mijoz tomonidan BirBir platformasida ro’yxatdan o’tkazishda qayd etilgan aloqa bog’lash ma’lumotlari bo’yicha (telefon qo’ng’iroqlari va/yoki elektron xatlar orqali) Mijozlarning turli masalalar bo’yicha fikr-mulohazalari to’planishini amalga oshirishga haqli. Mijozlarning to’plangan fikr-mulohazalaridan BirBir Servisida qo’llanishi mumkin bo’lgan statistik ma’lumotlarni tuzish uchun foydalanish mumkin. So’rovnoma o’tkazilishida Mijoz tomonidan taqdim qilingan fikr-mulohazalar BirBir platformasida yoki Kompaniya tomonidan affillangan shaxslar servislarida Mijoz ism-sharifi (logini) qayd etilgan holda ham, qayd etilmagan holda ham e’lon qilinishi mumkin. Mijoz fikr-mulohazalarni qoldirishda Foydalanuvchi shartnomasi talablariga rioya qilish majburiyatini oladi.

6.6. Jismoniy shaxs BirBir Servisidan foydalanishda Foydalanuvchi shartnomasiga 1-sonli Ilovada belgilangan harakatlarni amalga oshirishga haqli emas.

6.7. Mijoz uning Abonentlik raqamiga bevosita Kompaniyadan ham, Kompaniya bilan tegishli Shartnoma tuzilgan boshqa shaxsdan ham qo’ng’iroq tushganida, telefon orqali suhbat boshida ushbu suhbat yozib olinishi to’g’risida xabardor qilinadi. Bunday suhbat davom ettirilganida Mijoz ushbu harakatlar uning bunday yozib olinishga, shuningdek bunday yozib olinishdan Kompaniya tomonidan kelgusida BirBir Servisini takomillashtirish maqsadida foydalanilishiga to’liq va so’zsiz roziligidan dalolat berishini tasdiqlaydi.

Telefon orqali suhbatlarning yozib olinishi quyidagi maqsadlarda amalga oshirilishi mumkin:

erishilgan kelishuvlarni tasdiqlash;
xizmat ko’rsatish sifatini nazorat qilish;
xavfsizlikni ta’minlash;
da’voli vaziyatlarni hal qilish.

7. BIRBIR PLATFORMASIDA «XAVFSIZ BITIM»

7.1. “Xavfsiz bitim” – bitimda ishtirok qilayotgan har ikki Taraf uchun Frod xavf-xatarlarini minimallashtiradigan To’lovlarni himoya qilish va Tovarni berish ichki o’rnatilgan mexanizmidan foydalanilgan holda BirBir platformasida Tovarlar oldi-sotdisini amalga oshirish usuli hisoblanadi.

7.2. “Xavfsiz bitim”, shu jumladan, biroq cheklanmagan holda, quyidagi bosqichlarni o’z ichiga olishi mumkin:

1) Xaridor rolida ishtirok qiladigan Mijoz (bundan buyon matnda – «Xaridor») Sotuvchi rolida ishtirok qiladigan Mijozga (bundan buyon matnda – «Sotuvchi») to’lovni o’tkazadi, bunda pul mablag’lari Internet-to’lovlar tizimi tomonidan vaqtincha ushlab qolinadi (xoldirlanadi).

2) Sotuvchi Tovarni Xaridorga Ta’minot servisi orqali yoki ushbu servisni chetlab o’tgan holda O’zR qonun hujjatlarida taqiqlanmagan har qanday boshqa usul orqali yuboradi.

3) Tovar olinganidan va Xaridor tomonidan uning muvofiqligi, shuningdek e’tirozlar yo’qligi tasdiqlanganidan so’ng, agar bunday Tovar yetkazib berilishi Ta’minot servisi orqali rasmiylashtirilgan bo’lsa, pul mablag’lari Sotuvchiga o’tkazma qilinadi.

4) Bitim ishtirokchilari o’rtasida da’volashuv holatida Kompaniya bitim Taraflaridan biri va/yoki O’zR huquqni muhofaza qilish organlari, shuningdek sud, shu jumladan bitim har ikki Tarafining ham, Taraflaridan birining ham advokati, shuningdek bitim Tarafining boshqa qonuniy vakili rasmiy arizasi bo’lgan holatda, O’zR «Shaxsiy ma’lumotlar to’g’risida»gi Qonuniga rioya qilgan holda kerakli axborotni taqdim qiladi.

7.3. To’lov ulangan to’lov operatorlari (masalan, Payme, Click va b.) orqali MULTICARD tizimidan foydalanilgan, shuningdek to’lovni amalga oshirish paytida BirBir platformasiga ulangan (integratsiyalangan) va foydalanish mumkin bo’lgan har qanday boshqa to’lov tashkilotidan foydalanilgan holda amalga oshirilishi mumkin.

7.4. Kompaniya oldi-sotdi bitimining Tarafi hisoblanmaydi, balki texnik vositasi sifatida ishtirok qiladi.

7.5. Kompaniya MULTICARD tizimi yoki BirBir platformasiga ulangan boshqa to’lov tizimi aybi bo’yicha yuzaga keladigan to’lov jarayonida kechikishlar yoki xatolar uchun javobgar bo’lmaydi.

7.6. BirBir platformasi orqali amalga oshiriladigan barcha tranzaktsiyalar qayd etiladi va ulardan da’voli vaziyatlarni hal qilish maqsadida foydalanish mumkin.

7.7. Mijoz o’z to’lov usuli ma’lumotlari maxfiyligini saqlash majburiyatini oladi va ular oshkor qilinganligi uchun yakka tartibda javobgar bo’ladi.

7.8. Kompaniya Mijozga o’z shaxsiy tashabbusiga ko’ra, shuningdek BirBir platformasi Qoidalari buzilishi belgilari aniqlangan holatda ishonchlilik tekshiruvidan o’tishni (bundan buyon matnda – “Verifikatsiya”) taklif qilishi mumkin.

7.9. Mijozlar faqat bir Akkauntda (notijorat yoki tijorat) Verifikatsiyadan o’tishlari mumkin.

7.10. Verifikatsiya maqsadlari:

1) Imkon darajada quyidagilarni ta’minlash:

Mijoz tomonidan BirBir platformasi Qoidalari bajarilishi;
barcha Mijozlar manfaatlari, shuningdek bevosita bitim xavfsizligi va himoya qilinishi.

2) O’zR qonun hujjatlari, BirBir platformasi Qoidalari buzilishlari oldini olish va to’xtatish.

3) BirBir platformasiga ishonch darajasini oshirish.

4) BirBir platformasida suiiste’molliklar va qonunga zid harakatlar oldini olish.

7.11. Verifikatsiya, shu jumladan, biroq cheklanmagan holda, quyidagilarni o’z ichiga olishi mumkin:

1) Mijozning telefon raqamini, elektron pochta manzilini taqdim qilish.

2) Qo’shimcha Mijoz Shaxsiy ma’lumotlarini qayd etish (9).

3) Qo’shimcha hujjatlarni taqdim qilish (yuklash) orqali Mijoz shaxsini tasdiqlash.

4) Mijoz tomonidan o’z Vakiliga berilgan vakolatnoma yoki boshqa hujjatni taqdim qilish orqali Mijoz Vakili vakolatlarini tasdiqlash (10).

5) Mijoz Platformasi Face ID.

7.12. Verifikatsiya doirasida ma’lumotlar taqdim qilinishi quyidagilarni tasdiqlaydi:

1) Mijoz Akkaunti oldin boshqa shaxs tomonidan ro’yxatdan o’tkazilmagan, ruxsatsiz kirishga uchramagan va qonunga zid harakatlarni sodir etish uchun foydalanilmagan.

2) Akkaunt haqiqiy shaxs tomonidan tashkil etilgan va BirBir platformasidan avtomatlashtirilgan yoki texnik ro’yxatdan o’tkazish vositalari qo’llanilmagan holda vijdonan foydalanish uchun mo’ljallangan.

3) Mijoz O’zR amaldagi qonun hujjatlari normalarini va BirBir platformasi Qoidalarini buzadigan harakatlarni sodir etishni, shu jumladan boshqa Mijozlar, Interesantlar, BirBir platformasiga Kiruvchilarni aldashni, Mijozlar Shaxsiy ma’lumotlarini qonunga zid ravishda to’plashni, boshqa shaxslar hujjatlaridan yoki qalbaki hujjatlardan, shu jumladan bevosita o’zi olmagan fotosuratlardan foydalanishni maqsad qilmagan, shuningdek bunday harakatlar uchun javobgarlikdan saqlanib qolishga urinmaydi.

7.13. Verifikatsiyadan o’tish rad qilingan holatda, shuningdek noto’g’ri, chala va/yoki chalg’ituvchi ma’lumotlar taqdim qilingan holatda Kompaniya BirBir platformasi ayrim funktsiyalaridan foydalanishni cheklab qo’yishga yoki blokirovka qilishga yoxud umuman BirBir platformasidan foydalanishni to’xtatib qo’yishga haqli. Mijoz Qo’llab-quvvatlash xizmatiga murojaat qilish orqali bunday qarordan norozi bo’lib shikoyat arizasini berishga haqli.

7.14. Verifikatsiyadan o’tilganidan so’ng Akkauntda o’tkazilgan Verifikatsiya to’g’risida tegishli belgi va “ID tekshirildi” yozuvi yoki ma’nosi bo’yicha mazkur Akkaunt verifikatsiya qilinganligiga yaqin va verifikatsiya qilinganligi tushunchasini beradigan har qanday boshqa yozuv paydo bo’ladi.

8. SHARTNOMANI TUZISH TARTIBI

8.1. Shartnoma shartlari Kompaniya tomonidan mustaqil ravishda belgilanadi, Xizmatlar esa barcha Mijozlar uchun tanlangan xizmatlar to’plamiga asosan teng xizmat ko’rsatish shartlari ta’minlangan holda ko’rsatiladi.

8.2. Agar jismoniy shaxsda qarzni haqiqiy so’ndirish paytigacha Kompaniya oldida har qanday turdagi qarzdorlik bo’lsa, Kompaniya bunday shaxsga Shartnoma tuzishni rad qilishga haqli.

8.3. Foydalanuvchi shartnomasi shartlarida Kompaniya bilan Shartnoma tuzishda Mijoz quyidagilar uchun rozilik beradi:

Mijoz Shaxsiy ma’lumotlari va Xizmatlar ko’rsatish davrida Kompaniyaga ma’lum bo’lgan boshqa ma’lumotlarni ishlash;
Akkauntdan foydalanuvchi shaxslarni identifikatsiyalash imkoniyati;
tuzilgan Shartnomalar asosida Kompaniya tomonidan jalb qilinadigan uchinchi shaxslarga maxfiylikni saqlash sharti bilan shaxsiy ma’lumotlarini taqdim qilish va uzatish;
qo’llaniladigan (adekvat) himoya qilinadigan mamlakatlarga ma’lumotlarni transchegaraviy uzatish.

