Ommaviy oferta Aksepti	Ijrochi saytida Buyurtmachi tomonidan Xizmatlar tanlovi va uning BirBir platformasidagi to’lov servisi orqali to’lovi.
BirBir platformasi	Internet tarmog’idagi www.birbir.uz manzili bo’yicha sayt va Ijrochining mobil ilovasi.
BirBir platformasi qoidalari	Internet tarmog’idagi https://birbir.uz/ru/legal manzili bo’yicha saytda va Ijrochining mobil ilovasida joylashtirilgan.

2.      SHARTNOMA PREDMETI

2.1.         Ijrochi Buyurtmachi tomonidan Ommaviy oferta Akseptlanganidan so’ng Buyurtmachiga axborot-texnik xizmatlar (bundan buyon matnda – “Xizmatlar”) ko’rsatadi. Buyurtmachi tomonidan yuqorida qayd etilgan harakatlarning amalga oshirilishi Ommaviy ofertada belgilangan barcha shartlar to’liq qabul qilingan hisoblanadi.

3.      XIZMATLAR KO’RSATISH SHARTLARI VA TARTIBI

3.1.         Xizmatlar quyidagi tartibda ko’rsatiladi:

·        BirBir platformasi servisi orqali va faqat Buyurtmachi tomonidan oldindan to’lov amalga oshirilganidan so’ng avtomatik ravishda;

·        O’zbekiston Respublikasi hududida.

3.2.         Boshqa Xizmatlar BirBir platformasi qoidalarida belgilangan usulda va muddatlarda ko’rsatiladi.

3.3.         Xizmatlarni olish shartlari:

·        Xizmatlar to’lovi;

·        BirBir platformasi qoidalariga rioya qilish.

3.4.         Ijrochining Xizmatlar ko’rsatish bo’yicha majburiyatlari Buyurtmachining BirBir platformasi qoidalariga rioya qilish va Xizmatlar to’lovi bo’yicha majburiyatlariga nisbatan javob tartibidagi majburiyatlar hisoblanadi. Buyurtmachi tomonidan ushbu majburiyatlar bajarilmagan holatda Ijrochi O’zR FKda nazarda tutilgan huquqlarga asosan tegishli qismda Xizmatlar ko’rsatilishini to’xtatib qo’yishi yoki rad qilishi mumkin.

3.5.         Taklif qilinadigan Xizmatlarning Buyurtmachining e’lonlar va boshqa takliflar berish bo’yicha shaxsiy ehtiyojlarini qondirishga yo’naltirilgan xususiyatiga asosan Shartnoma doirasida Ijrochi unga murojaat qilgan har bir shaxsga Xizmatlar ko’rsatish bo’yicha majburiyatlarni o’ziga qabul qilmaydi va Xizmatlar ko’rsatilishini rad qilishi mumkin. Masalan, Xizmatlarni taqdim qilish BirBir platformasi qoidalariga, uning mavzusiga, toifalariga va boshqa qoidalarga javob bermaydigan holatlarda.

3.6.         Ko’rsatiladigan Xizmatlar o’zgartirilishi, to’ldirilishi, yangilanishi mumkin, shu tufayli ularni tanlash “joriy holat” rejimida, ya’ni Buyurtmachi Xizmatlarga va BirBir platformasi servislariga murojaat qilgan paytdagi Ijrochi tomonidan taqdim qilinadigan shaklda va hajmda taklif qilinadi.

3.7.         Ijrochi Buyurtmachiga BirBir platformasida Buyurtmachining Shaxsiy kabinetidagi aloqa bog’lash ma’lumotlari bo’yicha Shartnoma yoki Shartnoma doirasida tuzilgan bitimlardan istalgan biri ijrosi bilan bog’liq bildirish xatlari, shu jumladan Xizmatlar ko’rsatish maqomi, Xizmatlar ko’rsatishni uzaytirish, shartlarini o’zgartirish usullari to’g’risida xabarnomalar hamda SMS- va push-xabarnomalar, elektron pochta va telefon qo’ng’iroqlari orqali boshqa axborot xabarnomalarini yuborishga haqli.

