«Birinchi yetkazib berish uchun 1 so’m» rag’batlantiruvchi aktsiyasini o’tkazish qoidalari

«Birinchi yetkazib berish uchun 1 so’m» rag’batlantiruvchi aktsiyasini o’tkazish qoidalari

Toshkent sh.                

10.06.2025

1. Umumiy qoidalar

1.1. Mazkur «Birinchi yetkazib berish uchun 1 so’m» rag’batlantiruvchi aktsiyasini o’tkazish qoidalari (bundan buyon matnda – “Qoidalar”) yuridik salohiyatli jismoniy shaxslarning (bundan buyon matnda – “Ishtirokchi”, “Ishtirokchilar”) “Internet” axborot-telekommunikatsiya tarmog’ida jismoniy shaxslar o’rtasida shaxsiy buyumlar (oldin ishlatilgan) savdo-sotig’iga ko’maklashish, shuningdek BirBir platformasi Foydalanuvchilari, ushbu platformaga Kiruvchilar sonini oshirish maqsadida o’tkaziladigan «Birinchi yetkazib berish uchun 1 so’m» rag’batlantiruvchi aktsiyasida (bundan buyon matnda – “Aktsiya”) ishtirok qilish tartibini belgilaydi (1).

1.2. «DOSKA» MChJ (bundan buyon matnda – “Kompaniya”), Ustav asosida faoliyat yurituvchi, BirBir platformasi egasi, Instagram — @birbir.uz ijtimoiy tarmog’ida Kompaniyaning rasmiy akkaunti (bundan buyon matnda – “BirBir akkaunti”) administratori sifatida o’z nomidan faoliyat yurituvchi direktor Andrey Pavlovich Tereshin nomidan Aktsiya tashkilotchisi hisoblanadi.

1.3. Mazkur Qoidalar O’zbekiston Respublikasi Fuqarolik kodeksining (bundan buyon matnda – “O’zR FK”) 367-moddasiga asosan Ommaviy oferta hisoblanadi. Ishtirokchi tomonidan Aktsiyada ishtirok qilishga yo’naltirilgan harakatlarning amalga oshirilishi mazkur Qoidalar aktseptlanishi deb e’tirof qilinadi.

 

2. Aktsiyada ishtirok qilish shartlari

2.1. Quyidagilar Aktsiya Ishtirokchilari bo’lishi mumkin:

• BirBir platformasi yangi Mijozlari;
• amaldagi Akkauntga ega bo’lgan, biroq bundan oldin yetkazib berish shartlarida Tovarlar xarid qilmagan BirBir platformasi Mijozlari.

2.2. Aktsiyada ishtirok qilish uchun Ishtirokchidan quyidagilar talab qilinadi:

• o’z qurilmasiga (har qanday mobil qurilma, shaxsiy kompyuter yoki portativ va/yoki statsionar qurilma) BirBir mobil ilovasini yuklab olish va o’rnatish – yangi Mijozlar uchun;
• BirBir platformasida Akkaunt tashkil qilgan holda BirBir mobil ilovasida ro’yxatdan o’tish – yangi Mijozlar uchun;
• BirBir mobil ilovasida Akkauntga kirish;
• BirBir platformasida joylashtirilgan “etkazib berish” belgisi bilan E’londagi har qanday Tovarga qiziqish bildirish;
• tanlangan Tovarni yetkazib berish shartlarida xarid qilish.

 

3. Aktsiyani o’tkazish shartlari

3.1. Kompaniya birinchi marta yetkazib berish shartlarida Tovar xarid qilayotgan BirBir platformasining har bir Mijozi avtomatik ravishda Aktsiya Ishtirokchisiga aylanishini va Aktsiya Ishtirokchisi tomonidan mazkur Qoidalarga rioya qilingan holatda Tovar olishini ma’lum qiladi.

3.2. Mijoz, Tovar yetkazib berilishining amalda hisoblab chiqilgan qiymatidan qat’i nazar, uning tomonidan birinchi marta rasmiylashtirilgan bunday yetkazib berishning 1 (bir) so’m miqdoridagi yakuniy qiymatini to’laydi. Har bir navbatdagi Tovar yetkazib berilishi Mijoz tomonidan BirBir platformasi Interfeysida qayd etilgan belgilangan qiymat asosida to’lanadi.

3.3. Aktsiya E’londagi Tovarlarni yetkazib berish bo’yicha optsiyalarni va umuman BirBir platformasini ommalashtirishga yo’naltirilgan va lotereya hisoblanmaydi.

3.4. Kompaniya tomonidan Ishtirokchining chalg’itishga urinishi aniqlangan holatda, Kompaniya Ishtirokchining Aktsiyada ishtirok qilishini rad etish huquqini o’zida qoldiradi.