BirBir platformasi va BirBir Servisidan foydalanish huquqini taqdim qilish bo’yicha xizmat

8.4. BirBir platformasidan foydalanish huquqi har qanday manfaatdor shaxsga maxsus bo’lmagan litsenziya asosida va bepul asosda avtomatik ravishda taqdim qilinadi (11).

8.5. BirBir platformasi orqali va BirBir Servisidan foydalanilgan holda bitim tuzishdan manfaatdor shaxs bunday imkoniyatga ega bo’lish uchun BirBir platformasida ro’yxatdan o’tkazish tartib-taomilidan o’tishi kerak.

8.6. BirBir platformasidan umumiy foydalanish mumkin, biroq BirBir Servisidan foydalanish huquqini olish uchun ro’yxatdan o’tkazish tartib-taomilidan o’tish va Akkauntni tashkil qilish kerak.

E’lonni joylashtirish bo’yicha Xizmat

8.7. E’lonni joylashtirish bo’yicha Xizmat olish uchun yuridik salohiyatli jismoniy shaxs, shuningdek yuridik shaxs vakili BirBir platformasida ro’yxatdan o’tkazilganidan va Akkauntga kirish huquqi olinganidan so’ng BirBir platformasida o’z E’lonini joylashtirishga haqli.

8.8. E’lonlar O’zR amaldagi qonun hujjatlari va BirBir platformasi Qoidalariga javob berishi kerak.

8.9. Yolg’on axborotni, haqoratli so’zlarni, mualliflik huquqlarini buzadigan axborotni, shuningdek boshqa jismoniy shaxsning qadr-qimmatini va/yoki yuridik shaxsning amaliy obro’sini tushiradigan axborotni, shu jumladan uchinchi shaxslar huquqlarini buzadigan axborotni o’z ichiga olgan E’lonlarni joylashtirish taqiqlangan.

8.10. E’lonni joylashtirish bo’yicha Xizmat Mijozga bepul asosda taqdim qilinadi.

8.11. BirBir platformasida E’lonni joylashtirish bo’yicha Xizmat olishni istagan Mijoz Vakili Foydalanuvchi shartnomasining 4.1-bo’limida belgilangan harakatlarni amalga oshiradi. Kompaniya Qo’llab-quvvatlash xizmati nomidan Mijoz Vakilidan uning vakolatlarini tasdiqlovchi hujjatni talab qilib olish huquqini o’zida qoldiradi.

8.12. Kompaniya Foydalanuvchi shartnomasi shartlariga amal qilgan holda, E’lon joylashtirilishini ma’qullashga yoki rad qilishga haqli.

8.13. Qo’llab-quvvatlash xizmati quyidagilarga haqli:

E’lonni joylashtirishda E’lon matnida BirBir platformasi Qoidalari buzilganligi va/yoki fotosuratlar BirBir platformasi va/yoki umumiy belgilangan odob-axloq normalari va tamoyillari talablariga javob bermasligi fakti aniqlangan holatda – Mijozga kamchiliklarini to’ldirish uchun E’lonni qaytarish yoki E’lon matni mazmun-mohiyatini saqlab qolgan va Mijoz Shaxsiy ma’lumotlariga o’zgartishlar kiritmagan holda tegishli tuzatish kiritish yoxud E’lon joylashtirilishini rad qilish;
E’lonni joylashtirish uchun noto’g’ri tanlangan “toifalar” aniqlanganida – to’g’ri “toifaga” tuzatish (12).

8.14. Shartnoma Mijoz tomonidan BirBir platformasida o’z birinchi E’loni joylashtirilgan paytdan e’tiboran tuzilgan hisoblanadi.

8.15. 14 (o’n to’rt) yoshga to’lgan, biroq 18 (o’n sakkiz) yoshga to’lmagan (13) va balog’atga yetmagan jismoniy shaxs O’zR Fuqarolik kodeksining 27-moddasida nazarda tutilgan tartibda va shartlarda shartnomalar tuzishga haqli. Boshqa holatlarda bunday jismoniy shaxs manfaatlarini BirBir platformasida uning qonuniy vakillari himoya qiladilar. Jismoniy shaxs Foydalanuvchi shartnomasida yoki O’zR amaldagi qonun hujjatlarida belgilangan minimal yoshga to’lmagan holatda, BirBir Servisidan faqat ota-onalar yoki boshqa qonuniy vakillarning oldindan roziligi asosida foydalanish mumkin. BirBir Servisi boshqa yosh cheklovlarini belgilashi mumkin, bu haqda axborot Foydalanuvchi shartnomasida va/yoki BirBir platformasida, boshqa yuridik ahamiyatli hujjatlarda, shuningdek tegishli sayt Interfeysida, ilovalarda va/yoki Kompaniyaning boshqa dasturiy ta’minotida joylashtiriladi. Bundan tashqari, Kompaniya BirBir platformasidan foydalanish huquqini ham to’liq, ham qisman cheklashga haqli. Har qanday holatda, agar BirBir platformasida ro’yxatdan o’tkazishda jismoniy shaxs o’zi haqida ham qasddan, ham beixtiyor noto’g’ri (yolg’on) ma’lumotlarni qayd etgan bo’lsa, bu orqali Kompaniyani va/yoki Mijozlardan istalgan birini, shuningdek BirBir platformasiga Kiruvchilarni chalg’itgan bo’lsa, bunday jismoniy shaxsning har qanday tuzilgan bitimlari bo’yicha har qanday ehtimoliy javobgarlik bevosita jismoniy shaxsga yoki uning qonuniy vakillariga yuklatiladi, chunki Kompaniyada nima qo’llanishiga va nima yuz berishi mumkin emasligiga qarab, Kompaniya BirBir platformasi va/yoki BirBir Servisidan foydalanish huquqini taqdim qilishda “vijdonlilik” tamoyiliga asoslanadi (14).

8.16. Mijoz:

o’z E’lonlari mazmuni uchun mustaqil ravishda (yakka tartibda) javobgar bo’ladi (15);
BirBir platformasidan noqonuniy faoliyat uchun foydalanmaslik majburiyatini oladi;
E’lonni joylashtirishda yo’qni bor qilib ko’rsatmaslik va hech qanday vaziyatlarda Kompaniyani uchinchi shaxslar oldida ular bilan birga subsidiar va/yoki boshqa javobgarlikka tortmaslik majburiyatini oladi.

8.17. Kompaniya quyidagilarga haqli:

BirBir platformasi Qoidalari shartlari buzilgan, shuningdek uchinchi shaxslardan asoslangan e’tirozlar tushgan holatda, bunday E’lon joylashtirilishini to’xtatib qo’yish yoki uni olib tashlash;
E’lonlar joylashtirilgungacha va joylashtirilganidan so’ng, shuningdek sun’iy intellektdan foydalanilgan holda avtomatik yoki dastaki moderatsiyani o’tkazish;
E’lon mazmun-mohiyatini saqlab qolgan va Mijoz Shaxsiy ma’lumotlarini o’zgartirmagan holda E’lon matniga o’zgartishlar va qo’shimchalar kiritish;
agar fotosuratlar BirBir platformasi Qoidalari talablariga va/yoki O’zR qonun hujjatlari talablariga, shuningdek odob-axloq tamoyillariga, shu jumladan O’zR «Reklama to’g’risida»gi Qonuniga zid bo’lsa, bunday fotosuratlarni E’londan olib tashlash;
E’lonlar joylashtirilishida ham, joylashtirilganidan keyin ham ular kamchiliklarini to’ldirish uchun qaytarish.

E’lonlarni rivojlantirish bo’yicha Xizmat

8.18. BirBir platformasida E’lonni muvaffaqiyatli joylashtirgan Mijoz E’lonlarni rivojlantirish bo’yicha Xizmat olish imkoniyatiga ega. Buning uchun Mijoz:

BirBir platformasida o’z E’loni joylashtirilganidan so’ng “Mening e’lonlarim” qo’shimcha ilovasidagi Interfeysda, uning fikricha, rivojlanish uchun kerakli E’lonni tanlaydi;
E’lon tanlanganidan so’ng ketma-ket quyidagi harakatlarni amalga oshiradi: «Reklama» tugmasini, so’ngra «Reklamani to’lash» tugmasini bosadi va Internet-to’lovlar tizimidan foydalanilgan holda E’lonlarni rivojlantirish to’lovini amalga oshiradi. To’lov amalga oshirilgan paytdan e’tiboran Xizmat Foydalanuvchi shartnomasida belgilangan tartibda va muddatlarda ko’rsatiladi.

8.19. E’lonlarni rivojlantirish bo’yicha Xizmat E’longa BirBir platformasida uning ko’rinuvchanligini oshirishga yo’naltirilgan xususiyatlar yoki belgilar qo’llanishini o’z ichiga oladi.

8.20. E’lonlarni rivojlantirish bo’yicha Xizmatni olish Mijozga Interesantlar fikr-mulohazalar bildirishini, E’lon bo’yicha bitimlar tuzilishini yoki boshqa Mijozlar oldida ustuvorlik olinishini kafolatlamaydi.

8.21. Mijoz BirBir platformasi Qoidalari buzilganida unga Xizmatlar ko’rsatish imkoniyati bo’lmagan holatda biron-bir kompensatsiya talab qilishga haqli emas.

E’lonlardan Tovarni yetkazib berish bo’yicha Xizmat (16)

8.22. BirBir platformasiga Kiruvchi ushbu xizmatdan foydalanish uchun u BirBir platformasida Akkauntga ega bo’lishi kerak.

8.23. E’lonlardan Tovarni yetkazib berish bo’yicha Xizmat ko’rsatilishi “Xavfsiz bitim” shartlarida amalga oshiriladi.

8.24. Sotuvchining o’zi tomonidan joylashtirilgan E’londan o’z Tovari Ta’minot servisidan foydalanilgan holda Xaridorga yetkazib berilishini istagan Sotuvchi (17) BirBir platformasi Interfeysidan foydalanilgan holda Ta’minot servisi optsiyasini o’z E’loniga ulashi kerak. Sotuvchi uchun ushbu xizmat, agar BirBir platformasi Interfeysida boshqa qoida oldindan belgilanmagan bo’lsa, to’lovsiz ko’rsatiladi, chunki belgilangan shartlarda Tovarni yetkazib berish Xaridor tomonidan to’lanadi.

8.25. E’londa qayd etilgan Tovarni xarid qilish (olish) istagini bildirgan Xaridor bitim tuzishda Tovarni yetkazib berish bo’yicha tegishli optsiyani tanlaydi (ushbu optsiya bo’lgan holatda) va quyidagi harakatlarni bajaradi:

ilova qilingan yo’riqnomaga asosan Tovarni yetkazib berish uchun buyurtmanoma namunasini to’ldiradi;
Verifikatsiyadan o’tadi;
Xizmatlar to’lovi uchun o’z Bank kartasi ma’lumotlarini, zarur hollarda, o’z Shaxsiy ma’lumotlarini taqdim qiladi;
o’z Bank kartasidan Tovar qiymati (18) va BirBir platformasi servis yig’imi (19) to’lovi uchun pul mablag’lari chegirib olinishi uchun Farmoyish beradi.