3.8.         Ijrochi Buyurtmachiga muayyan Xizmatlarni bepul asosda ham taqdim qiladi, shu jumladan BirBir platformasida E’lonlarni joylashtirish to’lovsiz amalga oshiriladi.

3.9.         BirBir platformasida Xizmatlar ko’rsatish bo’yicha amalga oshiriladigan har bir bitimning ahamiyatli shartlari BirBir platformasi interfeysi yordamida Buyurtmachi uchun onlayn yakka tartibda shakllantiriladi, u orqali Buyurtmachi Xizmat va uning parametrlarini tanlaydi, Taraflar tomonidan bitim shartlari o’zaro kelishib olinadi.

3.10.      Ko’rsatiladigan Xizmatlar ro’yxati BirBir platformasida joylashtirilgan.

4.       KO’RSATILGAN XIZMATLARNI QABUL QILISH TARTIBI

4.1.         Xizmatlar ko’rsatilganligi fakti Buyurtmachi tomonidan tanlangan va to’langan Xizmatlarga kiritilgan harakatlarning Ijrochi tomonidan amalda bajarilishi bilan tasdiqlanadi.

4.2.         Buyurtmachi Xizmatlar to’lovidan so’ng E’longa har qanday turdagi o’zgartishlar kiritgan holatda, agar kiritilgan o’zgartishlar O’zR qonun hujjatlariga va/yoki BirBir platformasi qoidalariga zid bo’lsa, Ijrochi bunday E’lonni olib tashlash huquqini o’zida qoldiradi. Bunda, Xizmat tegishlicha ko’rsatilgan hisoblanadi, Buyurtmachi tomonidan to’langan pul mablag’lari esa qaytarilmaydi.

5.       XIZMATLAR QIYMATI VA HISOB-KITOBLAR TARTIBI

5.1.         Xizmatlar qiymati avtomatik ravishda shakllanadi va tanlangan E’lon toifasiga, hududiy mansublikka hamda muhim ahamiyatga ega va BirBir platformasida belgilangan boshqa omillarga qarab o’zgarishi mumkin.

5.2.         Xizmatlar uchun quyidagi tartibda to’lanadi:

·        BirBir platformasida avtomatik ravishda shakllangan summada;

·        O’zbekiston Respublikasi milliy valyutasi — so’mda; pul mablag’larini yuborish bilan bog’liq komissiya xarajatlarini Buyurtmachi o’ziga qabul qiladi;

·        BirBir platformasiga ulangan to’lov tashkilotlari, banklar orqali;

·        to’lovni amalga oshirish paytida amaldagi narxlar bo’yicha.

5.3.         Xizmatlar to’lovida Buyurtmachi bunday to’lov tashkilotining (uning tomonidan to’lov uchun tanlangan tashkilotning) Ommaviy ofertasi bilan mustaqil ravishda tanishib chiqish majburiyatini oladi va bunday to’lov tashkiloti (bank) bilan o’zaro hamkorlik xavf-xatari uchun mustaqil ravishda javobgar bo’ladi.

5.4.         Xizmatlar to’lovi bo’yicha majburiyat Ijrochining hisob-kitob hisobvarag’iga pul mablag’lari o’tkazilgan paytdan e’tiboran bajarilgan hisoblanadi.

5.5.         Buyurtmachi to’lovni BirBir platformasida belgilangan muddatlarda avtomatik ravishda amalga oshiradi. Buyurtmachi boshqa vaqt oralig’ida shakllangan Xizmatlar qiymati BirBir platformasida oldin belgilangan narxdan farq qilishi mumkinligi to’g’risida xabardor qilingan.

6.       PUL MABLAG’LARINI QAYTARISH TARTIBI

6.1.         Foydalanilmagan pul mablag’lari qoldig’ining qaytarilishi faqat chop etiladigan E’lonning birinchi moderasiyasi o’tmagan holatda amalga oshiriladi.