 

4. Cheklovlar va javobgarlik

4.1. Kompaniya oldi-sotdi bitimlarida ishtirok qilmaydi, E’lonlar to’g’riligini tekshirmaydi va bitim Taraflari o’rtasidagi kelishuvlar oqibatlari uchun javobgar bo’lmaydi.

 

5. Shaxsiy ma’lumotlarni ishlash uchun rozilik bildirish

5.1. Ishtirokchi Aktsiyada ishtirok qilish orqali Kompaniya tomonidan quyidagi maqsadlarda o’z shaxsiy ma’lumotlari ishlanishi uchun rozilik bildiradi:

• Aktsiyada ishtirok qilishni ta’minlash;
• Tovarni yetkazib berish shartlarida xarid qilish;
• Aktsiya jarayoni to’g’risida xabardor qilish;
• Ishtirokchi bilan qayta aloqa bog’lash;
• mazkur Qoidalar talablariga rioya qilinishini ta’minlash.

5.2. Mazkur Qoidalar doirasida shaxsiy ma’lumotlar deyilganida Ishtirokchini bevosita yoki bilvosita identifikatsiyalash imkonini beradigan har qanday axborot, shu jumladan: ism-sharifi (taxallusi), telefon raqamlari, messendjerdagi logini, elektron pochta manzili, fotosurati va boshqa taqdim qilingan ma’lumotlari tushuniladi.

5.3. Shaxsiy ma’lumotlarni ishlash har qanday harakatlarni bajarish, shu jumladan ma’lumotlarni to’plash, tizimlashtirish, saqlash, foydalanish, tarqatish (shu jumladan, uzatish), egasiz qilib qo’yish, blokirovka qilish va yo’q qilish orqali amalga oshiriladi.

5.4. Qayd etilgan rozilik mazkur Qoidalar aktseptlangan paytdan e’tiboran Ishtirokchi tomonidan Kompaniyaga elektron pochta manzili bo’yicha yozma shaklda bildirish xati yuborish orqali ushbu rozilik qaytarib olingan paytgacha amal qiladi.

5.5. Shaxsiy ma’lumotlarni ishlash uchun rozilik qaytarib olingan holatda Ishtirokchi Aktsiyada ishtirok qilish huquqini yo’qotadi, E’londagi Tovarni yetkazib berish esa to’liq qiymati bo’yicha amalga oshirilishi mumkin.

 

6. Boshqa shartlar

6.1. Aktsiya O’zbekiston Respublikasi Toshkent shahri hududida o’tkaziladi.

6.2. Kompaniya Aktsiya Ishtirokchilariga E’londagi Tovarning yetkazib berilishi shikastlanishlarsiz amalga oshirilishi to’g’risida hech qanday kafolatlar bermaydi. Kompaniya Tovarni olishda uning butunligiga ishonch hosil qilishni tavsiya etadi.

6.3. Aktsiya faqat reklama xususiyatiga ega va BirBir tovar belgisini, shuningdek BirBir platformasini keng tanishtirishga hamda BirBir platformasi Mijozlari sonini oshirishga, shu jumladan E’londagi Tovarlarni yetkazib berish bo’yicha optsiyalarni ommalashtirishga yo’naltirilgan.

6.4. Aktsiya quyidagi davrda o’tkaziladi: 2025 yil 10 iyundan Kompaniya tomonidan uning bekor qilinishi e’lon qilinadigan paytgacha.

 

7. Yakuniy qoidalar

7.1. Mazkur Qoidalar BirBir platformasida e’lon qilingan paytdan e’tiboran kuchga kiradi va Aktsiya tugagan paytgacha yoxud Kompaniya tomonidan qaytarib olingan yoki o’zgartirilgan paytgacha amal qiladi.

7.2. Kompaniya BirBir platformasi va BirBir akkauntida aktual tahrirni joylashtirish orqali bir tomonlama tartibda Qoidalarga o’zgartishlar kiritishga haqli.

7.3. Ishtirokchi Qoidalarga o’zgartishlarni mustaqil ravishda kuzatib borish va ularga rioya qilish majburiyatini oladi.

7.4. Shuningek, Aktsiya o’tkazilishi, Kompaniya fikricha, O’zbekiston Respublikasi Toshkent shahrida yashovchi har bir fuqaroni iste’molga va pullarning asossiz xarajat qilinishiga yanada mas’uliyat bilan yondashishga rag’batlantiradi va buning oqibati sifatida – kambag’allikka qarshi kurashishda yordam beradi.

7.5. Mazkur Qoidalarda hal qilinmagan barcha masalalar bo’yicha O’zbekiston Respublikasining amaldagi qonun hujjatlari normalari qo’llaniladi.

 

(1) Internet tarmog’ida www.birbir.uz manzili bo’yicha joylashtirilgan BirBir mobil ilovasi va sayt.