8.26. Mijozlar Ta’minot servisi orqali Tovarni yetkazib berish Xizmatidan foydalanishlari mumkin.

8.27. Tovarni yetkazib berish Xizmatlarini ko’rsatish hududi – Toshkent shahri. Kompaniya Akkauntda yoki Foydalanuvchi shartnomasida nazarda tutilgan har qanday boshqa usulda, shu jumladan ijtimoiy tarmoqlarda va BirBir platformasida xabardor qilish orqali Mijozni oldindan xabardor qilgan holda, Tovarni yetkazib berish Xizmatlarini ko’rsatish hududini kengaytirishga haqli. Tovarni yetkazib berish hududi kengaytirilganida boshqa Shartnoma tuzilishi va/yoki yangilangan Foydalanuvchi shartnomasining joylashtirilishi talab qilinmaydi. Tovarni yetkazib berish Xizmat olingan paytda BirBir platformasi Interfeysida kengaytirilgan hudud bo’yicha yetkazib berish qiymati va muddatlari belgilanadi. Mijoz bunday yetkazib berish hududi kengaytirilishidan foydalanishi yoki foydalanmasligi to’g’risida mustaqil ravishda qaror qabul qiladi. Yetkazib berish shartlari Mijozga yetkazib berish bo’yicha Xizmat to’lovi amalga oshiriladigan, aynan esa Mijoz tomonidan o’z Bank kartasi ma’lumotlari taqdim qilinadigan va To’lovni amalga oshirish uchun Farmoyish beriladigan paytgacha taqdim qilinadi.

8.28. Tovarni yetkazib berish uchun tegishli Ta’minot servisi javobgar bo’ladi, bu haqda axborot Akkauntda taqdim qilinadi.

8.29. Sotuvchi manziliga keltirilgan Tovarning o’ram idishi va uning Ta’minot servisi vakiliga (kurerga) tegishli shaklda berilishi uchun Sotuvchi javobgar bo’ladi.

8.30. Ta’minot servisi vakiliga (kurerga) Tovar berilgan paytdan e’tiboran Tovarning tasodifiy nobud bo’lishi va/yoki shikastlanishi uchun Xaridor javobgar bo’ladi.

8.31. Mijoz, agar BirBir Servisida bunday funktsiya nazarda tutilgan bo’lsa, Akkauntda yetkazib berish maqomini kuzatib borishi mumkin.

8.32. Tovar va/yoki Tovar uchun pul mablag’larining qaytarilishi.

Kompaniya O’zR qonun hujjatlarida nazarda tutilgan ma’noda marketpleys va/yoki elektron tijoratning boshqa sub’ekti emasligi, BirBir platformasi esa faqat E’lonni joylashtirish uchun elektron savdo maydoni ekanligi tufayli Tovar qaytarilishi quyidagi tartibda amalga oshiriladi:

1) Agar Tovar Professional akkaunt egasi hisoblangan Sotuvchidan xarid qilingan bo’lsa – Tovar qaytarilishi / almashinuvi / ta’mirlanishi, ushbu jarayonda Kompaniya ishtirokisiz, bevosita Sotuvchi tomonidan O’zR «Iste’molchilar huquqlarini himoya qilish to’g’risida»gi Qonunida nazarda tutilgan tartibda va shartlarda amalga oshiriladi.

2) Agar Tovar notijorat Akkaunt egasi hisoblangan Sotuvchidan xarid qilingan bo’lsa – Tovar qaytarilishi nazarda tutilmagan, Xaridor esa, Ta’minot servisidan foydalanilgan holda bitimni rasmiylashtirish orqali E’londa joylashtirilgan Tovar E’londa qayd etilgan kamchiliklarni ham, qayd etilmagan kamchiliklarni ham o’z ichiga olishi mumkinligi xavf-xatarlarini to’liq anglagan holda bitimni rasmiylashtiradi.

3) Shunga qaramay, Kompaniya, garchi BirBir platformasi Mijozlari o’rtasidagi bitim ishtirokchisi hisoblanmasada, taxminan 2025 yil 15 iyungacha davrda, agar qo’shimcha ravishda boshqa qoida oldindan belgilangan bo’lmasa, Xaridor tomonidan quyidagi shartlarga rioya qilingan holatda Xaridorga Tovar qiymati miqdorida pul mablag’lari to’lovini amalga oshirishga haqli:

Akkaunt orqali tegishli shikoyat arizalarini rasmiylashtirish va Tovar olinganidan so’ng 1 (bir) soatdan kechikmagan muddatda Tovar qiymati to’lovi uchun arizani (bundan buyon matnda – “Murojaatnoma”) Kompaniya manziliga yuborish. Arizani to’ldirishda BirBir platformasida ro’yxatdan o’tkazishda va Tovarni yetkazib berish Xizmati to’lovida taqdim qilingan ma’lumotlar qayd etilishi kerak. Qo’shimcha ravishda olingan SMS-xabarnomaga kod kiritish talab qilinadi (20);
Xaridor fikricha, uning Tovar sifati to’g’risidagi tasavvuriga yoki bevosita E’lon matniga muvofiq bo’lmagan Tovarning Kompaniyaga berilishini amalga oshirish.

4) Shu bilan birga, agar Sotuvchi Xaridorni qoniqtirmagan Tovarni qayta olishni istasa, bunday Tovar uchun to’langan pul mablag’lari sifatida ham, bevosita Tovar sifatida ham qaytarilish ular o’rtasida mustaqil ravishda, ushbu jarayonda Kompaniya ishtirokisiz amalga oshiriladi.

5) Kompaniya Xaridorning Murojaatnomasini ko’rib chiqish yakunlari bo’yicha salbiy qaror qabul qilingan holatda Xaridorga Tovar qiymati miqdorida pul mablag’lari to’lovini (bundan buyon matnda – “Kompensatsiya”) rad qilishga haqli.

8.33. Murojaatnomani ko’rib chiqish tartibi.

1) Kompaniya Xaridordan tushgan Murojaatnomani bunday Murojaatnoma tushgan kundan e’tiboran 15 (o’n besh) kun mobaynida ko’rib chiqadi, qo’shimcha o’rganish va (yoki) tekshirish, qo’shimcha hujjatlarni so’rash talab qilingan holatda esa – 1 (bir) oygacha muddatda ko’rib chiqadi.

2) Kompaniya qabul qilingan qaror to’g’risida Xaridorni uning Akkauntiga bildirish xatini yuborish yoki boshqa qo’llaniladigan usul, shu jumladan SMS-xabarnoma yuborish orqali xabardor qiladi.

8.34. Qabul qilingan qarordan norozi bo’lib shikoyat arizasini berish tartibi.

Xaridor qabul qilingan qarordan norozi bo’lgan holatda, O’zbekiston Respublikasining 2017 yil 11 sentyabrdagi “Jismoniy va yuridik shaxslar murojaatlari to’g’risida”gi O’zRQ-445-sonli Qonunida (yangi tahriri) belgilangan tartibda va muddatlarda takroran murojaat qilishga va/yoki Kompaniya qaroridan norozi bo’lib shikoyat arizasini berishga haqli.

8.35. Kompensatsiyani to’lash tartibi.

1) Kompaniya tomonidan Kompensatsiya to’lovi to’g’risida ijobiy qaror qabul qilingan holatda, agar qabul qilingan qaror to’g’risidagi bildirish xatida boshqa muddat belgilanmagan bo’lsa, ushbu Kompensatsiya Xaridorga qaror qabul qilingan kundan e’tiboran 3 (uch) kun mobaynida to’lanadi. Kompensatsiya faqat bevosita Tovar qiymati miqdorida to’lanadi va Xaridor tomonidan pul mablag’larining har qanday boshqa qo’shimcha xarajati to’lanmaydi.

2) Sotuvchi tomonidan quyidagi shartlarga rioya qilingan holatda, Sotuvchi tomonidan Kompensatsiya olinishi mumkin:

Tovar olinishida Xaridorning Tovarni rad qilishi oqibatida Sotuvchiga qaytarish vaqtida shikastlangan Tovar olingan paytdan e’tiboran 1 (bir) soatdan kechikmay Kompensatsiya to’lovi uchun ariza berish;
Kompaniya so’rovi bo’yicha kerakli ma’lumotlarni taqdim qilish.

3) Kompaniya Sotuvchiga shikastlangan Tovarning to’liq qiymatini to’lamaslikka, balki E’londa qayd etilgan Tovar qiymatining 20% (yigirma foizi) doirasida to’lovni amalga oshirishga haqli.

4) Mijoz tomonidan ketma-ket 2 (ikki) martadan ko’proq Kompensatsiya to’lovi uchun so’rov amalga oshirilgan holatda, Kompaniya bunday so’rovlarni huquqni suiiste’mol qilish deb hisoblashga va Mijozlarni shartli “qora ro’yxat”ga kiritishga haqli. Mijoz qayd etilgan ro’yxatga kiritilgan holatda, uning BirBir platformasidagi harakatlari ushbu ro’yxatga kiritilmagan Mijozlar harakatlariga nisbatan yanada puxta nazorat qilinadi.

8.36. Frod yoki qoidabuzarliklar aniqlangan, shu jumladan Xaridor va/yoki Sotuvchi tomonidan bunday harakatlar sodir etilganligiga shubha qilingan holatda, Kompaniya vakolatli davlat organlariga tegishli axborot berishga haqli.

9. SHARTNOMANI BEKOR QILISH TARTIBI

9.1. Shartnoma Kompaniya tomonidan quyidagi holatlarda bir tomonlama tartibda bekor qilinishi mumkin:

1) Xizmatlar ko’rsatilishiga to’sqinlik qiladigan yengib bo’lmas kuch vaziyatlari mavjudligi tufayli Xizmatlar ko’rsatish imkoniyati yo’qligi.

2) Mijoz tomonidan BirBir platformasi Qoidalari va/yoki O’zR qonun hujjatlari buzilishi (21).

3) Mijoz tomonidan hisobga olish ma’lumotlarining uchinchi shaxslarga uzatilishi.

4) Agar jismoniy shaxs 14 (o’n to’rt) yoshga to’lmagan bo’lsa va/yoki garchi ushbu yoshga to’lgan bo’lsa ham, biroq mustaqil ravishda (qonuniy vakillarini chetlab) tuzish taqiqlangan bitim tuzishni boshlagan bo’lsa.

5) Mijoz tomonidan Qo’llab-quvvatlash xizmatiga, umuman Kompaniyaga, shuningdek boshqa Mijozlarga nisbatan hurmatsizlik munosabatidan dalolat beradigan uyat so’zlar, achchiq kinoyali gaplar va boshqa nutqiy iboralardan foydalanilgan holatda.

6) Har qanday shaxs tomonidan Frod va/yoki Frodga urinishlar aniqlanishi.

7) BirBir platformasida oxirgi marta E’lon joylashtirilgan va/yoki boshqa harakatlar amalga oshirilgan sanadan so’ng 6 (olti) oy mobaynida BirBir platformasida E’lon joylashtirilmaganligi va/yoki har qanday boshqa harakatlar amalga oshirilmaganligi.

