UZFoydalanuvchi shartnomasi
Toshkent sh.
«06» sentyabr 2024 y.
«Doska» MChJ mulki hisoblangan (STIR: 311 359 740), veb-saytda va mobil ilovalarda taqdim qilingan, foydalanuvchilar tovarlar oldi-sotdisi va xizmatlar ko’rsatish to’g’risida e’lonlar, shu jumladan “tekinga beraman” va/yoki “tekinga olaman” toifali e’lonlarni joylashtirishlari mumkin bo’lgan BirBir platformasiga (bundan buyon matnda – “BirBir platformasi”) xush kelibsiz.
Bizning BirBir platformamizdan foydalanib orqali Siz mazkur Foydalanuvchi shartnomasi shartlariga rozilik bildirasiz. Quyida keltirilgan harakatlar amalga oshirilgan holatda, yuridik salohiyatli jismoniy shaxs mazkur Foydalanuvchi shartnomasi akseptini (shartlari qabul qilinishini) amalga oshiradi, bu esa shartnoma tuzish bilan teng kuchga ega, demak mazkur Foydalanuvchi shartnomasining Tarafiga aylanadi.
Yuqorida qayd etilganlarga asoslangan holda, Platforma egasi Sizdan mazkur Foydalanuvchi shartnomasi matnini diqqat bilan o’qib chiqishingizni va Qoidalar bilan tanishib chiqishingizni so’raydi.
Agar Siz Foydalanuvchi shartnomasining biron-bir bandiga rozilik bildirmasangiz, Platforma egasi Sizni mazkur Foydalanuvchi shartnomasi akseptlanishini va BirBir platformasidan butunlay yoki qisman foydalanishni, shuningdek Platforma egasining xizmatlaridan foydalanishni rad qilishga chaqiradi.
1. Atamalar va ta’riflar.
1.1. Mazkur Foydalanuvchi shartnomasida qo’llaniladigan atamalar va ta’riflar ma’nolarini bir xilda tushunish va talqin qilish maqsadida quyida qayd etilgan atamalar va ta’riflar, mazkur Foydalanuvchi shartnomasi matnida boshqa ma’no belgilanmagan bo’lsa, quyida qayd etilgan ma’nolarga ega bo’ladi:
1) BirBir platformasi – Android va/yoki iOS asosida ishlab chiqilgan ilova va/yoki www.birbir.uz manzili bo’yicha joylashgan, «Doska» MChJ intellektual mulki hisoblangan va ro’yxatdan o’tkazilgan Foydalanuvchilar tomonidan tovarlar oldi-sotdisi va/yoki xizmatlar ko’rsatish to’g’risida e’lonlar joylashtirilishi uchun mo’ljallangan veb-sayt.
2) Foydalanuvchi – BirBir mobil ilovasini o’z mobil telefoniga o’rnatgan va unda ro’yxatdan o’tkazilgan yoki veb-saytga kirgan va ushbu veb-saytda ro’yxatdan o’tkazilgan jismoniy shaxs.
3) BirBir platformasida ro’yxatdan o’tkazish – o’z maqomini Veb-saytga kiruvchidan Foydalanuvchiga almashtirishga qaror qilgan jismoniy shaxs tomonidan amalga oshiriladigan harakatlar majmui.
4) Veb-saytga kiruvchi – BirBir mobil ilovasini o’rnatgan, biroq BirBir mobil ilovasida ro’yxatdan o’tish istagi bo’lmagan, lekin BirBir mobil ilovasi imkoniyatlari va funksiyalari bilan tanishib chiqish va/yoki Foydalanuvchi tomonidan taklif qilinadigan tovar / xizmatlar Iste’molchisiga aylanish istagida bo’lgan va/yoki Veb-saytga kiruvchi hisoblangan jismoniy shaxs.
5) Iste’molchi – E’lon bilan tanishib chiqqan va tovarni xarid qilish / sotish va/yoki xizmatlar olish / ko’rsatish istagida bo’lgan jismoniy shaxs.
6) Tovar – Foydalanuvchi BirBir platformasida tegishli e’lon berish orqali yuridik taqdirini belgilagan Foydalanuvchi mulki.