6.2.         Buyurtmachiga pul mablag’lari quyidagi holatlarda qaytarilmaydi:

·        taqdim qilingan Xizmatlar doirasida muddat tugagunigacha Foydalanuvchi va Keluvchi o’rtasida to’langan Xizmatlar bilan E’lon asosida bitimlar tuzilganida;

·        Buyurtmachi E’lon joylashtirilganidan so’ng unga Ijrochi talablariga va/yoki O’zR qonun hujjatlariga javob bermaydigan o’zgartishlar kiritgan holatda, E’lonni joylashtirish rad qilinganida.

6.3.         Pul mablag’lari Buyurtmachining boshqa E’lonlariga nisbatan ishlatilishi mumkin emas. Masalan, agar Buyurtmachi Xizmatlar uchun 7 (etti) kun muddat bilan to’lagan, ushbu E’lon bo’yicha bitim esa qayd etilgan muddat tugagunigacha tuzilgan bo’lsa, pul mablag’lari qaytarilishi ham, boshqa Xizmatlar bo’yicha oldindan to’lov sifatida ishlatilishi ham mumkin emas.

6.4.         To’langan Xizmat, Buyurtmachi fikricha, kerakli (uning tomonidan kutilgan) natija bermagan holatda, bunday Xizmat uchun Ijrochi tomonidan olingan pul mablag’lari qaytarilmaydi.

6.5.         Har bir Xizmat BirBir platformasida belgilangan uni ko’rsatish muddatiga ega. Foydalanuvchi va Keluvchi o’rtasida Xizmatlarda qayd etilgan muddat tugagunigacha Foydalanuvchi tomonidan E’lonni joylashtirish bo’yicha bitim tuzilganida pul mablag’lari Buyurtmachiga qaytarilmaydi, xuddi shuningdek Foydalanuvchining boshqa E’lonlari uchun Xizmatlar to’loviga to’liq ham, qisman ham ishlatilishi mumkin emas.

7.      TARAFLAR HUQUQLARI VA MAJBURIYATLARI

7.1.         Buyurtmachi quyidagi majburiyatlarni oladi:

7.1.1.    Quyidagilar bilan tanishib chiqish:

·       BirBir platformasi qoidalari bilan tanishib chiqish va ularga rioya qilish;

·       Xizmatlar to’lovini amalga oshirish uchun uning tomonidan tanlangan to’lov tashkiloti / bankning Ommaviy ofertasi.

7.1.2.    O’z shaxsiy ma’lumotlarini ishlash uchun rozilik bergan holda BirBir platformasida barcha kerakli axborot maydonlarini to’ldirish.

7.1.3.    Ijrochiga Xizmatlar uchun to’lovni o’z vaqtida amalga oshirish.

7.1.4.    Xizmatlar to’lovini amalga oshirishda ehtimoliy qo’shimcha xarajatlarni mustaqil ravishda to’lash.

7.2.         Buyurtmachi quyidagilarga haqli:

7.2.1.    Ijrochidan Shartnoma bo’yicha majburiyatlar o’z vaqtida va tegishlicha bajarilishini talab qilish.

7.2.2.    Ijrochi tomonidan taqdim qilingan login va paroldan foydalanilgan holda BirBir platformasidan savdo operasiyalarini mustaqil ravishda amalga oshirish uchun foydalanish, bunda bitimlar bo’yicha oqibatlar, xavf-xatarlar uchun Buyurtmachining o’zi javobgar bo’ladi.

7.2.3.      BirBir platformasida ro’yxatdan o’tkazilganidan so’ng Ijrochi Xizmatlarini xarid qilish.

7.3.         Buyurtmachi quyidagilarga haqli emas:

7.3.1.    Ijrochidan uning Shaxsiy kabinetiga tegishli bo’lmagan ma’lumotlar taqdim etilishini talab qilish.

7.4.         Ijrochi quyidagi majburiyatlarni oladi:

7.4.1.    Buyurtmachi tomonidan to’langan Xizmatlarni tegishli to’langan Xizmatlarda nazarda tutilgan muddatlarda ko’rsatish.