8) Foydalanuvchi shartnomasida nazarda tutilgan boshqa holatlarda.

9.2. Mijoz o’z Akkauntini olib tashlash orqali Kompaniya bilan Shartnomani bekor qiladi.

9.3. Shartnomani bekor qilishda:

Mijoz tomonidan oldin amalga oshirilgan Xizmatlar to’lovi qaytarilmaydi. Bunday Shartnomani bekor qilish tufayli yuzaga kelgan har qanday turdagi ehtimoliy zararlar o’rni to’ldirish, Mijoz fikricha, unga nisbatan amalga oshirilmaydi.
Akkauntda mavjud bo’lgan va ijobiy hisoblangan pul depoziti, agar bu BirBir Servisi tomonidan qo’llanilsa, Shartnoma bekor qilingan paytdan e’tiboran 20 (yigirma) kun mobaynida Mijozga uning tomonidan Xizmatlar to’lovida qayd etilgan bank hisobvarag’iga (bank kartasiga) qaytariladi.

9.4. Mijoz tomonidan birinchi marta E’lon joylashtirilganidan so’ng 6 (olti) oy yoki Xizmatlar birinchi to’lovidan so’ng 30 (o’ttiz) kun mobaynida Shartnomada belgilangan bironta ham harakat amalga oshirilmagan holatda Shartnoma avtomatik ravishda bekor qilingan (Taraflar kelishuvi bo’yicha bekor qilingan) hisoblanadi.

10. KOMPANIYA XIZMATLARI QIYMATI VA HISOB-KITOBLAR TARTIBI

10.1. Xizmatlar qiymati Kompaniya tomonidan mustaqil ravishda, O’zR milliy valyutasi – so’mda belgilanadi va Mijozga BirBir platformasida bevosita u yoxud bu Xizmat tanlanganida qo’llaniladi.

10.2. Kompaniya Xizmatlari to’lovi Xizmat tanlangan va/yoki Xizmat narxiga to’liq rozilikdan dalolat beradigan boshqa harakatlar (22) bajarilgan paytda amaldagi narxlar bo’yicha amalga oshiriladi.

10.3. Xizmatlar qiymatiga QQS solinmaydi, chunki Kompaniya IT Park Uzbekistan rezidenti hisoblanadi va QQS bo’yicha imtiyozlarga ega.

10.4. Fiskal chek Mijozga O’zR amaldagi qonun hujjatlarida belgilangan holatlarda beriladi.

10.5. Mijoz BirBir platformasida “to’lansin” tugmasini yoki ma’nosi va ahamiyati bo’yicha o’xshash boshqa tugmani o’z ichiga oladigan alohida qalqib chiquvchi darchada muayyan Xizmatni rasmiylashtirish yakuniy bosqichida to’lovni amalga oshiradi.

10.6. Professional akkauntdan to’lovni amalga oshirishda, agar O’zR amaldagi qonun hujjatlarida boshqa qoida belgilanmagan bo’lsa, Xizmatlar ko’rsatish fakti elektron hisobvaraq-faktura bilan tasdiqlanadi.

10.7. BirBir Servisi doirasida Professional akkauntlar uchun nazarda tutilgan qo’shimcha funktsional to’lovida Kompaniya tomonidan ichki hisobvaraqqa (23) pul depozitini kiritish imkoniyati taqdim qilinishi mumkin, bu, qo’llaniladigan qonun hujjatlari nuqtai nazaridan oldindan to’lov hisoblanadi, so’ngra ushbu Professional akkaunt egasi hisoblangan Mijoz Farmoyishi asosida To’lovlar o’tkaziladi.

10.8. Tovarni yetkazib berish Xizmatini ko’rsatishda hisob-kitoblar tartibi:

1) Xaridor va Sotuvchi o’rtasidagi hisob-kitoblar “Xavfsiz bitim” (Foydalanuvchi shartnomasining 7-bo’limi) shartlarida amalga oshiriladi.

2) Xaridor tomonidan o’z Bank kartasi ma’lumotlari kiritilganidan va Verifikatsiya o’tkazilganidan so’ng To’lovni amalga oshirish paytida Xaridorning pul mablag’lari Internet-to’lov tizimi tomonidan avtomatik ravishda vaqtincha ushlab qolinadi (xoldirlanadi). Xaridorning Bank kartasidan pul mablag’larining yakuniy chegirib olinishi uning tomonidan Tovar olinganidan so’ng amalga oshiriladi.

3) Sotuvchi tomonidan pul mablag’lari olinishi Xaridor tomonidan Tovar olinganidan so’ng amalga oshiriladi.

10.9. Xizmatlar qiymati BirBir platformasida avtomatik ravishda shakllanadi va tanlangan E’lon toifasiga, hududiy mansublikka hamda muhim ahamiyatga ega va BirBir platformasida belgilangan boshqa omillarga qarab o’zgarishi mumkin.

10.10. Xizmatlar uchun quyidagi tartibda to’lanadi:

To’lov amalga oshirilgan paytda BirBir platformasida avtomatik ravishda shakllangan summada;
O’zR milliy valyutasi – so’mda; pul mablag’larini yuborish bilan bog’liq komissiya xarajatlarini Xizmatlar to’lovini amalga oshiradigan Mijoz o’ziga qabul qiladi;
BirBir platformasiga ulangan to’lov tashkilotlari, banklar orqali;
To’lovni amalga oshirish paytida amaldagi narxlar bo’yicha.

10.11. Xizmatlar to’lovida Mijoz bunday to’lov tashkilotining (uning tomonidan to’lov uchun tanlangan tashkilotning) Ommaviy ofertasi bilan mustaqil ravishda tanishib chiqish majburiyatini oladi va bunday to’lov tashkiloti / bank bilan o’zaro hamkorlik xavf-xatari uchun mustaqil ravishda javobgar bo’ladi.

10.12. Xizmatlar to’lovi bo’yicha majburiyat Kompaniyaning hisob-kitob hisobvarag’iga va/yoki Professional Akkaunt egasi hisoblangan Sotuvchi hisobvarag’iga pul mablag’lari o’tkazilgan paytdan e’tiboran bajarilgan hisoblanadi.

10.13. Mijoz to’lovni BirBir platformasida avtomatik ravishda belgilangan muddatlarda amalga oshiradi. Mijoz Xizmatlar to’lovi bo’yicha tartib-taomillar mantiqiy yakungacha yetkazilmagan holatda boshqa vaqt oralig’ida shakllangan Xizmatlar qiymati BirBir platformasida oldin belgilangan narxdan farq qilishi mumkinligi to’g’risida xabardor qilingan.

11. PUL MABLAG’LARINI QAYTARISH TARTIBI

E’lonni rivojlantirish bo’yicha Xizmatlar doirasida.

11.1. Foydalanilmagan pul mablag’lari qoldig’ining qaytarilishi faqat joylashtiriladigan E’lonning birinchi moderatsiyasi o’tmagan holatda amalga oshiriladi.

11.2. Mijozga pul mablag’lari quyidagi holatlarda qaytarilmaydi:

taqdim qilingan Xizmatlar doirasida muddat tugagunigacha to’langan Xizmatlar bilan E’lon asosida bitimlar tuzilganida;
Mijoz E’lon joylashtirilganidan so’ng unga Kompaniya talablariga va/yoki O’zR qonun hujjatlariga javob bermaydigan o’zgartishlar kiritgan holatda, E’lonni joylashtirish rad qilinganida.

11.3. Pul mablag’lari Mijozning boshqa E’lonlariga nisbatan ishlatilishi mumkin emas. Masalan, agar Mijoz Xizmatlar uchun 7 (etti) kun muddat bilan to’lagan, ushbu E’lon bo’yicha bitim esa qayd etilgan muddat tugagunigacha tuzilgan bo’lsa, pul mablag’lari qaytarilishi ham, boshqa Xizmatlar bo’yicha oldindan to’lov sifatida ishlatilishi ham mumkin emas.

11.4. To’langan Xizmat, Mijoz fikricha, kerakli (uning tomonidan kutilgan) natija bermagan holatda, bunday Xizmat uchun Kompaniya tomonidan olingan pul mablag’lari qaytarilmaydi.

11.5. Har bir Xizmat BirBir platformasida belgilangan xizmat ko’rsatish muddatiga ega. Xizmatlarda qayd etilgan muddat tugagunigacha Mijoz tomonidan E’lonni joylashtirish bo’yicha bitim tuzilganida pul mablag’lari Mijozga qaytarilmaydi, xuddi shuningdek Mijozning boshqa E’lonlari uchun har qanday boshqa Xizmatlar to’loviga to’liq ham, qisman ham ishlatilishi mumkin emas.

E’londan Tovarni yetkazib berish bo’yicha Xizmatlar doirasida.

11.6. Sotuvchi Professional Akkaunt egasi hisoblanmagan holatda, pul mablag’larini qaytarish nazarda tutilmagan, Foydalanuvchi shartnomasida nazarda tutilgan tartibda va shartlarda ijobiy qaror qabul qilinganida Kompaniya tomonidan Kompensatsiya bundan mustasno.

11.7. Sotuvchi Professional Akkaunt egasi hisoblangan holatda, pul mablag’larini qaytarish, shuningdek har qanday boshqa kompensatsiya va/yoki zararlarni Xaridorga to’lash Kompaniya ishtirokisiz bitim ishtirokchilari o’rtasida amalga oshiriladi.

12. XIZMATLAR KO’RSATISH SHARTLARI VA TARTIBI

12.1. Xizmatlar ko’rsatilishi Mijoz tomonidan Xizmatlar to’lovidan so’ng (agar bunday to’lov Shartnomada nazarda tutilgan bo’lsa) Kompaniya tomonidan O’zR hududida quyidagi muddatlarda amalga oshiriladi:

Xizmatlar nomi	Xizmatlar ko’rsatish muddati
BirBir platformasi va BirBir Servisidan foydalanish huquqini taqdim qilish bo’yicha xizmat.	BirBir platformasida ro’yxatdan o’tkazish tartib-taomilidan o’tilganidan so’ng darhol (1 (bir) daqiqa mobaynida).
E’lonni joylashtirish bo’yicha Xizmat.	1 (bir) kun mobaynida.
E’lonni rivojlantirish bo’yicha Xizmat.	Moderatsiyadan o’tish sharti bilan Xizmatlar uchun To’lov amalga oshirilganidan so’ng bir necha daqiqa mobaynida.
E’londan Tovarni yetkazib berish bo’yicha Xizmat.	Xizmatlar uchun To’lov amalga oshirilganidan so’ng Ta’minot servisi tomonidan avtomatik ravishda hisoblab chiqilgan vaqt mobaynida.

12.2. Boshqa Xizmatlar BirBir platformasi Qoidalarida belgilangan usulda, tartibda va muddatlarda ko’rsatiladi.

12.3. Xizmatlar ko’rsatish shartlari:

Xizmatlar to’lovi;
BirBir platformasi Qoidalariga rioya qilish.