7) E’lon – Foydalanuvchi tomonidan tovarlar oldi-sotdisi yoki xizmatlar olish / ko’rsatish maqsadida BirBir platformasida joylashtirilgan axborot.
8) Platforma egasi – O’zbekiston Respublikasining qonun hujjatlariga asosan yuridik shaxs hisoblangan va direktor Andrey Pavlovich Tereshin nomidan faoliyat yuritadigan «Doska» MChJ (STIR: 311 359 740) BirBir platformasi egasi.
9) Qoidalar – Foydalanuvchi E’lonlarni joylashtirishda amal qilishi shart bo’lgan va ______ manzili bo’yicha joylashtirilgan reglament.
10) Uchinchi shaxslar – Foydalanuvchi shartnomasida nomma-nom qayd etilmagan shaxslar.
11) Shaxsiy ma’lumotlar – elektron, qog’oz va (yoki) boshqa moddiy axborot tashuvchi vositada qayd etilgan, muayyan jismoniy shaxsga tegishli bo’lgan yoki uni identifikasiyalash imkonini beradigan axborot.
1.2. Birlik sonida ishlatilgan so’zlar ko’plik sonini ham anglatadi va aksincha, shaxslar qayd etilganida esa yuridik shaxslar ham, yuridik bo’lmagan shaxslar ham nazarda tutiladi.
1.3. Mazkur Foydalanuvchi shartnomasi matnidagi sarlavhalar, qora shrift, tagiga chizib qo’yish va kursiv faqat qulaylik uchun xizmat qiladi hamda Foydalanuvchi shartnomasi tushunilishi va talqin qilinishiga ta’sir etmaydi.
2. Ro’yxatdan o’tkazish va Shaxsiy kabinet.
2.1. BirBir mobil ilovasi o’rnatilganidan so’ng Veb-saytga kiruvchi maqomidan Foydalanuvchi maqomiga o’tishni istagan jismoniy shaxs tegishli ro’yxatdan o’tkazish namunasini to’ldirish orqali ro’yxatdan o’tishi kerak. Bunday holatda, agar jismoniy shaxs Platforma egasi veb-saytiga kirgan bo’lsa va maqomini Veb-saytga kiruvchidan Foydalanuvchiga almashtirishga qaror qilgan bo’lsa, bunday jismoniy shaxs Platforma egasi veb-saytida ro’yxatdan o’tkaziladi.
2.2. Veb-saytga kiruvchi ro’yxatdan o’tkazish namunasini to’ldirishda o’zi haqida to’g’ri axborot berishga intiladi.
2.3. Platforma egasi E’londa qayd etilgan axborot to’g’riligi uchun Iste’molchi oldida hech qanday javobgar bo’lmaydi.
2.4. Foydalanuvchi tomonidan o’z mobil telefoni raqamiga olingan kod joriy qilinganidan so’ng Shaxsiy kabinetdan foydalanish huquqini olish avtomatik ravishda amalga oshiriladi.
2.5. Veb-saytga kiruvchi ro’yxatdan o’tkazish namunasini to’ldirganidan va o’zining birinchi E’lonini joylashtirganidan so’ng Foydalanuvchi maqomiga o’tadi va u funksional Shaxsiy kabinetdan foydalanish huquqiga ega bo’ladi.
2.6. Foydalanuvchi o’z hisobga olish qaydlaridagi ma’lumotlar maxfiyligi saqlanishi uchun javobgar bo’ladi.
3. E’lonlarni joylashtirish.
3.1. E’lonlar O’zbekiston Respublikasining amaldagi qonun hujjatlariga va BirBir platformasi qoidalariga javob berishi kerak.
3.2. Yolg’on axborotni, haqorat qiluvchi axborotni o’z ichiga oladigan E’lonlarni, mualliflik huquqlarini buzadigan axborotni, shuningdek boshqa shaxsning qadr- qimmatini tushiradigan axborotni joylashtirish taqiqlangan.