7.4.2.    O’zR qonun hujjatlarida nazarda tutilgan axborot maxfiyligiga rioya qilish.

7.4.3.    Ijrochi tomonidan BirBir platformasi faoliyatini to’xtatib qo’yish, bekor qilish to’g’risida qaror qabul qilingan yoki Kompaniyaning o’zi ixtiyoriy ravishda tugatilgan holatda:

·    bunday qaror qabul qilingan paytdan e’tiboran 2 (ikki) ish kuni mobaynida ommaviy axborot vositalarida, Kompaniyaning Internet tarmog’idagi www.birbir.uz manzili bo’yicha rasmiy saytida tegishli axborotni e’lon qilish.

7.5.         Ijrochi quyidagilarga haqli:

7.5.1.    Quyidagi holatlarda Xizmatlar taqdim qilinishini rad etish:

·    Buyurtmachi tomonidan Shartnoma shartlariga va/yoki BirBir platformasi qoidalariga rioya qilinmagan holatda;

·    Xizmatlar so’ralishiga tegishli E’lon mazmuni haqiqiyligiga shubhalar paydo bo’lgan holatda;

·    E’lon Ijrochi tomonidan va/yoki O’zR qonun hujjatlarida belgilangan talablarga javob bermagan holatda;

·    Xizmatlar uchun to’lov amalga oshirilmagan holatda.

7.5.2.      Buyurtmachining qo’shimcha roziligisiz bir tomonlama tartibda Shartnomaga o’zgartishlar kiritish, bu haqda Buyurtmachi Shartnomada belgilangan tartibda xabardor qilinishi shart.

7.6.         Ijrochi quyidagilarga haqli emas:

7.6.1.    Maxfiy axborotdan o’z manfaatlarida bitimlar tuzish uchun foydalanish, shuningdek uni boshqa shaxslarga bitimlar tuzish uchun berish, shu jumladan Buyurtmachining huquqlari va manfaatlariga zarar yetkazadigan yoki zarar yetkazishi mumkin bo’lgan harakatlarni amalga oshirish.

8.      MAXFIYLIK

8.1.         Taraflar har qanday paytda Shartnomaga va unda nazarda tutilgan majburiyatlarga nisbatan maxfiylikni ta’minlaydilar hamda Shartnomani bajarish davomida olingan har qanday axborotni ikkinchi Tarafning yozma shakldagi roziligisiz uchinchi shaxslarga oshkor qilmaydilar.

8.2.         Ijrochi faqat O’zR qonun hujjatlarida, bitimni bajarish joyida qo’llaniladigan huquq normalarida, Shartnomani tegishlicha bajarish davomida nazarda tutilgan holatlarda yoki amaliy oborot qoidalariga asosan axborotni oshkor qilish talab qilinadigan holatlarda Buyurtmachi to’g’risidagi axborotni oshkor qilishga haqli.

9.      TARAFLAR JAVOBGARLIGI

9.1.         Taraflar Shartnoma bo’yicha majburiyatlar bajarilmaganligi yoki tegishlicha bajarilmaganligi uchun O’zR amaldagi qonun hujjatlariga asosan javobgar bo’ladilar.

9.2.         Buyurtmachi BirBir platformasida E’lonni joylashtirish faktining o’zi, shuningdek Ijrochiga Xizmatlar to’lovi Buyurtmachiga BirBir platformasiga Keluvchi va Buyurtmachi o’rtasida bitim tuzilishini kafolatlamasligini, tuzilgan bitimning o’zi esa turli xavf-xatarlar, shu jumladan majburiyatlar bajarilmasligi xavf-xatari bilan bog’liq bo’lishi mumkinligini anglaydi.