12.4. Kompaniyaning Xizmatlar ko’rsatish bo’yicha majburiyatlari Mijozning BirBir platformasi Qoidalariga rioya qilish va Xizmatlar to’lovi bo’yicha majburiyatlariga nisbatan javob tartibidagi majburiyatlar hisoblanadi. Mijoz tomonidan ushbu majburiyatlar bajarilmagan holatda Kompaniya O’zR Fuqarolik kodeksida nazarda tutilgan qoidalarga asosan tegishli qismda Xizmatlar ko’rsatilishini to’xtatib qo’yishi yoki rad qilishi mumkin.

12.5. Taklif qilinadigan Xizmatlarning Mijoz shaxsiy ehtiyojlarini qondirishga yo’naltirilgan xususiyatiga asosan Kompaniya unga murojaat qilgan har bir shaxsga Xizmatlar ko’rsatish bo’yicha majburiyatlarni o’ziga qabul qilmaydi va Xizmatlar ko’rsatilishini rad qilishi mumkin. Masalan, Xizmatlarni taqdim qilish BirBir platformasi Qoidalariga, uning mavzusiga, toifalariga va boshqa qoidalarga javob bermaydigan holatlarda.

12.6. Ko’rsatiladigan Xizmatlar o’zgartirilishi, to’ldirilishi, yangilanishi mumkin, shu tufayli ularni tanlash “joriy holat” rejimida, ya’ni Mijoz BirBir Servisiga murojaat qilgan paytdagi Kompaniya tomonidan taqdim qilinadigan shaklda va hajmda taklif qilinadi.

12.7. Kompaniya Mijozga Akkauntdagi mavjud aloqa bog’lash ma’lumotlari bo’yicha Shartnoma yoki Shartnoma doirasida tuzilgan bitimlardan istalgan biri ijrosi bilan bog’liq bildirish xatlari, shu jumladan Xizmatlar ko’rsatish maqomi, Xizmatlar ko’rsatish muddatini uzaytirish, shartlarini o’zgartirish usullari to’g’risida xabarnomalar hamda SMS- va push-xabarnomalar, elektron pochta va telefon qo’ng’iroqlari orqali boshqa axborot xabarnomalarini yuborishga haqli.

12.8. BirBir platformasida Xizmatlar ko’rsatish bo’yicha amalga oshiriladigan har bir bitimning ahamiyatli shartlari BirBir platformasi Interfeysi yordamida Mijoz uchun onlayn yakka tartibda shakllantiriladi, u orqali Mijoz Xizmat va uning ko’rsatkichlarini tanlaydi.

12.9. Ko’rsatiladigan Xizmatlar ro’yxati BirBir platformasida joylashtirilgan.

12.10. Sotuvchi BirBir platformasi Interfeysida belgilangan muddatlarda Tovar berilishini, Xaridor esa uning qabul qilib olinishini amalga oshirish majburiyatini oladi. Tovar BirBir platformasi Interfeysida belgilangan o’lchamlar va og’irlik bo’yicha talablarga javob berishi kerak. Kompaniya bir Tovarning boshqa Tovar shaklida berilishi, shu jumladan O’zR hududida oboroti cheklangan va/yoki taqiqlangan Tovar berilishi uchun javobgar bo’lmaydi.

12.11. Tovar Xaridorga berilganidan va Ta’minot servisi tomonidan yetkazib berish yakunlanganligi tasdiqlanganidan so’ng E’londan Tovarni yetkazib berish bo’yicha Xizmat ko’rsatilgan hisoblanadi.

13. KO’RSATILGAN XIZMATLARNI QABUL QILISH TARTIBI

13.1. Xizmatlar ko’rsatilganligi fakti Mijoz tomonidan tanlangan va to’langan Xizmatlarga kiritilgan harakatlarning Kompaniya tomonidan amalda bajarilishi bilan tasdiqlanadi.

13.2. Mijoz Xizmatlar to’lovidan so’ng E’longa har qanday turdagi o’zgartishlar kiritgan holatda, agar kiritilgan o’zgartishlar O’zR qonun hujjatlariga va/yoki BirBir platformasi Qoidalariga zid bo’lsa, Kompaniya bunday E’lonni olib tashlash huquqini o’zida qoldiradi. Bunda, Xizmat tegishlicha ko’rsatilgan hisoblanadi, Mijoz tomonidan to’langan pul mablag’lari esa qaytarilmaydi.

13.3. E’londan Tovarni yetkazib berish bo’yicha Xizmat quyidagi holatlarda ko’rsatilgan hisoblanadi:

Sotuvchi uchun: Tovarni kurerga berish paytida.
Xaridor uchun: Tovar qayd etilgan manzil bo’yicha yetkazib berilgan va olingan paytda.

14. MAXFIY AXBOROT

14.1. Kompaniya xodimlariga ularga yuklatilgan lavozim vazifalarini bajarish tufayli ma’lum bo’lgan BirBir platformasi Mijozlari to’g’risidagi ma’lumotlar maxfiy axborot hisoblanadi va agar O’zR «Tijorat siri to’g’risida»gi Qonunida va/yoki O’zR «Shaxsiy ma’lumotlar to’g’risida»gi Qonunida boshqa qoida belgilanmagan bo’lsa, oshkor qilinmaydi.

14.2. “Xavfsiz chat” doirasida Kompaniya jismoniy shaxsi tomonidan uzatiladigan axborot, shuningdek bevosita xabarnomalar faqat ularni jo’natuvchilarga (bunday yozishmada ishtirok qilayotgan bevosita jismoniy shaxslarga) yoki ularning qonuniy vakillariga berilishi mumkin.

14.3. Kompaniya jismoniy shaxs bilan yozishmalar davomida unga ma’lum bo’lgan axborotni uchinchi shaxslarga berishga haqli emas (yozishmalar siri), bevosita jismoniy shaxsdan bunday axborot uzatilishiga oldindan rozilik olingan va/yoki huquqni muhofaza qilish organlari va/yoki sud, shuningdek O’zbekiston Respublikasining 1996 yil 27 dekabrdagi “Advokatura to’g’risida”gi 349-I-sonli Qonuniga rioya qilgan holda advokatdan so’rovnoma tushgan holatlar bundan mustasno.

15. KOMPANIYA BILDIRISH XATI VA JAVOBGARLIKNI RAD QILISH

15.1. Kompaniya o’z ishtirokchilari o’rtasidagi bitimlarda Taraf hisoblanmaydi, shu jumladan Kompaniya xodimlari bitimlarida ishtirok qilgan holatda ham hech bir sabab bo’yicha manfaatdor taraf hisoblanmaydi.

15.2. Kompaniya xodimlari, sheriklari, benefitsiarlari va boshqa affillangan shaxslari, agar Foydalanuvchi shartnomasida boshqa qoida oldindan belgilanmagan bo’lsa, Kompaniya bilan ular Kompaniyaning xodimlari, sheriklari, benefitsiarlari va boshqa affillangan shaxslari hisoblanmagan holatdagi kabi bir xil shartlarda, har qanday turdagi istisnolarsiz Shartnoma tuzadilar.

15.3. Kompaniya hech qanday sharoitlarda Mijozlar, Interesantlar, Kiruvchilar va boshqa uchinchi shaxslar harakatlari / harakatsizligi uchun javobgar bo’lmaydi, shu jumladan Shartnoma taraflari o’rtasidagi bitimlar bo’yicha javobgar bo’lmaydi.

15.4. Kompaniya quyidagi holatlarda jismoniy shaxs oldida javobgar bo’lmaydi:

To’lov tashkiloti To’lov amalga oshirilishini rad qilishi;
Xizmatlar to’lovidan so’ng Mijoz tomonidan kutilgan natija olinmaganligi;
Internet tarmog’idagi to’xtalishlar;
Foydalanuvchi shartnomasida nazarda tutilgan boshqa holatlarda.

15.5. Kompaniya Xizmatlar tegishlicha ko’rsatilishi uchun barcha oqilona choralarni ko’rish majburiyatini oladi, biroq Mijoz quyidagi sabablar bo’yicha Xizmatlardan foydalanish imkoniyati bo’lmagan holatda Mijozning zararlari uchun javobgar bo’lmaydi va ularni kompensatsiya qilmaydi:

Xizmatlarni taqdim qilish amalga oshiriladigan umumiy foydalanish aloqa kanallari texnologik nosozliklari, jismoniy shaxs tomonidan har qanday sabab bo’yicha Internet tarmog’iga kirish huquqi yo’qotilishi, ishdagi va ma’lumotlar uzatilishidagi xatolar, kamchiliklar, uzilishlar, aloqa liniyalari nuqsonlari va boshqa texnik to’xtalishlar;
BirBir platformasi ishiga uchinchi shaxslarning ruxsatsiz aralashishi, shu jumladan xakerlik, DDoS-hujumlari, virusli dasturlar ta’sirlari va BirBir platformasi ishidagi boshqa buzilishlar;
Mijoz tomonidan Akkauntga kirish huquqi yo’qotilishi, shu jumladan undan ruxsatsiz foydalanish belgilari mavjud bo’lgan holatda;
engib bo’lmas kuch vaziyatlari (fors-major) yuz bergan holatda;
Mijozda uning Abonentlik raqami uzib qo’yilgan holatda yoki Abonentlik raqamidan foydalanish mumkin bo’lmagan va/yoki Mijoz Qo’llab-quvvatlash xizmati, Ta’minot servisi qo’ng’iroqlariga javob bermagan boshqa vaziyatlarda.

15.6. Kompaniya hech qanday sharoitlarda Mijozning soliq agenti bo’lmaydi va Mijoz nomidan hech qanday soliqlar yig’imi va/yoki to’lovini, yig’imlar va/yoki boshqa majburiy to’lovlarni amalga oshirmaydi, Mijozda ularni to’lash to’g’risida majburiyat O’zR soliq qonun hujjatlariga asosan Kompensatsiya olish natijasida yuzaga kelishi mumkin.

15.7. Kompaniya quyidagilar uchun javobgar bo’lmaydi:

Mijozlarning har qanday turdagi ta’qib qilinishi, agar faqat bunday ta’qiblar yuz berishida Kompaniya aybdor bo’lmasa;
E’londa qayd etilgan telefon raqami bo’yicha har qanday turdagi qo’ng’iroqlar, shu jumladan bunday qo’ng’iroq tufayli va/yoki unga qaramay, bevosita Mijoz tomonidan amalga oshirilgan har qanday harakatlar;
bevosita BirBir platformasida ham, Internet tarmog’idagi har qanday boshqa resursda ham joylashtirilgan har qanday fikr-mulohazalar.

15.8. Kompaniya BirBir platformasi Interfeysida taqdim qilingan yig’imlar/to’lovlardan tashqari hech qanday qo’shimcha yig’imlar/to’lovlar olmasligini ma’lum qiladi.