4. Shaxsiy kabinetga kirishning to’xtatib qo’yilishi.4.1. Quyidagi holatlarda Platforma egasi, sabablari tushuntirilmagan holda, Foydalanuvchining BirBir platformasiga kirish va undan foydalanish huquqini vaqtincha to’xtatib qo’yishi yoki bekor qilishi mumkin:
− Agar Foydalanuvchi noqonuniy ravishda o’zini boshqa jismoniy shaxs qilib ko’rsatsa va Platforma egasini, Iste’molchini yanglishtirsa;
− Agar Foydalanuvchi Iste’molchi va/yoki uchinchi shaxslar roziligisiz ularning shaxsiy ma’lumotlari to’planishi, saqlanishi, tarqatilishini amalga oshirsa;
− Agar Frod aniqlansa;
− Agar Platforma egasiga vakolatli davlat organlaridan tegishli qonuniy murojaatnomalar (talabnomalar) tushsa;
− Agar Iste’molchidan Platforma egasiga tegishli asoslangan murojaatnomalar tushsa;
− Agar Foydalanuvchi BirBir platformasi va/yoki ushbu Platforma egasining amaliy obro’siga zarar yetkazilishiga olib kelgan yoki olib kelishi mumkin bo’lgan harakatlarni amalga oshirgan bo’lsa;
− Agar Foydalanuvchi O’zbekiston Respublikasining amaldagi qonun hujjatlari va/yoki Foydalanuvchi shartnomasi qoidalarini boshqa tartibda buzgan bo’lsa.
4.2. BirBir platformasidan foydalanish to’xtatib qo’yilgan holatda, Foydalanuvchi bu haqda bildirish xati oladi.
5. Foydalanuvchilar javobgarligi.
5.1. Foydalanuvchi o’z E’lonlari mazmuni uchun mustaqil ravishda (yakka tartibda) javobgar bo’ladi.
5.2. Foydalanuvchi BirBir platformasidan noqonuniy faoliyat uchun foydalanmaslik majburiyatini oladi.
5.3. E’lonlarni joylashtirishda Foydalanuvchi o’z xohish-istagini haqiqat qilib ko’rsatmaslik va hech qanday vaziyatlarda Platforma egasini Iste’molchi oldida u bilan birga subsidiar va/yoki boshqa javobgarlikka tortmaslik majburiyatini oladi.
6. Platforma egasi javobgarligini rad qilish.
6.1. Platforma egasi BirBir platformasi funksiyalaridan to’liq yoki qisman foydalanish imkoniyati yo’qligi uchun javobgarlikdan tashqari Foydalanuvchi oldida ham, Iste’molchi oldida ham, boshqa uchinchi shaxslar oldida ham hech qanday javobgar bo’lmaydi va javobgar bo’lishi mumkin emas.
6.2. E’lonlarni joylashtirishda ular premoderasiyaga yuboriladi, biroq bu Iste’molchiga E’lonning bevosita mazmuni to’g’riligiga hech qanday kafolat bermaydi.
6.3. Platforma egasi Foydalanuvchi, Veb-saytga kiruvchi, Iste’molchini o’z shaxsiy ma’lumotlarini va/yoki shaxsan o’zi haqida har qanday boshqa axborotni taqdim qilgan holda, internet tarmog’ida noinsof shaxsga va/yoki firibgarga uchrab qolishlari mumkinligi to’g’risida ogohlantiradi.
6.4. Platforma egasi BirBir platformasidan foydalanish natijasida yuzaga kelgan har qanday zararlar uchun javobgar bo’lmaydi.
7. Xavf-xatarlar to’g’risida bildirish xati.
7.1. Oldin olingan daromadlar kelgusida daromadlar olish kafolati hisoblanmaydi, joylashtirilgan E’longa esa hech kim javob bermasligi mumkin.
7.2. BirBir platformasidan foydalanishni boshlagan holda, Foydalanuvchi / Iste’molchi / Veb-saytga kiruvchi o’z harakatlariga, shuningdek harakatsizligigato’liq javobgar bo’ladi va bunday harakatlar yoki harakatsizlik uchun mustaqil ravishda to’liq javobgar bo’ladi, shuningdek E’lonlar joylashtirish va/yoki tovarlar oldi-sotdisi to’g’risida qarorlar qabul qilish natijasida ehtimoliy zararlar uchun mustaqil ravishda javobgar bo’ladi. Foydalanuvchi Platforma egasi Foydalanuvchi tomonidan belgilangan maqsadlarga erishishda uning BirBir platformasidagi faoliyati uchun hech qanday javobgar bo’lmasligini to’liq tushunadi.