9.3.         Shartnomani imzolash (akseptlash) orqali Buyurtmachi E’lon joylashtirish bilan bog’liq barcha xavf-xatarlar to’g’risida xabardor qilinganligini va ushbu xavf-xatarlarni qabul qilishini tasdiqlaydi, shuningdek ushbu xavf-xatarlar salbiy ta’siri tufayli Buyurtmachiga zararlar yetkazilishi mumkinligini anglaydi va ushbu zararlarni Ijrochi to’lashga majbur emasligiga rozilik bildiradi.

9.4.         Ijrochi Buyurtmachi oldida BirBir platformasi ishidagi to’xtalishlar, shuningdek bunday to’xtalishlar tufayli yuz bergan bitimlar tuzilmaganligi / bekor qilinganligi / to’xtatilganligi uchun javobgar bo’lmaydi, shu jumladan to’lov tashkilotlari, banklar kabi (cheklanmagan holda) boshqa axborot tizimlaridagi boshqa to’xtalishlar va bunday to’xtalishlar oqibatlari uchun javobgar bo’lmaydi.

9.5.         Yuqorida qayd etilgan usullar bilan har qanday hujjatlar (shu jumladan, xabarnomalar, bildirish xatlari) olinganligi uchun Buyurtmachi javobgar bo’ladi. Ijrochi aloqa tizimlari nosozligi, provayderlar, aloqa operatorlari harakatlari / harakatsizligi, Buyurtmachi tomonidan Shaxsiy kabinetga kirish huquqi yo’qotilganligi va Ijrochining nazorat hududidan tashqaridagi boshqa vaziyatlar natijasida yuz bergan holatda, Buyurtmachi tomonidan hujjatlar / bildirish xatlari kechiktirilganligi yoki olinmaganligi uchun javobgar bo’lmaydi.

9.6.         Ijrochi BirBir platformasi servislarining Buyurtmachi ehtiyojlariga muvofiqligini va Buyurtmachi tomonidan BirBir platformasida Xizmatlar olinishi tufayli joylashtirilgan E’longa Keluvchilarning fikr-mulohazalari olinishini kafolatlamaydi.

10.    JAVOBGARLIKNI RAD QILISH

10.1.      Ijrochi quyidagi holatlarda Buyurtmachi oldida javobgar bo’lmaydi:

·     To’lov tashkiloti to’lov amalga oshirilishini rad qilishi;

·     Xizmatlar to’lovidan so’ng Buyurtmachi tomonidan kutilgan natija olinmaganligi;

·     Internet tarmog’idagi to’xtalishlar.

10.2.      Ijrochi Xizmatlar tegishli ko’rsatilishi uchun barcha oqilona choralarni ko’rish majburiyatini oladi, biroq Buyurtmachi quyidagi sabablar bo’yicha Xizmatlardan foydalanish imkoniyati bo’lmagan holatda Buyurtmachining zararlari uchun javobgar bo’lmaydi va ularni kompensasiya qilmaydi:

·    Xizmatlarni taqdim qilish amalga oshiriladigan umumiy foydalanish aloqa kanallari texnologik nosozliklari, Buyurtmachi tomonidan har qanday sabab bo’yicha Internet tarmog’iga kirish huquqi yo’qotilishi, ishdagi va ma’lumotlar uzatilishidagi xatolar, kamchiliklar, uzilishlar, aloqa liniyalari nuqsonlari va boshqa texnik to’xtalishlar;

·    BirBir platformasi ishiga uchinchi shaxslarning ruxsatsiz aralashishi, shu jumladan xakerlik, DDoS-hujumlari, virusli dasturlar ta’sirlari va BirBir platformasi ishidagi boshqa buzilishlar;

·    Buyurtmachi tomonidan Shaxsiy kabinetga kirish huquqi yo’qotilishi, shu jumladan undan ruxsatsiz foydalanish belgilari mavjud bo’lgan holatda;

·    engib bo’lmas kuch vaziyatlari yuz bergan holatda.