15.9. Kompaniya BirBir platformasi Kontentidan foydalanish, shuningdek BirBir platformasi Interfeysidan nusxa ko’chirish, BirBir Servisini aynan takrorlash, shu jumladan bevosita «BirBir» so’z birikmasidan (tovar belgisidan) foydalanishni Kompaniya roziligisiz amalga oshirish intellektual faoliyat natijalarini himoyalash sohasidagi O’zR qonun hujjatlari buzilishi hisoblanishini ma’lum qiladi, demak ushbu qoidabuzarlikka yo’l qo’ygan shaxsdan Kompaniya uchun barcha ehtimoliy zararlar olinishi mumkin va olinadi.

16. MIJOZNI ISHONTIRISH VA KAFOLATLASH

16.1. Mijoz O’zR qonun hujjatlariga asosan yuridik salohiyatli jismoniy shaxs hisoblanadi va tegishli ravishda, yuridik majburiyatlarga olib keladigan Shartnoma tuzishi mumkin.

16.2. Mijoz tomonidan Shartnoma tuzishda taqdim qilinadigan qo’llaniladigan elektron pochta manzili va Abonentlik raqami haqiqatan Mijozga tegishli yoki uning tomonidan tegishli qonuniy asosda foydalaniladi.

16.3. Mijoz Farmoyishni tuzishda qayd etilgan to’lov usulidan hech qanday cheklanishlarsiz foydalanishga haqli.

16.4. Mijoz Shartnoma tuzishda va/yoki uni ijro etishda (shu jumladan, Mijoz bilan aloqa bog’lash, unga bildirish xatlarini yuborish, shuningdek Mijozni yuridik ahamiyatli harakatlarni amalga oshirish uchun xohish-istagini ifodalaydigan shaxs sifatida aniq belgilash uchun) Kompaniyaga to’g’ri axborotni taqdim qilgan va/yoki taqdim qiladi (aktuallashtiradi, yangilaydi). Axborotni (shu jumladan, Shaxsiy ma’lumotlarni) taqdim qilish orqali Mijoz bunday axborot to’g’ri ekanligini (aniq ekanligini, xatolari yo’qligini) tasdiqlaydi va kafolatlaydi. Mijoz noaniq, xato, noto’g’ri, to’liqsiz axborot taqdim qilingan holatda bevosita uning o’zi uchun ham, har qanday boshqa shaxs uchun ham ehtimoliy oqibatlari uchun javobgar bo’ladi.

16.5. Mijoz Shartnoma matnining mazmun-mohiyatini to’liq tushunadi va anglaydi hamda Foydalanuvchi shartnomasining 8-bo’limida belgilangan tartibda Shartnoma tuzish orqali uning shartlariga so’zsiz, muqarrar va qaytarib olinmaydigan tartibda rozilik bildiradi, bu orqali o’z shaxsiy xohish-istagidan dalolat beradi.

16.6. Mijoz Shartnomada Mijozga yuklatiladigan majburiyatlarni vijdonan va tegishli ravishda bajaradi.

16.7. Mijoz Kompaniyani ishontirish yoki kafolatlarga zid kelishi mumkin bo’lgan har qanday vaziyatlar to’g’risida xabardor qiladi.

16.8. Kompaniyada Mijoz tomonidan yuqorida qayd etilgan ishontirish va kafolatlarga rioya qilinmaganligi bilan bog’liq zararlar yuzaga kelgan holatda, Mijoz Kompaniyadan tegishli talabnoma olingan paytdan e’tiboran 30 (o’ttiz) kalendar kuni mobaynida Kompaniyaga yetkazilgan zararlar o’rnini to’ldirish (to’liq hajmda kompensatsiya qilish) majburiyatini oladi.

16.9. Ushbu bo’lim bo’yicha ishontirish, kafolatlar va majburiyatlar buzilishi Kompaniyaga Shartnoma doirasida har qanday BirBir Servisi taqdim qilinishini rad etish va/yoki boshqa cheklanish, to’xtatib qo’yish, uzib qo’yish, Mijozning har qanday harakatini bekor qilish amalga oshirilishi uchun yetarlicha asos hisoblanadi.

17. TARAFLAR HUQUQLARI VA MAJBURIYATLARI

17.1. Mijoz quyidagi majburiyatlarni oladi:

1) Quyidagilar bilan tanishib chiqish:

BirBir platformasi Qoidalari bilan tanishib chiqish va ularga rioya qilish;
Xizmatlar to’lovini amalga oshirish uchun uning tomonidan tanlangan to’lov tashkiloti / bankning Ommaviy ofertasi;
BirBir platformasida belgilangan va tanishib chiqish talab qilinadigan boshqa hujjatlar.

2) O’z shaxsiy ma’lumotlarini ishlash uchun rozilik bergan holda BirBir platformasida barcha kerakli axborot maydonlarini to’ldirish.

3) Kompaniyaga Xizmatlar uchun to’lovni o’z vaqtida amalga oshirish.

4) To’lovlarni amalga oshirishda ehtimoliy qo’shimcha xarajatlarni mustaqil ravishda to’lash.

5) E’lonni joylashtirishda ham, Kompaniya xizmatlarining istalgan biridan foydalanish to’g’risida qaror qabul qilishda ham Kompaniyaning biron-bir xodimini tijorat maqsadlarida pora berib o’z tomoniga og’dirib olishdan saqlanish.

17.2. Mijoz quyidagilarga haqli:

1) Kompaniyadan Shartnoma bo’yicha majburiyatlar o’z vaqtida va tegishlicha bajarilishini talab qilish.

2) O’z Akkauntiga kirish uchun taqdim qilingan ro’yxatdan o’tkazish ma’lumotlaridan (login va paroldan) foydalanilgan, xavf-xatarlarni to’liq anglagan holda BirBir platformasidan savdo operatsiyalarini mustaqil ravishda amalga oshirish uchun foydalanish, bunda bitimlar bo’yicha oqibatlar, xavf-xatarlar uchun Mijozning o’zi javobgar bo’ladi.

3) BirBir platformasida ro’yxatdan o’tkazilganidan so’ng, agar Foydalanuvchi shartnomasida boshqa qoida oldindan belgilanmagan bo’lsa, Kompaniya Xizmatlarini xarid qilish.

17.3. Mijoz quyidagilarga haqli emas:

1) Kompaniyadan uning Akkauntiga tegishli bo’lmagan ma’lumotlar taqdim etilishini talab qilish.

17.4. Kompaniya quyidagi majburiyatlarni oladi:

1) Mijoz tomonidan to’langan Xizmatni muayyan Xizmatda nazarda tutilgan muddatda ko’rsatish.

2) O’zR qonun hujjatlarida nazarda tutilgan axborot maxfiyligiga rioya qilish.

3) Kompaniya tomonidan BirBir platformasi faoliyatini to’xtatib qo’yish, bekor qilish to’g’risida qaror qabul qilingan yoki Kompaniyaning o’zi ixtiyoriy ravishda tugatilgan holatda, bunday qaror qabul qilingan paytdan e’tiboran 2 (ikki) ish kuni mobaynida ommaviy axborot vositalarida, Kompaniyaning Internet tarmog’idagi www.birbir.uz manzili bo’yicha rasmiy saytida tegishli axborotni e’lon qilish.

17.5. Kompaniya quyidagilarga haqli:

1) Quyidagi holatlarda Xizmatlar taqdim qilinishini rad etish:

Mijoz tomonidan Shartnoma shartlariga va/yoki BirBir platformasi Qoidalariga rioya qilinmagan holatda;
Xizmatlar so’ralishiga tegishli E’lon mazmuni haqiqiyligiga shubhalar paydo bo’lgan holatda;
E’lon Kompaniya tomonidan belgilangan va/yoki O’zR qonun hujjatlarida belgilangan talablarga javob bermagan holatda;
Xizmatlar uchun to’lov amalga oshirilmagan holatda.

2) Mijozning qo’shimcha roziligisiz bir tomonlama tartibda Shartnomaga o’zgartishlar kiritish, bu haqda Mijoz Shartnomada belgilangan tartibda xabardor qilinishi shart.

17.6. Kompaniya quyidagilarga haqli emas:

1) Maxfiy axborotdan o’z manfaatlarida bitimlar tuzish uchun foydalanish, shuningdek uni boshqa shaxslarga bitimlar tuzish uchun berish, shu jumladan, muayyan paytda qanchalik oshkora bo’lishi mumkinligiga qarab, Mijozning huquqlari va manfaatlariga zarar yetkazadigan yoki zarar yetkazishi mumkin bo’lgan harakatlarni amalga oshirish.

18. TARAFLAR JAVOBGARLIGI

18.1. Taraflar Shartnoma bo’yicha majburiyatlar bajarilmaganligi yoki tegishlicha bajarilmaganligi uchun O’zR amaldagi qonun hujjatlariga asosan javobgar bo’ladilar.

18.2. Mijoz BirBir platformasida E’lonni joylashtirish faktining o’zi, shuningdek Kompaniyaga Xizmatlar to’lovi Mijozga bitim tuzilishini kafolatlamasligini, agar bitim tuzilsa ham tuzilgan bitimning o’zi turli xavf-xatarlar, shu jumladan bunday bitimda ishtirok qilayotgan boshqa Taraf tomonidan majburiyatlar bajarilmasligi xavf-xatari bilan bog’liq bo’lishi mumkinligini anglaydi.

Bitimlar Taraflari quyidagi tartibda mustaqil ravishda mulkiy javobgar bo’ladilar:

agar Foydalanuvchi shartnomasida boshqa qoida oldindan belgilanmagan bo’lsa, bir-birining oldida;
bitim tuzish uchun O’zR Fuqarolik kodeksida belgilangan bitim namunalariga rioya qilinmaganligi tufayli yuzaga kelgan oqibatlar uchun.

18.3. Shartnomani imzolash (aktseptlash) orqali Mijoz E’lon joylashtirish bilan bog’liq barcha xavf-xatarlar to’g’risida xabardor qilinganligini va ushbu xavf-xatarlarni qabul qilishini tasdiqlaydi, shuningdek ushbu xavf-xatarlar salbiy ta’siri tufayli Mijozga zararlar yetkazilishi mumkinligini anglaydi va ushbu zararlarni Kompaniya to’lashga majbur emasligiga rozilik bildiradi.

18.4. Kompaniya jismoniy shaxs oldida BirBir platformasi ishidagi to’xtalishlar, shuningdek bunday to’xtalishlar tufayli yuz bergan bitimlar tuzilmaganligi / bekor qilinganligi / to’xtatilganligi uchun javobgar bo’lmaydi, shu jumladan to’lov tashkilotlari, banklar kabi (cheklanmagan holda) boshqa axborot tizimlaridagi boshqa to’xtalishlar va bunday to’xtalishlar oqibatlari uchun javobgar bo’lmaydi.

18.5. Yuqorida qayd etilgan usullar bilan har qanday hujjatlar (shu jumladan, xabarnomalar, bildirish xatlari) olinganligi uchun Mijoz javobgar bo’ladi. Kompaniya aloqa tizimlari nosozligi, provayderlar, aloqa operatorlari harakatlari / harakatsizligi, Mijoz tomonidan Akkauntga kirish huquqi yo’qotilganligi yoki Kompaniyaning nazorat hududidan tashqaridagi boshqa vaziyatlar natijasida yuz bergan holatda, Mijoz tomonidan hujjatlar / bildirish xatlari kechiktirilganligi yoki olinmaganligi uchun javobgar bo’lmaydi.