8. Platforma egasining huquqlari va majburiyatlari.
8.1. Platforma egasi Qoidalarni buzadigan E’lonlarni olib tashlash yoki o’zgartirishga haqli.
8.2. Platforma egasi E’lonlar Qoidalarga javob bermaydigan holatda, ularning joylashtirilishini rad qilishi shart.
9. Veb-saytga kiruvchining huquqlari.
9.1. O’z mobil telefoniga BirBir mobil ilovasini yuklab olgan va o’rnatgan hamda uni hech bo’lmasa bir marta ochgan har qanday jismoniy shaxs BirBir mobil ilovasining Veb-saytiga kiruvchi hisoblanadi.
9.2. Platforma egasi veb-saytiga faqat o’ziga ma’lum bo’lgan har qanday maqsadda hech bo’lmasa bir marta kirgan har qanday shaxs Foydalanuvchi shartnomasi maqsadlari uchun Veb-saytga kiruvchi hisoblanadi.
9.3. Veb-saytga kiruvchi E’lonlarni ko’rib chiqishga, ularning mazmuni bilan tanishib chiqishga, E’lonlar mazmuniga qarab tovarlar oldi-sotdisi va/yoki xizmatlar ko’rsatish to’g’risida qaror qabul qilishda esa Iste’molchiga aylanishini to’liq tushunib olishga haqli.
10. Shaxsiy ma’lumotlar.
10.1. Foydalanuvchining shaxsiy ma’lumotlari tegishli Shaxsiy ma’lumotlarni ishlash siyosatiga asosan ishlanadi.
11. Foydalanuvchi shartnomasidagi o’zgartishlar.
11.1. Platforma egasi mazkur Shartnomaga o’zgartishlar kiritish huquqini o’zida qoldiradi. O’zgartishlar BirBir platformasida e’lon qilingan paytdan e’tiboran kuchga kiradi.
12. Yakuniy qoidalar
12.1. Mazkur Shartnoma O’zbekiston Respublikasining qonun hujjatlariga asosan tartibga solinadi.
12.2. Mazkur Shartnomadan yuzaga keladigan barcha nizolar O’zbekiston Respublikasining qonun hujjatlarida belgilangan tartibda hal qilinadi.
12.3. Agar Sizda savollar bo’lsa yoki qo’shimcha axborot kerak bo’lsa, marhamat, biz bilan support@birbir.uz orqali bog’laning.
12.4. Mazkur Foydalanuvchi shartnomasida nomma-nom qayd etilgan Qoidalar, Siyosatlar, Nizomlar kabi barcha boshqa hujjatlar uning ajralmas qismi hisoblanadi.
12.5. Platforma egasi ro’yxatdan o’tkazishda taqdim qilingan Foydalanuvchi ma’lumotlari tekshirilishini amalga oshirish va sabablari tushuntirilmagan holda E’lonni bekor qilish huquqini o’zida qoldiradi.
12.6. BirBir platformasidan foydalanish – tun-kun rejimida amalga oshiriladi. Fors-major vaziyatlari hamda Platforma egasiga profilaktik va boshqa ishlarni o’tkazish uchun talab qilinadigan vaqt bundan mustasno. Hozirgi paytda mavjud barcha servislar, shuningdek har qanday rivojlantirish va/yoki yangiliklar qo’shilishi Foydalanuvchi shartnomasi predmeti hisoblanadi.
12.7. Platforma egasi BirBir platformasida ayrim tovarlar / ishlar / xizmatlar to’g’risida axborot joylashtirilganligi, shuningdek ham reklama, ham axborot xususiyatli boshqa axborot joylashtirilganligi uchun uchinchi shaxslardan haq olishi mumkin. Iste’molchi, shuningdek Veb-saytga kiruvchi buni BirBir platformasidagi o’z harakatlariga / harakatsizligiga doir qarorlar qabul qilishda hisobga olishi shart emas.
12.8. BirBir platformasi pulli funksiyalarni o’z ichiga olishi mumkin, ulardan foydalanish narxi va shartlari BirBir platformasida qayd etiladi.