11.   SHARTNOMANI BEKOR QILISH TARTIBI

11.1.      Buyurtmachi tomonidan Xizmatlar birinchi to’lovidan so’ng 30 (o’ttiz) kalendar kuni mobaynida Shartnomada belgilangan bironta ham harakat amalga oshirilmagan holatda Shartnoma avtomatik ravishda bekor qilingan (Taraflar kelishuvi bo’yicha bekor qilingan) hisoblanadi.

11.2.      Buyurtmachi tomonidan BirBir platformasi qoidalari buzilgan holatda Shartnoma avtomatik ravishda bekor qilingan (Ijrochi tomonidan bir tomonlama tartibda bekor qilingan) hisoblanadi.

12.    FORS-MAJOR VA NIZOLARNI HAL QILISH TARTIBI

12.1.      Taraflar Shartnoma bo’yicha majburiyatlari qisman yoki to’liq bajarilmaganligi Shartnoma tuzilganidan so’ng yoki favqulodda xususiyatli hodisalar natijasida yuzaga kelgan, Taraflar oldindan bilishlari ham, oqilona choralar bilan oldini olishlari ham mumkin bo’lmagan yengib bo’lmas kuch vaziyatlari oqibatida yuz bergan holatda, ular bunday Shartnoma shartlari buzilganligi uchun javobgarlikdan ozod qilinadilar.

12.2.      Nizolarni muzokaralar orqali hal qilish imkoni bo’lmagan holatda, Taraflar o’rtasidagi nizolar va kelishmovchiliklarni hal qilish O’zR amaldagi qonun hujjatlariga asosan sud tartibida amalga oshiriladi va O’zR amaldagi qonun hujjatlarida belgilangan ishlarni sudda ko’rib chiqish qoidalari qo’llanilgan holda Toshkent sudida ko’rib chiqiladi.

13.   SHARTNOMANING AMAL QILISH MUDDATI

13.1.      Shartnoma Buyurtmachi tomonidan Ommaviy oferta akseptlangan paytdan e’tiboran kuchga kiradi va quyidagi muddatgacha amal qiladi:

·    Taraflar tomonidan Shartnoma bo’yicha majburiyatlar bajarilgan paytgacha, aynan esa Buyurtmachi tomonidan Xizmatlar qiymati to’langan va Kompaniya tomonidan Xizmatlar qiymatiga muvofiq hajmda Xizmatlar ko’rsatilgan paytgacha yoxud

·    Shartnoma bekor qilingan paytgacha.

14.   YAKUNIY QOIDALAR

14.1.      Ijrochi O’zR amaldagi qonun hujjatlarida belgilangan doirada va tartibda davlat soliq xizmati organi, davlat monopoliyaga qarshi organi, shuningdek sud, dastlabki tergov va tergov organlari, davlat organlarining yozma shakldagi talablariga asosan o’z faoliyatiga tegishli ma’lumotlarni, Shartnoma tufayli va/yoki Shartnomaga asosan olingan axborotni va Shartnoma mazmunini oshkor qilishga haqli.

14.2.      Taraflar Shartnomaning barcha shartlarini muhokama qildilar va ularni adolatli va o’zaro foydali deb e’tirof qilgan holda ushbu shartlarga rozilik bildirdilar hamda Shartnomani aldovsiz, chalg’itishlarsiz va majburlashsiz tuzdilar.

14.3.      Shartnoma elektron shaklda tuzilgan va imzolangan.

14.4.      Shartnoma bo’yicha barcha harakatlar O’zR amaldagi qonun hujjatlariga asosan amalga oshiriladi.

15.   IJROCHI REKVIZITLARI

IJROCHI

«DOSKA» MChJ

Toshkent shahar, Yunusobod tumani,

“Minor” MFY, M-6, 70-uy.

h/r: 20208000607083194001

«Ipak Yo’li» AITB Mirzo Ulug’bek filiali MFO 00421 STIR 311359740