18.6. Kompaniya BirBir platformasi Servisining Mijoz ehtiyojlariga muvofiqligini va Mijoz tomonidan BirBir platformasida Xizmatlar olinishi tufayli joylashtirilgan E’longa BirBir platformasiga Kiruvchilarning fikr-mulohazalari olinishini kafolatlamaydi.

18.7. BirBir platformasi va Mijoz Qurilmasini biriktiruvchi aloqa kanali faoliyat yuritishi Kompaniyaning tegishli uskunasi yoki Mijoz Qurilmasi amal qilish hududi doirasidagi tegishli shaxslarning javobgarlik hududiga kiradi. Bunda, aloqa kanalining yo’qligi yoki uning tegishlicha faoliyat yuritmasligi uchinchi shaxslar tomonidan o’z majburiyatlari tegishlicha bajarilmaganligi oqibatida yuz bergan holatda, Taraflar bunday aloqa kanalining yo’qligi yoki uning tegishlicha faoliyat yuritmasligi uchun javobgarlikdan ozod qilinadilar.

18.8. Mijoz uchinchi shaxslar tomonidan Mijozning aybi bilan ruxsatsiz foydalanish (shu jumladan, Abonentlik raqamidan foydalanish) huquqi olingan Qurilmadan, shuningdek uning Qurilmasiga o’rnatilgan zararli ilovalar va dasturlar yordamida Mijoz nomidan amalga oshirilgan har qanday harakatlar uchun mustaqil ravishda zararlar o’rnini to’ldiradi va javobgar bo’ladi.

19. HUQUQLARDAN VOZ KECHISH

19.1. Mijoz Shartnoma doirasida biron-bir huquqlari yoki majburiyatlarini Kompaniyaning oldindan roziligisiz uchinchi shaxslar foydasiga berishga yoki voz kechishga haqli emas.

19.2. Kompaniya Mijoz xabardor qilinmagan holda va/yoki uning roziligisiz Shartnoma va u bo’yicha har qanday huquqlar va majburiyatlarni, shu jumladan Shartnoma bo’yicha har qanday huquqlar va talablarni uchinchi tomonga berishga yoki ularni rad qilishga haqli, O’zR qonun hujjatlarida nazarda tutilgan holatlar bundan mustasno.

20. YENGIB BO’LMAS KUCH VAZIYATLARI (FORS-MAJOR)

20.1. Taraflar Shartnoma bo’yicha majburiyatlari qisman bajarilganligi yoki to’liq bajarilmaganligi Shartnoma tuzilganidan so’ng yoki favqulodda xususiyatli hodisalar natijasida yuzaga kelgan, Taraflar oldindan bilishlari ham, oqilona choralar bilan oldini olishlari ham mumkin bo’lmagan yengib bo’lmas kuch vaziyatlari oqibatida yuz bergan holatda, ular bunday Shartnoma majburiyatlari bajarilmaganligi uchun javobgarlikdan ozod qilinadilar.

20.2. Shartnoma maqsadlari uchun «engib bo’lmas kuch vaziyati» deyilganida favqulodda, kutilmagan va ushbu sharoitlarda oldini olib bo’lmaydigan vaziyat, shu jumladan zilzila, toshqin, yong’inlar, tabiiy ofatlar, ish tashlashlar (Shartnoma Taraflarida yuzaga kelgan ish tashlashlar bundan mustasno), urushlar, urush harakatlari, shuningdek davlat hokimiyat organlari hujjatlari tushuniladi.

20.3. Agar yengib bo’lmas kuch vaziyatlariga havola qiladigan Taraf boshqa Tarafni qayd etilgan vaziyatlar yuz berganligi to’g’risida o’n kunlik muddatda tegishli vakolatli davlat organi ma’lumotnomasi ilova qilingan holda xabardor qilmasa, bunday Taraf uni Shartnoma bo’yicha o’z majburiyatlari buzilishi uchun javobgarlikdan ozod qiladigan omil sifatida ushbu vaziyatlarga havola qilish huquqidan mahrum bo’ladi.

20.4. Vaziyatlar jiddiy o’zgargan, ya’ni Taraflar Shartnoma tuzishda asoslangan vaziyatlar oldindan bilish mumkin bo’lganida ular tomonidan Shartnoma umuman tuzilmaydigan yoki ahamiyatli farq qiladigan shartlarda tuziladigan darajada o’zgargan holatda, Taraflar zararlar o’rnini to’ldirishdan ozod qilinadilar.

20.5. Vaziyatlar jiddiy o’zgargan Taraf vaziyatlar jiddiy o’zgarganligini isbotlashi va boshqa Tarafga bunday dalil-isbotlarni taqdim qilish kerak.

20.6. Fors-major 3 (uch) oydan ko’proq muddat davom etgan holatda, Taraflar tegishli sanktsiyalar qo’llanilmagan holda Shartnomani bekor qilisha haqli.

21. NIZOLARNI HAL QILISH TARTIBI

21.1. Majburiyatlar tegishlicha bajarilmaganligi bilan bog’liq barcha nizolarni sudgacha tartibda hal qilish uchun SMS-xabarnomalar, elektron pochta, BirBir platformasi push-xabarnomalari, interaktiv ovozli xabarnomalar yoki telefon xabarnomalar markazi xizmatlari orqali bildirish xatlari qabul qilinadi. Kompaniya nizoni sudgacha tartibda hal qilish uchun qog’oz shaklidagi ariza / xabarnomani berishi kerak emas. Shikoyat arizasini ko’rib chiqish muddati – Mijoz tomonidan shikoyat arizasi olingan paytdan e’tiboran 3 (uch) kun.

21.2. Nizolarni muzokaralar orqali hal qilish imkoni bo’lmagan holatda, Taraflar o’rtasidagi nizolar va kelishmovchiliklarni hal qilish O’zR amaldagi qonun hujjatlariga asosan sud tartibida amalga oshiriladi va O’zR amaldagi qonun hujjatlarida belgilangan ishlarni sudda ko’rib chiqish qoidalari qo’llanilgan holda Toshkent sudida ko’rib chiqiladi.

21.3. Shartnomadan yuzaga keladigan nizolarni hal qilishda O’zR huquqi qo’llaniladigan huquq hisoblanadi.

21.4. Sud tomonidan Shartnomaning biron-bir qoidasi haqiqiy emas deb topilishi qolgan qoidalari haqiqiy bo’lmasligiga olib kelmaydi, agar Shartnoma ushbu qoidalarsiz ham tuzilishi va/yoki bajarilishi mumkinligini taxmin qilish mumkin bo’lsa.

22. SHARTNOMANING AMAL QILISH MUDDATI

22.1. Shartnoma Foydalanuvchi shartnomasi aktseptlangan (shartlari qabul qilingan) paytdan e’tiboran kuchga kiradi va quyidagi muddatgacha amal qiladi:

Taraflar tomonidan Shartnoma bo’yicha majburiyatlar bajarilgan paytgacha

yoxud

Shartnoma bekor qilingan paytgacha.

22.2. Yangi tahrirda Shartnomani tuzish rad qilingan holatda, Mijoz Akkauntda aks ettiriladigan tegishli yo’riqnomalarga rioya qilgan holda BirBir platformasidagi o’z Akkauntini olib tashlashi kerak, bu Shartnomani bekor qilish sifatida tasniflanadi, shunga qaramay, bunday jismoniy shaxs, agar BirBir platformasi Qoidalari hech qanday buzilishlarini sodir etmagan bo’lsa, BirBir platformasiga Kiruvchi sifatida qolishi mumkin.

23. YAKUNIY QOIDALAR

23.1. Kompaniya O’zR qonun hujjatlarida belgilangan doirada va tartibda davlat soliq xizmati organi, davlat monopoliyaga qarshi qo’mitasi, shuningdek sud, dastlabki tergov va tergov organlari, davlat organlarining yozma shakldagi talablariga asosan o’z faoliyatiga tegishli ma’lumotlarni, Shartnoma tufayli va/yoki Shartnomaga asosan olingan axborotni va Shartnoma mazmunini davlat organlariga va boshqa shaxslarga oshkor qilishga haqli.

23.2. Jismoniy shaxs Foydalanuvchi shartnomasi shartlarini aktseptlagan holda, ularni adolatli va o’zaro foydali deb e’tirof qilgan holda ushbu shartlarga rozilik bildiradi hamda Shartnomani aldovsiz, chalg’itishlarsiz va majburlashsiz tuzadi.

23.3. Shartnoma elektron shaklda tuzilgan va imzolangan.

23.4. Shartnoma bo’yicha barcha harakatlar O’zR amaldagi qonun hujjatlariga asosan amalga oshiriladi.

23.5. Foydalanuvchi shartnomasi matni bo’yicha foydalaniladigan atamalar:

Ommaviy oferta, Shartnoma bir xil ma’noni anglatadi.
Akkaunt va notijorat Akkaunt, agar boshqa qoida oldindan belgilanmagan bo’lsa – bir xil ma’noni anglatadi;
Professional Akkaunt va tijorat akkaunt – bir xil ma’noni anglatadi;
agar boshqa qoida oldindan belgilanmagan bo’lsa, bevosita Foydalanuvchi shartnomasida ham, BirBir platformasi Interfeysida ham Akkaunt egalariga qo’llaniladigan shartlar Professional Akkaunt egalariga ham qo’llaniladi.

23.6. BirBir platformasida joylashtirilgan barcha E’lonlar Kompaniyaning intellektual mulki hisoblanadi va qo’shma mualliflik huquqlari bilan Kontentni tashkil etadi. Kompaniya Kontentdan reklama maqsadlarida, bunda mualliflik huquqini buzmagan, shuningdek jismoniy shaxs shaxsiy ma’lumotlarini qayd etmagan holda foydalanishga haqli.

23.7. Mazkur Foydalanuvchi shartnomasi e’lon qilingan paytdan e’tiboran Foydalanuvchi shartnomasi va xizmatlar ko’rsatish uchun Ommaviy ofertaning oldingi tahriri o’z kuchini yo’qotadi.

23.8. Kompaniya har qanday uchinchi shaxsning da’vo arizasi bo’yicha javobgar sifatida jalb qilingan va/yoki vakolatli davlat organi tomonidan jarima solingan holatda, E’lon matniga va/yoki unga biriktirilgan tasvirga (fotosuratga), shuningdek Mijoz, Interesant, BirBir platformasiga Kiruvchi harakatlari / harakatsizligiga asoslangan holda, Kompaniya Mijozni bunday nizoga hamjavobgar sifatida jalb qiladi, bunda Kompaniyaning o’zi uni nizo Tarafi sifatida o’zgartirish va nima qo’llanishiga qarab, uni “mustaqil talablar qilmaydigan uchinchi shaxs” yoki “mustaqil talablar qiladigan uchinchi shaxs” toifasiga o’tkazish to’g’risida iltimosnoma beradi, to’langan jarima summasini esa bunday Mijozdan regress tartibida undirib oladi.

23.9. Foydalanuvchi shartnomasi rus va o’zbek tillarida tuzilgan, bunda, O’zR davlat tili o’zbek tili ekanligiga qaramay, ikki tildagi tahrirlar o’rtasida farqlar bo’lgan holatda, rus tilida tuzilgan tahrir ustuvor bo’ladi.

24. KOMPANIYA REKVIZITLARI

«DOSKA» MChJ

Toshkent shahar, Yunusobod tumani,

“Minor” MFY, M-6, 70-uy.

h/r: 20208000607083194001

«Ipak Yo’li» AITB

Mirzo Ulug’bek filiali

MFO 00421 STIR 311359740

2025 yil 16 maydagi Foydalanuvchi shartnomasiga 1-sonli ILOVA

BirBir platformasida taqiqlangan harakatlar ro’yxati

Mazkur 2025 yil 16 maydagi Foydalanuvchi shartnomasiga 1-sonli Ilova Foydalanuvchi shartnomasining ajralmas qismi hisoblanadi hamda BirBir platformasi va BirBir Servisidan foydalanishda jismoniy shaxsga amalga oshirish taqiqlanadigan harakatlarni belgilaydi.

1. BirBir platformasidan noqonuniy foydalanish.

1.1. BirBir platformasidan, shuningdek unda joylashtirilgan kontentdan, shu jumladan foydalanuvchi materiallaridan Foydalanuvchi shartnomasida nazarda tutilmagan yoki BirBir platformasi funktsionalida yo’l qo’yilmaydigan maqsadlar va usullarda foydalanish.

2. Ruxsatsiz foydalanish va aralashuv.

2.1. Har qanday usullar, shu jumladan aldov, ishonchni suiiste’mol qilish, Akkauntni buzish va boshqa noqonuniy harakatlar orqali Mijozlar Shaxsiy ma’lumotlaridan foydalanish huquqini olishga urinishlar.

2.2. BirBir platformasi texnik mexanizmlari ishiga aralashishga urinishlar, himoya tizimlarini chetlab o’tish yoki faolsizlantirish.

3. Kommunikatsiya qoidalari buzilishi.

3.1. Joylashtirilgan E’lon bo’yicha bitim tuzish maqsadisiz Mijozlar bilan aloqa bog’lanishini aniqlash.

3.2. Noxush xabarnomalar ommaviy tarqatilishi (spam) sifatida tan olinadigan harakatlar sodir etilishi.

4. Zararli dasturiy ta’minotdan va avtomatizatsiyadan foydalanish.

4.1. Viruslar, troyanlar, zararli dasturiy ta’minotni yuklash va/yoki ulardan foydalanish.

4.2. BirBir platformasida e’lonlarni joylashtirish, ma’lumotlarni to’plash va boshqa harakatlar uchun avtomatlashtirilgan skriptlar, dastur-botlar va boshqa texnik vositalar qo’llanishi.

5. O’zaro harakatlar standart tartibini chetlab o’tish.

5.1. Foydalanuvchi interfeysini chetlab o’tib BirBir platformasi yoki uning funktsionaliga kirish.

5.2. Shaxsiy ma’lumotlarni yoki foydalanuvchi kontentini qonuniy asoslarsiz va roziliksiz to’plash, saqlash, ishlash va tarqatish.

6. Dasturiy ta’minot bilan manipulyatsiyalar.

6.1. BirBir platformasining dasturiy qismidan Kompaniya ruxsatisiz va/yoki bunday ruxsat O’zR qonun hujjatlari normalari buzilishi orqali olingan holda nusxa ko’chirish, uni o’zgartirish, dekompilyatsiya, dizassemblyatsiya qilish, muhandislik tahlilini o’tkazish, modifikatsiyalash va boshqa aralashuvlar.

6.2. BirBir platformasi qismlari asosida tegishli huquqlarsiz hosila materiallarini yaratish.

7. Ruxsatsiz axborot olish.

7.1. BirBir platformasi ma’lumotlar bazasidan axborot va materiallarni olish, nusxa ko’chirish yoki takroriy foydalanish, agar bunday harakatlar bevosita bitim tuzilishi bilan bog’liq bo’lmasa.

7.2. Axborotdan uchinchi shaxslar manfaatlarida (shu jumladan, chet saytlar, ilovalar va ma’lumotlar bazalarini to’ldirish uchun) foydalanish.

8. Frod va chalg’itish.

8.1. Boshqalar shaxsini o’zboshimchalik bilan o’zlashtirib olish, tegishli vakolatlarsiz o’zini boshqa shaxs yoki BirBir platformasi vakili sifatida ko’rsatish.

8.2. Mijozlar, Interesantlar, BirBir platformasiga Kiruvchilar va/yoki Kompaniyani chalg’itadigan boshqa harakatlar.

9. Noqonuniy va noaxloqiy kontent.

9.1. Quyidagilarni o’z ichiga oladigan materiallarni joylashtirish va tarqatish:

zo’ravonlikka, shafqatsizlikka, kamsitishga da’vatlar;
tahdidlar, haqoratlash, bo’hton;
uyat so’zlar, axloqsiz yoki ig’voli iboralar;
ma’naviy, axloqiy yoki amaliy etikani buzadigan axborot;
noqonuniy harakatlarni oqlaydigan ma’lumotlar yoki ularni sodir etishga da’vatlar.

IZOHLAR

(1) Ushbu atama ostida ham birgalikda, ham alohida mobil ilova, sayt, mini-ilova nazarda tutiladi.

(2) O’zbekiston Respublikasining 2012 yil 02 mayda qabul qilingan yangi tahrirdagi “Tadbirkorlik faoliyati erkinligining kafolatlari to’g’risida”gi O’zRQ-328-sonli Qonuni 4-moddasiga asosan.

(3) Mazkur hujjat matni bo’yicha “Mijoz” atamasi, agar bevosita hujjat matnida boshqa ma’noni anglatmasa, “Mijoz vakili” atamasini ham o’z ichiga oladi.

(4) Shaxsiy buyumlarni berish / sotish uchun Akkaunt.

(5) Professional akkaunt.

(6) Akkauntga kirish uchun shaxsiy ma’lumotlar (F.I.Sh, telefon raqami, elektron pochta manzili) va boshqa ma’lumotlar.

(7) Mijoz Shaxsiy ma’lumotlari qayd etilmagan holda, balki faqat statistik axborot formatida. Bunday bildirish xatining namunali varianti: BirBir platformasida hozirda 200 ta E’lon joylashtirilgan.

(8) Internet-brauzerlar yoki mobil ilovalar orqali Mijozlar Qurilmasiga keladigan qisqa xabarnomalar.

(9) BirBir platformasida ro’yxatdan o’tkazishda so’ralmagan ma’lumotlar qayd etiladi.

(10) BirBir platformasida Mijoz o’rniga va uning nomidan barcha yoki tanlash asosida har qanday harakatlarni amalga oshirish.

(11) BirBir platformasi Kontentidan foydalanilgan holatda.

(12) Haqiqatga to’g’ri keladigan. Masalan, Mijoz tomonidan kvartira oldi-sotdisi to’g’risida E’lon joylashtirish uchun “Maishiy texnika” toifasi tanlangan, bu haqiqatga to’g’ri kelmaydi. Qo’llab-quvvatlash xizmati moderatsiya o’tkazish vaqtida ushbu toifani to’g’ri toifaga, aynan esa – “Ko’chmas mulk” toifasiga almashtiradi.

(13) Yoxud O’zR FK 28-moddasida nazarda tutilgan tartibda yuridik salohiyatli jismoniy shaxsga aylangan.

(14) Fuqarolik huquqiy munosabatlar ishtirokchilari harakatlarining halolligi, oqilonaligi va adolatliligi nazarda tutiladi (O’zR FK 9-moddasi 3-qismi).

(15) E’lon matnidagi imlo, uslubiy va boshqa xatolar uchun, shuningdek E’londagi manzillar noto’g’ri ma’lumotlari, shu jumladan yolg’on ma’lumotlar (axborot) uchun.

(16) Bevosita bitim Taraflari tomonidan yetkazib berishni tashkillashtirish bundan mustasno.

(17) E’lonni joylashtirish paytida ham, u chop etilganidan keyin ham Sotuvchi Xizmatlardan foydalanishi mumkin.

(18) Agar Tovar bepul asosda berilsa.

(19) Agar BirBir platformasida boshqa qoida belgilanmagan bo’lsa, yetkazib berish qiymatini o’z ichiga oladi.

(20) O’zbekiston Respublikasining 2017 yil 11 sentyabrdagi “Jismoniy va yuridik shaxslar murojaatlari to’g’risida”gi O’zRQ-445-sonli Qonuni (yangi tahriri) 3-moddasida “elektron murojaatnoma” turi nazarda tutilganligi, biroq bunday murojaatnomani yuboruvchi tomonidan imzolash (tasdiqlash) usuli to’g’risida axborot yo’qligi tufayli Kompaniya, O’zR FK 5-moddasiga amal qilgan holda, «qonun analogiyasi» qo’llanishini o’rinli deb hisoblaydi, BirBir platformasiga Kiruvchi mazkur Ofertani aktseptlash orqali, shuningdek Xaridor Tovarni yetkazib berish bo’yicha Xizmatlar uchun to’lovni amalga oshirgan holda, Foydalanuvchi shartnomasi matni va shartlari to’liq e’tirof etilganligidan aniq dalolat beradigan harakatlarni amalga oshiradi, hujjatni imzolagan shaxs roziligini ifodalaydigan hamda uni identifikatsiyalash va autentifikatsiyalash imkonini beradigan elektron tasdiqlash usuli («SMS», «Face ID» va boshqa) sifatida O’zbekiston Respublikasining 2022 yil 29 sentyabrdagi “Elektron tijorat to’g’risida”gi O’zRQ-792-sonli Qonuni 7-qismida nazarda tutilgan “elektron murojaatnoma”ni bunday imzolash shakliga rozilik bildiradi. Bundan tashqari, Tovar qiymati miqdorida pul mablag’lari to’lovi Kompaniyaning o’z mablag’laridan amalga oshiriladi, demak O’zR qonun hujjatlari boshqa normalari (O’zR Soliq kodeksi qoidalari bundan mustasno) Xaridor va Kompaniya o’rtasidagi bunday o’zaro munosabatlarga qo’llanilmaydi.

(21) Agar O’zR qonun hujjatlarining ushbu buzilishlari to’g’risida Kompaniyaga ma’lum bo’lsa.

(22) Xizmat yakuniy tanlanganidan so’ng uni rasmiylashtirish, Verifikatsiyadan o’tish, Xizmatlar to’lovi uchun o’z bank kartasi ma’lumotlarini kiritish, boshqa konklyudent harakatlar.

(23) Bank hisobvarag’i hisoblanmagan, balki Mijoz xarajatlarini amalga oshirish va monitoringini o’tkazish (hisobga olish) uchun mo’ljallangan Professional akkaunt ichki hamyoni.